NOMBILANGMO 6:23 - KITAB NU TUMPU ALLA LELE MA'IMAI'

²³ da mompoto'i hi Harun ka' hi to ana-anaknyo tukoonyo aha tionyo ahi' montaloakon potatae aiya de aha mombalakatimo bansa Israel:

NOMBILANGMO 6:23 ပူးပေါင်းရင်းမြစ်များ

KAJADIAN 47:10

Lapas aijo' i Yakub siniloloamo ka' nombalakatimo kalana aha noga'a-ga'atmo.

KAJADIAN 47:7

I Yusuf suele nompoto'imo sanggo nu tuumanyo aijo' hi tomundo. I Yakub nombalakatimo i tomundo.

KAJADIAN 48:20

Lantas po'ule' mule' binalakatannyo na anak haha aijo' i sinaa aitu, ia notatae, “Mian nu Israel monsanggo sanggo nu belemiu de aha mombalakatimo mian. Aha notatae, 'O'amalakon da Tumpu Allah mompotimbali beleyum susumo i Efraim ka' i Manasye.' ” Tiba jalan anu sumo aijo' i Yakub lebe mompalahatikan i Efraim kalana ia na saidi' mae molingkudui i Manasye.

1 TOMU-TOMUNDO' 8:55

Noko lapas aijo' ia tinuminjomo, ka' ia notataemo daka-daka' nomoita hi Tumpu Allah da obalakati na mian iwi-iwi' anu sinihukmo i kiijo', ia notatae,

1 TAWARIKH 23:13

I Amram aijo'mo na tuuma i Harun tiba i Musa. (I Harun ka' lee'nyo sampe toka sidu-sidutu' tinantukanmo samata-mata mongulus iwi-iwi' na pakakas anu opake de monsombahmo Tumpu, mompapu kamangian bau pongadati Tumpu, mombau anu nu pokauhakon nu Tumpu ka' mombalakati mian da'isan i uno nu sanggo nu Tumpu.

2 TAWARIKH 30:27

To ima-imam ka' mian nu aha Lewi nompoitamo da nu balakati nu Tumpu na aha mian da'isan ka' da kiita' mae i suluga' kajojoongan-Nyo Tumpu Allah mohongoakon mae do'a nu aha ka' mohalala'akon mae apaa na anu nupoita nu aha.

NOSABATMO 39:43

I Musa nompalesamo iwi-iwi' ka' tinoanyomo taalu' aha nombaumo madi' sinala' susumo anu pinalentahkonmo nu Tumpu. Lantas binalakatanmo i Musa na aha.

NOMBILANGMO 6:22

Tumpu nompokaumo i Musa

ROMA 1:7

Mokonyo aijo' aku nontulis toka hi komiu. O' amalakon da Tumpu Tuumanto ka' i Tumpu Yesus Kristus mombee'i balakat kopi-kopian hi komiu.

PO'ULE' INGULIT 10:8

I bungkutnyo aijo' pinoto'imo nu Tumpu na tulunan nu bansa Lewi da samata-mata mongkalesang Peti' Palajanjian ka' mombau anu nu palentahkon nu Tumpu, ka' mule' montaeakon balakat hi mian anu pinalesayamo hi Ia. Aijo'mo na kalaja nu aha sampe uuka aiya.

PO'ULE' INGULIT 21:5

To ima-imam Lewi suele ahi' mamba mokiijo', kalana aha tionyo ahi' mombee'i kaputusan toto sa'angu' na palakala. Aha pinile'anmo nu Tumpu Allah nu belemiu da montuluti apaa na anu pinalentahkon-Nyomo ka' mompotokakon balakat lengkat mae hi Tumpu.

PO'ULE' INGULIT 33:1

Ma'isa pe'e sinilaka na i Musa, anu sinai mae nu Tumpu Allah, ia nombalakatimo bansa Israel, ia notatae sumo uuka:

IBRANI 7:1

I Melkisedek aiya atina'mo na tomundo anu lengkat mae i Salem ka' imam nu Tumpu Anu Talasanggo. Tempo'nyo i Abraham ninsusule'mo lengkat mae namba nahampate nompatundu' to tomu-tomundo, i Melkisedek tinokamo nompolabot ia ka' nombalakati.

IBRANI 7:7

Memang madi' ahi' timbali ogagakon au'aitu mian anu binalakatanmo atina' na lebe i aluknyo nu mian anu nombalakatimo.

YOSUA 8:33

Aha mian nu Israel tiba to pola-polaya', to kapa-kapala nu suludadu, to mia-mian kopian, ka' suele to mia-mian anu lengkat mae i salipu'an anu jojoong ikiijo' hi aha, tinuminjomo i sambiha' ka' sambiha' nu Peti' Palajanjian nu Tumpu mongahopi to ima-imam Lewi anu molemban Peti' Palajanjian aijo'. Sambagian na mian haha aijo' mongahopi Bungkutnyo nu Gerizim, ka' sambagian mule' mongahopi Bungkutnyo nu Ebal. I Musa posaihon nu Tumpu aijo', nompalentahkonmo da aha mombau han anu sumo aijo' de tokamo na tempo'nyo aha mohumpakmo balakat anu jinanji'mo nu Tumpu.

2 YOHANES 1:3

O'amalakon da kita nu bee'i mae balakat, ka' ka'ima'an nu Tumpu Tuuma, ka' i Yesus Kristus Anak nu Tuuma aijo'. O'amalakon da iwi-iwi' aijo' saja' daagi' aiya hi kita ka' mule' kinyonyoanto hodi' ka' ko kalibosan.