NOMBILANGMO 4:32 - KITAB NU TUMPU ALLA LELE MA'IMAI'

³² Ka' mule' suele to ohi-ohi'nyo anu opake i natan titikub nu Kemah aijo' tiba suele paningkokoannyo iwi-iwi' ka' totokolonnyo ka' iwi-iwi' na kahohonnyo tiba iwi-iwi' na pakakasnyo anu opake mompotinjo. Toto samian obee'i pakalaja'an momboa to bala-balang anu tinantukanmo.

NOMBILANGMO 4:32 ပူးပေါင်းရင်းမြစ်များ

1 TAWARIKH 9:29

Sambahagian mule' mompangakui mongulus balang sangga'at anu opake monsombah Tumpu, ka' labu, anggur, lanya' nu zaitun, kamangian, ka' lampa-lampa.

NOSABATMO 25:9

Kemah ka' posadiaonnyo tionyo ahi' nubau nu aha, susumo anu pinoto'imo ka' Ku potiju'je hi beleyum.”

NOSABATMO 27:9

“Bau na popasannyo titikub Kemah-Ku, anu obalabati nu hude lenan anu bola ka' anu ma'ima' hondo. I sasu selatan, hude bola-bola aijo' ko mantannyo 44 meten,

NOSABATMO 38:17

Paningkokoan nu to ohi-ohi'nyo haha aijo' tambaga na binau, panyo kaitnyo, ka' paninggantumnyo ka' tuu'nyo nu ohi'nyo salaka na binau. Iwi-iwi' na ohi'nyo i songko-songko na natan aijo' opaha pogantum sa'angu tiba sa'angu' tiba paningkaitnyo salaka.

NOSABATMO 38:21

Aiyamo na daputan nu pakakas anu opake i Kemah nu Tumpu tampat anu pompo'una'an ohua' na batu tiba Sampulu' na Palentah nu Tumpu Allah. Daputan aijo' binau kalana pinalentahkon i Musa ka' tinulis nu aha to mia-mian nu Lewi anu mokalaja nu atun i Itamar anak i Imam Harun.

NOMBILANGMO 3:36

Aha na mangaku mongkalesang olon nu Kemah, to bala-balaknyo, to ohi-ohi'nyo, paningkokoannyo ka' iwi-iwi' na pakakasnyo, ka' mule' iwi-iwi' na pakalaja'an anu obau i balang haha aijo'.

NOMBILANGMO 3:8

Kalaja nu aha aijo'mo momposadia anu opalalui i Kemah-Ku ka' mokalaja i Kemah-Ku aijo' da to mia-mian nu Israel sangga'at bolimo mokalaja.

NOMBILANGMO 4:31

Aha binee'an pakalaja'an mongato to paka-pakakas nu Kemah aijo', to bala-balaknyo, to ohi-ohi'nyo ka' paningkokoannyo.

NOMBILANGMO 4:33

Aijo'mo na pakalaja'an nu to mia-mian tulunan mae i Merari; iwi-iwi' na pakalaja'an nu aha i Kemah nu Tumpu tionyo ahi' obau ka' polaya' nu aha i Itamar, anak i Imam Harun.

NOMBILANGMO 4:49

Palentah nu Tumpu anu pinotokamo i Musa, da toto samian odaputanakonmo ka' obee'imo pakalaja'an toto samian apaa na anu tionyo ahi' nubau nu aha kabai apaa na anu tionyo nusimbu nu aha.

NOMBILANGMO 7:1

Salatan i Musa nopoko potinjomo Kemah nu Tumpu, Kemah aijo' ka' iwi-iwi' na talakonannyo sinapuannyomo iwi-iwi' nu lanya' anu opake de mombaumo atulan nu agama, ka' binalakatannyo. Sumo aijo'mo suele na pinombaunyo mezbah ka' iwi-iwi' na talakonannyo.

NOMBILANGMO 7:8

opat na kaleta ka' ualu' na sapi' binee'nyomo hi aha mian nu Merari, kalana aijo'mo na pakalaja'an nu aha anu nu atun i Itamar, anak i Imam Harun.