NOMBILANGMO 6:20 - KITAB NU TUMPU ALLA LELE MA'IMAI'

²⁰ Lantas imam tionyo ahi' montajuakon kaanon aijo' salaku anu obee' samata-mata opadonakon hi Tumpu; aijo' bagian anu susi anu baumo bagi nu imam. Lapas aijo' atina'je ka' mian anu binalaniatmo aijo' timbalimo monginum anggur.

NOMBILANGMO 6:20 ပူးပေါင်းရင်းမြစ်များ

ANU MOMPOLELE POTATAE NU TUMPU 9:7

Donganmo pongkaan ka' balame-lame'; inumo sana-sanang na kinyonyoa na anggur nu belemiu, Tumpu madi' kabalatan pakalaus Ia ahi' situju.

YESAYA 25:6

I Puge'nyo nu Sion, Tumpu Anu Daka' na Kuasanyo momposadiamo anu okaan i bau-bauon nu aha iwi-iwi' na bansa i dunia aiya. Nu tatuakonmo na kaanon anu toto ima-ima' hondo tiba anggur anu memang pinile'anmo.

YESAYA 35:10

Aha to mia-mian anu pinobebasmo nu Tumpu na minsusule'mo; aha minsoopmo ikota' Yerusalem ka' lewa'mo montaligalai, ohup nu aha balasahayamo kalana ilame'mo sampe toka sidu-sidutu'. Aha saidi' mae bilahimo ka' lame'mo; pikilan susa' ka 'mule' sola' motusa' imadi'anmo.

IMAMAT 10:15

Pa'a palasombahan anu samata-mata baumo bagi nu Tumpu, ka' saha'annyo nu palasombahan anu oboa aijo' tionyo ahi' oboa hingga-hinggat tiba lompo'nyo da bau koloban anu opotunu salaku palasombahan anu samata-mata baumo bagi nu Tumpu. Bahagian haha aijo' beleyumo na tumpunyo tiba to ana-anak nu beleyum sampe toka sidu-sidutu', susumo anu pinalentahkonmo nu Tumpu.”

IMAMAT 23:11

Toka i sinaa de lapasmo na sinaa nu Sabat, imam tionyo ahi' monsombahkonmo gandum aijo' salaku palasombahan anu oboa hi Tumpu da Tumpu sanangmo hi belemiu.

IMAMAT 7:30

Posi ia na tionyo ahi' momboa koloban kaanon aijo'. Lompo'nyo ka' saha'annyo nu binatang aijo' tionyo ahi' osombahkon salaku anu oboa i ahop nu Tumpu.

IMAMAT 7:31

Imam tionyo ahi' mompotunu lompo'nyo nu binatang aijo' i mezbah, panyo saha'annyo baumo bagi nu to ima-imam.

IMAMAT 7:32

Pa'anyo koanan tionyo ahi' obee' salaku samata-mata bau pontulungi,

IMAMAT 7:34

Saha'an ka' pa'anyo koanan anu binoa sinombahkonmo nu bansa Israel ingalamo nu Tumpu ka' binee'nyomo samata-mata hi to ima-imam. Aijo'mo na pontulungi nu bansa Israel hi to ima-imam sampetoka sidu-sidutu'.

IMAMAT 9:21

Saha'annyo ka' pa'anyo koanan nu binatang aijo' nu sombahkonmo salaku palasombahan anu oboa hi Tumpu. Aijo' baumo bagi nu to ima-imam susumo anu pinalentahkonmo i Musa.

ZAKHARIA 10:7

Mian nu Israel sumomo suludadu anu baani hondo sumomo mian anu monginumo anggur aha lame'mo. Lee' nu aha mae lengkat pe'e naipuan mae sampe aiya mae i ahop madi' mongkolilimi ka Untungan nahampate anu binee'-Kumo aiya. Aha bilahimo kalana palabuatan anu saidi' mae Ku baumo hi aha.

ZAKHARIA 9:15

Mian anu palesayamo hi Ia na memang ahi' Nu jagai, sahingga iwi-iwi' na sampobali' nu aha timbali opoko ala opatundu'. Susumo polo ais nu mian anu nalangumo nu inumon, sumo aitumo na polo ais nu aha hau-haunyo mahampate. Susumo baso' nu koloban anu dinudu'akonmo aita' i mezbah sumo aitumo na baso' nu sampobali' nu aha nobubus.

ZAKHARIA 9:17

Memang ahi' ma'ima' hondo na tano' nu Tumpu mo'ulop mae, memang ahi' ma'ima' hondo ka' ma'u lele'an! Ikiijo' mae anggur tiba gandum tumuu'nyo molumba' hondo sahingga to oli-olitau ka' to lalangkoyang mompaka pahosonmo.

NOMBILANGMO 18:18

Antoknyo baumo bagi nu belemiu, pokakana sumomo saha'annyo ka' pa'anyo koanan anu obee' ka' osombahkon hi beleng-Ku.

NOMBILANGMO 5:25

Imam tionyo ahi' mongala labu palasombahan aijo' ka' montajuakon i ahop nu Tumpu, lantas oboamo i mezbah.

NOMBILANGMO 6:21

Aijo'mo na atulannyo kona hi mian anu binala niatmo; panyo de mian anu binalaniatmo nonjanji'mo koloban anu molingkuduimo atulan nu niatnyo, ia tionyo ahi' mombau sahondo-hondonyo susumo apaa na anu jinanji'nyomo aijo'.

MATIUS 26:29

Palesayamo: Aku madi' mompo'ule' monginum anggur aijo' sampe toka i tempo'nyo Aku monginumje anggur anu bu'ou hingga-hinggat tiba komiu i Dunia Bu'ou nu Tuumang-Ku.”

MARKUS 14:25

Palesayamo: Aku madi'mo po'ule' monginum anggur aiya, sampe toka i tempo'nyo Aku monginum anggur anu bu'ou tiba komiu i Dunia Bu'ou nu Tuumang-Ku.”

YOHANES 19:30

I Yesus nontumi' uee nu anggur aijo' lantas notataemo, “I lapasmo!” Balo Ia tinompalupek na ubak-Nyo ka' sinilaka.