NOMBILANGMO 32:14 - KITAB NU TUMPU ALLA LELE MA'IMAI'

¹⁴ Ka' uuka aiya belemiu moto idekmo mule' susumo to tutuuma nu belemiu! Belemiu memang gombuan nu to mia-mian anu baladosa' anu nonsaduakonmo Tumpu po'ule'mo nontambuha'i Bansa Israel!

NOMBILANGMO 32:14 ပူးပေါင်းရင်းမြစ်များ

KAJADIAN 5:3

Salatan i Adam umunnyo 130 mo na taun, ia nohumpakmo anak mo'ane anu monsasuhi mae butongnyo lantas sinanggohan-Nyomo i Set.

KAJADIAN 8:21

Hongohisnyo nu koloban anu sinombahkonmo aijo' nomposanangmo kinyonyoa nu Tumpu, sahingga Ia notataemo i uno nu kinyonyoa-Nyo, “Aku madi'mo daagi' mongkutuki dunia aiya kalana palabuatan nu manusia; Ku sumbu' saba' aha daagi' pe'e tempo'nyo ma'isa motu'a, pikilan nu manusia aijo' ma'idek. Aku madi'mo daagi' monsilakai iwi-iwi' apaa na anu ko nyawanyo, susumo anu sala'je binaung-Ku aiya.

2 TAWARIKH 28:13

Koonyo nu aha, “Boli oboa mae na to mia-mian anu i hakopmo aijo'! Kita binaladosa'mo hi Tumpu, ka' dosa' to haha aijo' talalomo hondo nanjoo' pantasmo na o hukum. Aiya belemiu mombaumo mule' sa'angu' na han anu ola mompaka tuangi kasala'anto.”

EZRA 10:10

Lantas i Ezra tinuminjomo ka' notataemo hi aha. Ia notatae, “belemiu binaladosa'mo ka' nompaka sala'mo na Israel kalana nongosoaimo boune bansa anu i salipu'an.

NEHEMIA 13:18

Dosa'mo ai-aiya sahingga Tumpu Allah nohukumo mompolee'to ka' nongideimo kota' aiya. Pa' belemiu uuka aiya kahanda'mo mule' mompakatuangi tambuha' nu Tumpu Allah hi Israel sahingga mohenyuimo sinaa nu Sabat?”

AYUB 14:4

Te toho' mule' na manusia anu baladosa' moko ala mompodaagi' anu talalo hondo ma'ima'?

MAZMUR 78:57

Aha nombaumo kalakuan anu ma'idek susumo mompolee' mae nu aha, ka' madi'mo timbali opalesaya sumomo pompana' anu tinageo'mo.

YESAYA 1:4

Silakamo na belemiu bansa anu binaladosa', to mia-mian anu palalente ka' mian anu ma'idek na kinyonyoanyo! Belemiu inanabu'mo kalana-binaladosa'mo na belemiu. Belemiu madi'mo nonsumbu' Tumpu ka' nohikuhakonmo Tumpu anu Talalo hondo susi' anu tionyo ahi' osombah nu belemiu.

YESAYA 57:4

Ihe na okokojoi nu belemiu? Ihe na anu o, alu na belemiu? Temisa' belemiumo ahi' na tulunan nu mian anu talalo baleko' ka' anu saja' mombau hengge'?

YEHEZKIEL 20:21

Panyo aha salapisan mae to oli-olitau tiba to lalangkoyang haha aijo' suele ahi' madi' montapali mae Aku. Aha nolanggaimo ahi atulan-Ku ka' mule' madi'mo nontuluti iwi-iwi na palentah-ngKu anu nompatikolomo tukoonyo mian anu montuluti aijo' tataap tumuu'. Aha nohumimi'imo sinaa nu Sabat. Kalana aijo' Aku sabenannyo mompotudunmo ahi' tambuha'-Ku hi aha ipadang tampat anu kaho bone'nyo aijo' ka' mompateimo aha iwi-iwi'.

NOMBILANGMO 32:15

De belemiu mohikumo Tumpu saba' iwi-iwi' na bansa aiya Nu pojohokmo lebe pin mule' i padang bola, ka' belemiumo na monsaduakon aha silaka!”

LUKAS 11:48

Jadi, posi komiu mongakuimo, saba' komiu monsitujuimo apaa na anu binaumo nu mompolee' miu; kalana memang aha na nompatei to nabi-nabi aijo', ka' komiumo na nombau polamunannyo.

PO'ULE' INGULIT 9:24

Salatan pe'e aku nonsumbu'mo belemiu, belemiu saja' madi' mohongo-hongo Tumpu.