NOMBILANGMO 32:29 - KITAB NU TUMPU ALLA LELE MA'IMAI'

²⁹ “De aha mian nu Gad haha aijo' tiba mian nu aha Ruben haha aijo' montuluti palentah nu Tumpu ka' motaapmo i Kaunyo nu Yordan mamba mahampate, ka' kalana binantumo nu aha, belemiu moko alamo mompatundu' lipu' aijo', jadi tano' nu Gilead tionyo ahi' obee'mo nu belemiu hi aha da ahamo na tumpunyo.

NOMBILANGMO 32:29 ပူးပေါင်းရင်းမြစ်များ

NOMBILANGMO 32:17

Kami mosadiamo mamba mahampate hingga-hinggat tiba to utu-utus mami. Kami na mamba aita' momona montumbuhi ka' momboamo aha minsoop i lipu' anu saidi' mae nu alamo nu aha. Hau-haunyo aijo' to ana-anak ka' bengkele' mami jojoong i aiya i to kota-kota anu ko bentengnyo, anu madi' nupoko ala mae nu tumpumbuhi nu mian i lipu' aiya.

NOMBILANGMO 32:28

Sahingga i Musa nombee'imo palentah aiya hi Imam Eleazar, hi Yosua tiba hi to pola-polaya' nu aha Israel,

NOMBILANGMO 32:30

Panyo de aha madi' motaap i Kaunyo nu Yordan mamba mahampate hingga-hinggat tiba belemiu, nyata aha tionyo ahi' mongala pombahagian tano' pusaka i lipu' Kana'an susumo belemiu.”

YOSUA 12:6

Aijo'mo na tomundo ua'aha anu pinatundu'mo i Musa hingga-hinggat tiba bansa Israel, tano' nu tomundo' haha aijo' binee'mo i Musa, posaihon nu Tumpu aijo' hi tulunan i Ruben, i Gad ka' sambahagian na tulunan nu bansa Manasye, da ahamo na tumpunyo nu tano' aijo'.

YOSUA 13:11

Ka' suele tiba da'erah Gilead, da'erah songko-songko Gesur tiba Maakha, tiba iwi-iwi' na Bungkutnyo nu Hermon, ka' iwi-iwi' na da'erah Basan toka-toka i Salkha.

YOSUA 14:3

Tano' i sasu kabete'an Kaunyo nu Yordan binee'mo i Musa hi aha ohua' ka' mintonga' na tulunan nu bansa sangga'at. (Palalu osumbu' na aiya saba' lee' i Yusuf binagi ohua' na tulunan nu bansa. Tulunan nu bansa Manasye tiba tulunan nu bansa Efraim.) Mongkona tulunan nu bansa Lewi, madi' ko tano' anu binee' i Musa hi aha. Aha ola binee'an to kota-kota' bau tampat kajojoongan, ka' anu ko padangnyo da nukaan nu sapi anu opotuu' tiba domba nu aha.

YOSUA 18:7

Ola tulunan nu bansa Lewi na madi' mohumpak bahagian tano' susumo belemiu, kalana bahagian nu aha aijo'mo timbali to ima-imam mombau apaa na anu nu palentahkon nu Tumpu. Ka' aha tulunan nu bansa Gad, Ruben ka' sambagian tulunan nu bansa Manasye memang aha nohumpakmo bahagiannyo i sasu kabete'an Kaunyo nu Yordan. I Musa posaihon nu Tumpu nombee'mo tano' aijo' hi aha.”

TO MIA-MIAN KOPIAN 10:3

Ilapas na i Tola, i Yairmo na tinimbali polaya' inguampulu' ka' ohua' na taun na kinopinnyo. I Yair nolengkat mae i Gilead.

1 SAMUEL 18:17

I Saul binatanga'mo da nu pateimo nu aha mian Filistin na i Daud i uno nu pahampatean da boli ia na mosi patei. Jadi daagi kino sansinaan pinoto'imo i Saul hi Daud, “I Merab anaku lalangkoyang anu tumpenyo ku po osoakonmo tiba beleyum, panyo ku poita da beleyum tionyo ahi' mompotoa kabaanian na mahampate salaku bau pompopo daka' sanggo nu Tumpu.”