NOMBILANGMO 5:17 - KITAB NU TUMPU ALLA LELE MA'IMAI'

¹⁷ Lantas imam tionyo ahi' mongala sa'angu' na mangko' anu tano' na binau ka' mongisi uee anu susi' sangkiding. Lapas aijo' ia tionyo ahi' mongala sangkiding na abu' i salo nu Kemah nu Tumpu ka' mongisi abu' aijo' i uee aijo'.

NOMBILANGMO 5:17 ပူးပေါင်းရင်းမြစ်များ

AYUB 2:12

Panyo daagi' mae jo'o-jo'on na aha nontoa, kinoboli' madi'mo sinumbu' nu aha na ia. Aha singkapmo i humang ka' nolokihis ka' binea-beakmo nu aha na baju' nu aha ka' nonsagakonmo abu' nokiita' i langa ka' aita' i ubak nu aha.

NOSABATMO 30:18

“Bau sa'angu' na tampat pongisian uee tambaga na obau ka' paningkokoannyo suele tambaga na obau. Pokoko na tampat aijo' i olot nu Kemah ka' mezbah lantas isii nu uee.

YEREMIA 17:13

O Tumpu, Belentomo na bau kataha'imanan nu Israel, mian anu palesayamo hi Belento; iwi-iwi' na anu nompala'imo Belento saidi' mae ma ambangmo. Aha saidi' mae mingkotmo madi'mo ko anu idunia aiya ka' mambamo idunia nu mian anu sinilakamo. Kalana, Belento pipinolengkatan mae nu uee anu bau kantumuu'an pinala'ianmo nu aha, o Tumpu.

MOHAANGI 3:29

Sahanyo kita mompoduku butong ka' boli mombau apa-apaa. Kalana ugaat daagi' ko anu otaha'imani.

NOMBILANGMO 5:16

Imam tionyo ahi' mompokau boune aijo' mamba i ahop nu mezbah ka' tuminjo mo'ahop hi Tumpu.

NOMBILANGMO 5:18

Lapas aijo' ia tionyo ahi' mompokakambangmo ubak nu boune aijo' ka' monsapuakonmo labu palasombahan kalana i insi-insibimo i limanyo, panyo imam montoongi uee mapakat anu mompotoka mae kutuk.

YOHANES 8:6

Aha nompokilawa sumo aijo' da monsobai Ia, da timbali na aha mompisala'i Ia. Panyo i Yesus ola dinumuku ka' lima-Nyo nontulis i tano'.

YOHANES 8:8

Lapas aijo' i Yesus po'ule' dinumuku i tano' ka' po'ule' nontulis.