NOMBILANGMO 3:38 - KITAB NU TUMPU ALLA LELE MA'IMAI'

³⁸ Pombauan kemah, i Musa ka' i Harun ka' to ana-anaknyo tionyo ahi' mongala tampat i ahop nu Kemah nu Tumpu sasu kabete'an. Aha na mongkalesang Salipi' anu Susi' ka' atulan nu aha bansa Israel de monsombahmo Tumpu. De misa' aha maumo pa' ihe na monsoba mombau pakalaja'an aijo' tionyo o hukum mate.

NOMBILANGMO 3:38 ပူးပေါင်းရင်းမြစ်များ

1 TAWARIKH 23:32

Aha mule' binee'anmo kalaja saja' montoa ka' mompokopiani Kemah nu Tumpu ka' laigan nu Tumpu ka' montulungi to utu-utus nu aha aijo'mo to ima-imam lee' mae i Harun, de mongantanmo anu monsombah Tumpu i tampat aijo'.

NOMBILANGMO 1:51

De belemiu molalinmo, mian nu Lewi haha aijo' na tionyo ahi' montataki Kemah-Ku lantas po'ule' mule' mompotinjo i tampat sangga'at anu pombauan mule' kemah kajojoongan nu belemiu. Ola aha Lewi na mongohani Kemah-Ku aijo' lantas ihe na mongohani Kemah-Ku aijo' o hukum mate.

NOMBILANGMO 1:53

Panyo to mia-mian nu Lewi tionyo ahi' mombau kemah kajojoongan nu aha montikubi Kemah-Ku. Aha tionyo ahi' monjagai da boli ko mian anu mongohani, sahingga monsaduakonmo Aku pusa ka' mohukumo aha mian Israel.”

NOMBILANGMO 2:3

I sasu kabete'an, suludadu anu montinjohakon bandela' posa'angu'an nu aha Yehuda, tionyo ahi' mombau kemah mosi pogombu tiba polaya'anyo samian, mongatun sumo aiya: TULUNAN NU BANSA POLAYA'NYO KONJOO'NYO NU MIAN Yehuda i Nahason anak i Aminadap 74.600 Isakhar i Netaneel anak i Zuar 54.400 Zebulon i Eliab anak i Helon 57.400 Iwi-iwi'mo: 186.400 Gombuan nu aha Yehuda na tionyo ahi' mamba momonanyo hondo.

NOMBILANGMO 3:10

Panyo i Harun ka' to ana-anaknyo tionyo ahi' nu hangkat da mokalaja salaku imam; de misa' aha, maumo pa' ihe na anu monsoba mokalaja aijo' tionyo ahi' o hukumo mate.”

NOMBILANGMO 3:23

I Elyasaf anak i Lael na tinimbali polaya' nu tulunan aijo'. I pinombauan kemah nu aha Israel tulunan aijo' nongala tampat i sasu kinsoban i padut nu Kemah nu Tumpu.

NOMBILANGMO 3:29

I Elisafan anak i Uziel na polaya' nu tulunan aijo'. Pinombauan kemah nu tulunan aijo' nongala tampat i sasu selatan Kemah nu Tumpu.

NOMBILANGMO 3:35

I Zuriel anak i Abihail na polaya' nu tulunan haha aijo'. Pinombauan nu aha kemah nu tulunan aijo' nongala tampat i sasu utara i Kemah nu Tumpu.

NOMBILANGMO 3:37

Ka' suele tutupnyo nu to ohi-ohi'nyo, ka' bau paningkokoannyo, bau sapa ka' to kaho-kahohon anu opake i sambiha'nyo nu natan.