NOMBILANGMO 5:18 - KITAB NU TUMPU ALLA LELE MA'IMAI'

¹⁸ Lapas aijo' ia tionyo ahi' mompokakambangmo ubak nu boune aijo' ka' monsapuakonmo labu palasombahan kalana i insi-insibimo i limanyo, panyo imam montoongi uee mapakat anu mompotoka mae kutuk.

NOMBILANGMO 5:18 ပူးပေါင်းရင်းမြစ်များ

AMSAL 5:4

panyo de bisuannyo iwi-iwi' moko lapasmo, saba anu daagi me ahi' kasusa'an ka' kasansala'an.

ANU MOMPOLELE POTATAE NU TUMPU 7:26

Ihumpakkumo taalu' boune lebe mapakat molingkudui kapatean. Pongka'ima'i nu boune sumo buani kabai so'o anu sinadiamo mohakop kaanonnyo. Pontanggogolinyo sumo pompungu anu madodo hondo. Mian anu mombau pongka'oho' nu Tumpu madi' nu kona nu so'o aijo' panyo mian anu baladosa' memang nu hakopmo.

YESAYA 38:17

Untuk kuku oa'i mongabali'mo susumo madi' ko apa-apaanyo, Belento nomposalamatmo aku da madi'mo kinokasilaka'an; iwi-iwi na dosa'ku ingampunanmo nu Belento.

YEREMIA 2:19

Posi palabuatanmo nu beleyum ma'i-ma'idek na nohukum butong nu beleyum, beleyum sinakisamo kalana madi'mo nongala Aku, Tumpu Allah nu beleyum. Aku, Tumpu Allah nu beleyum notataemo; Akumo na Tumpu Allah Anu Matangkas na Kuasanyo ka' Balakuasa hondo.”

IMAMAT 13:45

De ko mian anu kinonamo nu panyakit kilit anu monsilakai tionyo ahi' mompusok baju' anu mobea-beak ka' mompojohokmo ubaknyo tapuhakak. Ia tionyo ahi' mongkukubi aluknyo nu ohupnyo ka' lewa' moloboo', “Nahumimi'mo! Nahumimi'mo!”

NOMBILANGMO 5:15

Ohu-ohua' na han aijo' langkai'nyo aijo' tionyo ahi' momboa bengkele'nyo hi imam. Ia mule' tionyo ahi' momboa palasombahan apaa na anu palalu osombahkon aijo'mo sa'angu' na kilogram na labu nu gandum. Labu aijo' madi' timbali odudu'i nu lanya' nu zaitun kabai okakambuhi nu kamangian, kalana palasombahan aijo' mongkona i han anu sala'je o insi-insibi ka' salaku bau pontandai kalana langkai'nyo nonginsi-insibimo bengkele'nyo.

NOMBILANGMO 5:17

Lantas imam tionyo ahi' mongala sa'angu' na mangko' anu tano' na binau ka' mongisi uee anu susi' sangkiding. Lapas aijo' ia tionyo ahi' mongala sangkiding na abu' i salo nu Kemah nu Tumpu ka' mongisi abu' aijo' i uee aijo'.

NOMBILANGMO 5:19

Lapas aijo' imam tionyo ahi' montotoangakonmo sumpa' ka' nusitujui nu boune aijo'. Imam tionyo ahi' motatae, “De beleyum madi' masala' yo beleyum madi' nukona nu kutuk anu nupotoka mae nu uee aiya.

NOMBILANGMO 5:22

Uee anu mompotoka kutuk aiya minsoop mo i kompong nu beleyum ka' mompotimbalimo sombak ka' mule' mingkihu-kihutmo na jalempakan nu beleyum.” Boune aijo' tionyo ahi' montaami, “Aku situjumo; o amalakon da Tumpu mombaumo sumo aijo'.”

1 KORINTUS 11:15

Panyo hi boune hambahan nu ubak binee' hi ia da bau pongkukubi ubaknyo, ka' ubak mantan aijo' timbali kasanangannyo.

1 KORINTUS 11:6

Kalana de samian na boune madi' mongka'oho' mongkukumbungi ubak, sahanyo ubaknyo o gunting. Panyo de samian na boune o kis na ubaknyo kabai o gunting na ubaknyo, aijo' sa'angu' na ka' ambangan hi ia. Mokonyo aijo' lebe ma'ima' ia mompake kukumbung nu ubak.

PO'ULE' INGULIT 29:18

Jadi obala'ingati boli sampe daagi' ko samian atina' hi belemiu mo'ane kabai boune, Utus miu kabai tulunan nu bansa anu tinuminjo i aiya, tolo sule'mo mohikumo Tumpu Allah-nto ka' monsombahmo to pilo-pilogot nu bansa sangga'at. Palabuatan aijo' sumomo bakat anu tumuu' timbalimo kau' mapakat ka' kolasungnyo.

IBRANI 13:4

Iwi-iwi' na mian tionyo ahi' mompotoa kalakuan mongadati po'osoan, mokonyo aijo' tionyo ahi' mo'ane bengkele' mompaha hongo-hongo samian ka' samian. Mian anu mombau anu mahenyu ka' mian anu masala' nu putusije nu Tumpu.

1 SAMUEL 15:32

Lapas aijo' i Samuel nompalentahmo, “Boa mae mo uuka na i Tomundo' Agag,” i Agag nambamo hi ia, ka' ia nontaha imanimo kalana tinutugannyo, “Balaa' kapatean i madi'mo.”