NOMBILANGMO 6:24 - KITAB NU TUMPU ALLA LELE MA'IMAI'

²⁴ O amalakon da Tumpu mombalakati ka' mompotuu' belemiu.

NOMBILANGMO 6:24 ပူးပေါင်းရင်းမြစ်များ

KAJADIAN 28:15

O inau' Ku tulungi ka' Ku jagai na beleyum, mau mule' pa' moya na beleyum ka' po'ule' Ku boa mae na beleyum i lipu' aiya. Madi' Ku pala'i na beleyum, sampe toka i tempo'nyo de apaa na anu jinanji'-Kumo hi beleyum, Ku baumo iwi-iwi'.”

2 SAMUEL 7:29

Kalana aijo' ku kakaase de timbali balakatiakon mae na lee'ku da sampe toka sidu-sidutu' aha saja' mongoa'i kalibosan nu belento. O, Tumpu Anu Matangkas na kakuasa'an, iwi-iwi' aijo' jinanji'mo nu belento. Sahingga lee'ku sabole-bole ahi' obalakatiakon mae nu belento sampe toka sidu-sidutu'.”

MAZMUR 134:3

O'amalakon da belemiu mohumpak balakat nu Tumpu lengkat i Sion, anu nompotimbalimo langit ka' tano'!

MAZMUR 17:8

Potuu'akon mae na aku susumo batu nu mata nu Belento, posulukakon mae na aku i uno nu polipik nu Belento na montindungi mae aku

MAZMUR 28:9

Posalamatakon mae na mian anu palesayamo hi Belento, o Tumpu, balakatiakon mae na to mia-mian anu Belentomo na tumpunyo. Jadimo ahi' susumo samian na polaya' aijo' hi aha, ka'jagaiakon na aha sampe toka sidu-sidutu'.

MAZMUR 91:11

Tumpu Allah nonsaimo mae malaekatnyo monjagai beleyum, da monjagai beleyum maumo pa' moya na beleyum mamba.

YESAYA 27:3

Aku, Tumpu, na ponjagainyo; sansina-sinaa na ia Ku dudu'i, sinaa ka' pihi ia Ku jagai da boli ko anu toka mae mompoposia.

YESAYA 42:6

“Aku, Tumpu nolagamo ka' nombee'imo pakalaja'an beleyum da mompojalanmo ka adilan. Beleyum Lewa'mo Ku pangajali ka' mule' Ku potuu'mo da baumo palajanjian hi aha mian ka' mule' baumo jingka hi aha iwi-iwi' na bansa.

DANIEL 9:17

O, Tumpu mami potombihingakon pe'e mae na do'a ka' mule' anu ku kakase. Po'ule'akon mae da ma'ima' na laigan nu Belento anu i hansunmo aijo', po ule' pokopianiakon mae da iwi-iwi' na mian monsumbu' talu' Belento Tumpu.

YOHANES 17:11

Uuka aiya Aku toka hi kita Tuuma. Aku madi'mo daagi' jojoong i dunia; panyo aha daagi' i dunia. Kita Tuuma anu Susi'! Potuu'akon na aha nu kuasa, nu sanggonto Tuuma, aijo'mo sanggo anu binee'mo nu kita Tuuma hi beleng-Ku – da aha timbali mosa'angu', pokakana sumo kita Tuuma ka' Aku suele sa'a-sa'angu'.

1 KORINTUS 14:16

Kalana de kita Utus ola montaloakon talima kase hi Tumpu Allah nu kinyonyoa, ka' daagi' ko mian sangga'at anu madi' mangalati' i basa' anu okabangangi, anu lengkat mae hi Roh nu Tumpu aijo', saba' mian aijo' madi' moko ala motatae, “Aku setuju” i do'a pontalima kaseum aijo'; kalana ia madi' monsumbu' apaa na anu tinaloakonmo nu kita Utus.

EFESUS 6:24

O amalakon da Tumpu mombalakati kita Utus iwi-iwi' anu mongkalibosi Tumpunto i Yesus Kristus, nu kalibosan anu madi' ko kapopoho'annyo. Tabea' mami, I Paulus

FILIPI 4:23

O'amalakon da Tumpunto i Yesus Kristus mombalakati kita Utus iwi-iwi'. Tabea' mami, I Paulus tiba i Timotius 13

FILIPI 4:7

Sahingga ka'ima'an anu lengkat mae hi Tumpu, anu madi' opoko ala osumbu' nu mian, monjagaije kinyonyoa ka' pikilan miu anu nosa'angu'mo tiba i Kristus Yesus.

1 TESALONIKA 5:23

O amalakon da posi Tumpuje na mombee'i kita ka'ima'an, mompotimbali komiu mian anu totu-totu'u tumuu'mo samata-mata hi Tumpu. O amalakon da Tumpu monjagai butong miu, iwi-iwi' mau mule' roh, santuu' kabai pe'e butong miu, sahingga madi' ko ideknyo de Tumpunto i Yesus Kristus mompo'ule'mo mae toka.

1 PETRUS 1:5

Iwi-iwi' aijo' bau bagi miu, kalana komiu pinalesayamo hi Tumpu. Jadi komiu o jagai nu kuasa nu Tumpu da komiu mohumpak kasalamatan anu oponyata'je toka i tempo'nyo saidi' mae.

YUDAS 1:24

Tumpu, na anu moko ala monjagai da komiu madi' manabu', ka' anu moko ala momboa komiu i ahop-Nyo anu talasanggo ka' mongoa'i lame' ka' madi' ko apa-apaa na anu sinala'.

I RUT 2:4

Madi' pinin i Boas tinokamo lengkat mae i Betlehem ka' nontabea'i to mia-mian anu mompadak, “O amalakon da Tumpu monjagai belemiu,” na koonyo. To mia-mian anu mompadak nontaami, “O amalakon da Tumpu mombalakati belento Tuuma.”

1 SAMUEL 2:9

Mian anu tulu-tulutan madi' ko anu mompoposia, Tumpu na monjagai. Panyo mian anu mombau anu ma'idek opatei iwi-iwi' i uno nu pintung ka' pikat hondo. Posi kahosonan madi' otaha imani, kahosonan nu mian madi' mombee'i ka'untungan mahampate.