NOMBILANGMO 32:22 - KITAB NU TUMPU ALLA LELE MA'IMAI'

²² sahingga lipu' aijo' matundu'mo hi ia, jadi belemiu timbalimo minsusule' ka' bebasmo na belemiu kalana moko baumo apaa na anu pinalentahkonmo nu Tumpu ka' suele noko tulungimo to utu-utus nu belemiu, ka' nubee'mo nu Tumpu na tano' anu i sasu kabete'an aiya da belemiumo na tumpunyo.

NOMBILANGMO 32:22 ပူးပေါင်းရင်းမြစ်များ

2 SAMUEL 3:28

Salatan ihongomo i Daud na han aijo', ia notataemo, “Belento tumpu na monsumbu' saba' aku tiba aha mian da'isan madi' hondo-hondo ko kasala'an i han nompateimo i Abner aijo'.

MAZMUR 78:55

I ahop nu mian anu palesayamo hi ia, i laa'-Nyomo na mian anu jojoong i kiijo', lantas binagi-bagiakon-Nyomo na lipu' aijo' hi iwi-iwi' na tulunan nu bansa Israel mian anu palesayamo hi Ia sahingga aha nonjojoongimo iwi-iwi' na kema' nu sampobali' nu aha.

IMAMAT 14:34

atulan haha aiya mongkona laigan anu kinonamo nu mapuk anu molele. Atulan haha aiya pinake salatan bansa Israel ninsoopmo i Kana'an, lipu' anu binee' nu Tumpu hi aha.

NOMBILANGMO 32:21

ka' iwi-iwi' na mian anu atina' hi belemiu anu moko alamo mahampate ka' motaap i Kaunyo nu Yordan, ka' Tumpu na momboa montumbuhi sampobali' nu aha, sahingga aha nulaa'mo nu Tumpu,

PO'ULE' INGULIT 3:20

Tulungi na to mia-mian bubuu' bansa miu sahingga aha monjojoongimo tano' anu nubee'je nu Tumpu Allah miu hi aha, i sasu kinsoban Kaunyo nu Yordan, ka' sahingga Tumpu nonsitujuimo aha tinumuu' ka' na'ima'mo kiijo' mae, susumo anu binau-Nyomo hi belemiu i aiya. Lapasje aitu ka' belemiu timbali minsusule' i tano' nu belemiu anu binee'kumo hi belemiu.

YOSUA 1:15

Belemiu tionyo ahi' montulungi aha sahingga aha jojoongmo i tano' sasu kinsoban Kaunyo nu Yordan aijo' anu binee'mo nu Tumpu Allah nu belemiu hi aha. De nubee'imo nu Tumpu ka'amanan ka' madi'mo ko anu mompoposia aha iwi-iwi' bansa Israel, atina'je ka' belemiu timbali minsusule' i posi tano' nu belemiu anu i sasu kabete'an nu Yordan aiya. Anu binee'mo i Musa posaihon nu Tumpu aijo' hi belemiu.”

YOSUA 10:30

Tumpu suele nombee'imo ka'untungan nahampate hi aha mian nu Israel nongewa kota aijo' tiba tomundo'nyo. Mau mule' ola samian madi' pinotumuu'; iwi-iwi' na mian i kota aijo' pinatean. Binau i Yosua na tomundo nu kota aijo' sumo ia nombau tomundo nu Yerikho.

YOSUA 10:42

Ola minsan na nahampate, i Yosua nohungku'imo tomundo haha aijo' iwi-iwi' ka' nompatundu'mo da'erah iwi-iwi' anu nu kuasai nu aha, kalana Tumpu, Tumpu Allah nu Israel nahampatemo nonsangalui Israel.

YOSUA 11:23

Songko-songko na lipu' aijo' pinatundu'mo i Yosua susumo anu pinalentahkonmo nu Tumpu hi Musa, ka' binee'mo hi bansa Israel tinimbalimo aha na tumpunyo. Lipu' haha aijo' binagi-bagimo ka' toto sa'angu' na tulunan nu bansa nohumpakmo sa'angu' na bahagian. Bansa Israel madi'mo lewa' nahampate ka' lipu' nu aha madi'mo ko anu lewa' mompoposia.

YOSUA 13:8

Tulunan nu bansa Ruben ka' Gad ka' sambagian na tulunan nu bansa Manasye mohumpakmo tano' anu binee'mo i Musa, posaihon nu Tumpu, aijo'mo tano' anu i sasu kabete'an Kaunyo nu Yordan.

YOSUA 18:1

Noko lapas na nompatundu' lipu' anu jinanji'mo nu Tumpu, aha mian nu Israel iwi-iwi' sinihukmo i Silo, lantas aha nompaha pokonamo Kemah da bau katokaan nu Tumpu.

YOSUA 2:19

De sala'samian anu aijo' hi aha mosabat i laigan aiya ka' opatei, ia i nate aijo' kalana posi sala'nyo; han aijo' misa' ponsumbu'an mami. Kami madi' montanggung kasala'annyo. Panyo de daagi' ko anu silaka i laigan aiya ponsumbu'anmo mami na montanggung kasala'annyo.

YOSUA 22:4

Sahingga susumo anu jinanji'-Nyomo, Tumpu Allah nu belemiu nombee'imo ka'amanan hi to utu-utus nu belemiu, mian nu Israel sangga'at. Jadi, uuka aiya pinsusule'mo i posi da'erah nu belemiu i sasu kabete'an Kaunyo nu Yordan aijo' anu binee'mo i Musa hi belemiu u'utu mae.