NOMBILANGMO 5:29 - KITAB NU TUMPU ALLA LELE MA'IMAI'

^29-30 Sumo aijo' na atulannyo de samian na langkai' nu mian minsihib ka' monginsi-insibi tukoonyo bengkele'nyo nombaumo anu ma'idek ka' nombusikimo butongnyo. Mo'ane aijo' tionyo ahi' mompohadap bengkele'nyo aijo' hi Tumpu ka' imam tionyo ahi' mompokona atulan aijo' hi boune aijo'.

NOMBILANGMO 5:29 ပူးပေါင်းရင်းမြစ်များ

YEHEZKIEL 33:26

Belemiu montakabunakonmo bajak nu belemiu. Katantuan nu belemiu atina' mahenyu hondo. Belemiu iwi-iwi' saja'mo masala'. Daagi' mongakui mule' na belemiu tano' aiya, belemiu na tumpunyo?

IMAMAT 11:46

Aijo'mo na atulannyo kona hi binatang, tibamo tomonsi', binatang anu tumuu' i uno nu uee ka' anu lumajang i tano'.

IMAMAT 13:59

Sumo aijo' na to atu-atulannyo mongkona anu nahu'mo anu ohumpak i baju' kabai i hude' kabai laken, kabai pa' apa-apaa anu kilit na binau.

IMAMAT 7:11

Aiya na to atu-atulannyo mongkona koloban bau pompodame anu osombahkon hi Tumpu.

NOMBILANGMO 5:12

da mombee' atulan haha aiya hi aha mian Israel. De ko samian na mo'ane monginsi-insibi bengkele'nyo. Ia nongkila-kilamo bengkele'nyo aijo' madi'mo montuluti ia ka' nombusikimo butongnyo kalana noduhusmo tiba mo'ane sangga'at. Panyo langkai'nyo aijo' madi' moko ala montantukan bukuti'nyo totu-totu'u, kalana han aijo' binau nu bengkele'nyo naninsuluk; madi' ko anu nonsakisi'i ka' ia madi' i hakop hau-haunyo duhu-duhus kabai de ko samian na langkai' nu mian monginsi-insibimo bengkele'nyo padahan bengkele'nyo aijo' madi' nasala'.

NOMBILANGMO 5:15

Ohu-ohua' na han aijo' langkai'nyo aijo' tionyo ahi' momboa bengkele'nyo hi imam. Ia mule' tionyo ahi' momboa palasombahan apaa na anu palalu osombahkon aijo'mo sa'angu' na kilogram na labu nu gandum. Labu aijo' madi' timbali odudu'i nu lanya' nu zaitun kabai okakambuhi nu kamangian, kalana palasombahan aijo' mongkona i han anu sala'je o insi-insibi ka' salaku bau pontandai kalana langkai'nyo nonginsi-insibimo bengkele'nyo.

NOMBILANGMO 5:19

Lapas aijo' imam tionyo ahi' montotoangakonmo sumpa' ka' nusitujui nu boune aijo'. Imam tionyo ahi' motatae, “De beleyum madi' masala' yo beleyum madi' nukona nu kutuk anu nupotoka mae nu uee aiya.

NOMBILANGMO 5:28

Panyo de ia madi' ko kasala'an yo ia madi' ahi' nukona nu kutuk ka' daagi' ahi mohumpak anak.