NOMBILANGMO 5:27 - KITAB NU TUMPU ALLA LELE MA'IMAI'27 De boune aijo' nasala'mo, ueemo aijo' na nonsabapi ia masakitmo hondo; Kompongnyo sombakmo ka' jalempakannyo mingkihu-kihutmo. Sanggonyo timbalimo kutuk aijo' hi aha bansanyo kalana sinumpa'mo. အခန်းကိုကြည့်ပါ။ |
Aha Ku pototumputimo nu pahampatean, kasusa'an i anu okaan, tiba panyakit anu molele, sahingga songko-songko na bansa idunia aiya anu montoa aha mabuhukmo na montoa kantumuu'an nu aha. Maumo pa' iyaya mae na pongga'a-ga'atakonan-Ku aha mian mabuhukmo, ka' meatmo na montoa apaa na anu jinadimo aijo' hi aha. Aha sola'mo okokojoi ka' mule' sanggo nu aha opakemo salaku bau lewa' pongkutuki.
Susumo Aku, Tumpu Allah Israel nompobuntumo tambuha'-Ku ka' pusang-Ku hi aha mian anu jojoong i Yerusalem sumo aijo'mo na Aku mompobuntu tambuha'-Ku kona hi belemiu anu mambamo i Mesir. Mian saidi' mae mabuhukmo na montoa belemiu; belemiu sola'mo o'alu, ka' sanggo nu belemiu lewa'mo opake' salaku bau pontotobi'akon. Belemiu madi'mo daagi' po ule' montoa lipu' nu belemiu aiya.”
Ka' de maluanyo aha mian nu Yehuda anu daagi' tinontuha' suele ko kahanda' mamba i Mesir, da jojoongmo kiijo' mae, saba' aha suele silakamo ahi' iwi-iwi'. Aha iwi-iwi' anu tu'amo kabai anu daagi' anak silakamo i Mesir i uno nu pahampatean, kabai kalana kasusa'anmo i anu okaan. Mian timbalimo mabuhuk na montoa kantumuu'an nu aha ka' lewa'mo mongalu aha. Sanggo nu aha lewa'mo opake salaku bau pongkutuki.
O, mian anu jojoong i Yehuda ka' i Yerusalem! Naipuan mae de to mia-mian anu i salipu'an mae mompaha toto totobi'akonmo, aha motatae, ‘O'amalakon da balaa' anu nontuda'imo Yehuda tiba Israel suele ahi' montuda'i belemiu!’ Panyo Ku posalamatje na belemiu sahingga to mia-mian anu isalipu'an mae aijo' motataemo hi bubuu' aha, ‘O'amalakon da balakat anu toka hi aha Yehuda tiba hi aha Israel, suele toka ahi' hi butong nu belemiu!’ Kalana aijo' pohoson na kinyonyoa nu belemiu ka' boli ahi' mabuhuk!”