NOMBILANGMO 33:4 - KITAB NU TUMPU ALLA LELE MA'IMAI'

⁴ anu hau-haunyo molamun to ana-anak nu aha anu tumpenyo anu pinateanmo nu Tumpu. Tiba jalan anu sumo aijo' Tumpu nomponyata'mo saba' Ia na lebe mahoson molingkudui to pilo-pilogot nu aha Mesir.

NOMBILANGMO 33:4 ပူးပေါင်းရင်းမြစ်များ

MAZMUR 105:36

Lantas sinilakannyomo na anak tumpe anu to momo'ane, hi aha toto sangauwan na mian nu Mesir.

NOSABATMO 12:12

Pihi aijo' Aku lumajangmo monsongkohi tano' nu Mesir, ka' mompateimo to ana-anak tumpe mo'ane, mau manusia mau pe'e binatang. Ku hukumo na pilogot iwi-iwi' i Mesir, kalana Akumo na Tumpu.

NOSABATMO 18:11

Uuka aiya sinumbu'kumo taalu' Tumpu na lebe daka' molingkudui pilogot iwi-iwi', kalana iwi-iwi' aijo' binau-Nyomo tempo'nyo mian nu Mesir nongkabisa'imo ka' kinobubuunmo hondo hi aha mian Israel.”

YESAYA 19:1

Sumo uuka na potuunon mongkona aha Mesir. Tumpu tokamo mae i Mesir monsake'i mae kundom anu malia'. Iwi-iwi na pilogot anu daagi' i Mesir nu lakatmo i ahop-Nyo ka' aha mian nu Mesir ise-ise'mo na kinyonyoa nu aha.

ZEFANYA 2:11

Tumpu mombaumo aha da mabuhuk. Ia mohansunimo to pilo-pilogot anu aiya i dunia. Lantas iwi-iwi' na bansa saidi' mae monsombahmo Tumpu i posi-posi lipu' nu aha.