NOMBILANGMO 31:16 - KITAB NU TUMPU ALLA LELE MA'IMAI'

¹⁶ Te misa' bounemo haha aijo' na nontulutimo pokinde' i Bileam, sahingga nonsale'imo aha mian nu Israel kiijo' i Peor da boli mohongo-hongo Tumpu? Ka' aijo'mo na nonsaduakon sahingga aha mian anu pinalesayamo hi Tumpu tinuda'anmo nu balaa'!

NOMBILANGMO 31:16 ပူးပေါင်းရင်းမြစ်များ

AMSAL 23:27

Boune anu lewa' masala' aijo'mo na so'o anu monsilakai.

ANU MOMPOLELE POTATAE NU TUMPU 7:26

Ihumpakkumo taalu' boune lebe mapakat molingkudui kapatean. Pongka'ima'i nu boune sumo buani kabai so'o anu sinadiamo mohakop kaanonnyo. Pontanggogolinyo sumo pompungu anu madodo hondo. Mian anu mombau pongka'oho' nu Tumpu madi' nu kona nu so'o aijo' panyo mian anu baladosa' memang nu hakopmo.

NOMBILANGMO 24:14

Notatae na i Bileam hi Balak, “Uuka aiya aku minsusule'mo i bansangku. Panyo ma'isa pe'e aku mamba ku poto'imo hi belento Tuanku apaa na anu saidi' mae nubau nu bansa Israel hi bansa nu belento Tuanku i sinaa anu aiya mae o ahopi.”

NOMBILANGMO 25:18

kalana tanga'an ma'idek anu pinopikilakonmo nu aha kona hi belemiu kiijo' i Peor, ka' kalana i Kozbi anak nu mian anu mongkapalai aha sa'anakan kiijo' i Midian. I Kozbi aijo' boune anu nate pinatean tempo'nyo daagi' kino balaa' anu jinadi kiijo' i Peor.”

NOMBILANGMO 31:8

tibamo tomundo nu aha Midian aha olima', aijo'mo i Ewi, i Rekem, i Zur, i Hur ka' i Reba. I Bileam, anak i Beor, suele pinateanmo.

PO'ULE' INGULIT 4:3

Pinosi toamo nu belemiu apaa na anu binaumo nu Tumpu Allah miu i Bungkutnyo nu Peor. Batu-batu mian anu monsombah Baal i tampat kiijo' pinatean-Nyomo,

YOSUA 22:17

Pa' belemiu madi'mo nonginau' dosa'to kiijo' mae i Peor? Tempo'nyo aitu kita i hukumo nu Tumpu nu panyakit anu molele, maumo kita aiya mianmo anu pinalesayamo hi Ia! Sampe tempo' uuka aiya kita daagi' mongoa'i balaa'nyo. Apaa aijo' ma'isa sukup?

2 PETRUS 2:15

Kalana aha madi' mongka'oho' montuluti jalan anu hodi', sahingga aha tinalasmo. Aha nongalamo jalan anu tinuus i Bileam, anak i Beor naipuan mae. I Bileam aiya mongka'ima'i hondo da mohumpak doi i palabuatannyo anu ma'idek.

YUDAS 1:11

Silaka na aha! Kalana aha nombatukimo jalan anu tinuluanmo i Kain. Da mohumpak doi, aha nontuamo butong nu aha i uno nu kasala'an, pokakana sumo i Bileam. Ka' aha mule' pinateanmo kalana notomuhukmo susumo i Korah.

ANU PINOTO'I HI YOHANES 2:14

Mau mule' sumo aitu daagi' ko to pia-piangkuka na han anu madi' Ku ka'ima'i hi belemiu: Daagi' ko sambahagian na mian atina' hi belemiu anu nontulutimo apaa na anu ingajanakonmo i Bileam. I Bileam nompogulu'mo i Balak mosia na monabu'akon mian nu Israel i uno nu dosa'; aijo'mo pagala monsale'i aha mongkaan kaanon anu sinombahkonmo hi pilogot ka' mombau hahan masala'.