NOMBILANGMO 3:36 - KITAB NU TUMPU ALLA LELE MA'IMAI'

³⁶ Aha na mangaku mongkalesang olon nu Kemah, to bala-balaknyo, to ohi-ohi'nyo, paningkokoannyo ka' iwi-iwi' na pakakasnyo, ka' mule' iwi-iwi' na pakalaja'an anu obau i balang haha aijo'.

NOMBILANGMO 3:36 ပူးပေါင်းရင်းမြစ်များ

NOSABATMO 26:32

Pompokalayo'an lalanse' aijo' hi opat na ohi' kau' akasia na obau anu ko lapisnyo mosoni' tiba pongkaitnyo mosoni' na obau ka' pinotinjomo i paningkokoannyo opat na salaka.

NOSABATMO 26:37

Lalanse' aijo' tionyo ahi' obau olima' na ohi'nyo kau' akasia na obau anu ko lapisnyo mosoni' ka' pinoguntangmo nu olima' na kaitnyo mosoni'. Bau olima' na paningkokoannyo tambaga na obau da bau pompokokoan ohi' haha aijo'.”

NOSABATMO 35:11

Kemah, atop ka' kukupnyo, pongkaitnyo ka' olonnyo, to kau-kau' anu opake i panimbonyo, ohi' nu sabatan ka' paningkokoannyo;

NOSABATMO 35:18

totokolonnyo ka' posadiaonnyo, kahohon bau pompuuti Kemah ka' anu opake pompuuti i natannyo;

NOSABATMO 36:36

Bau pompokaitan hude haha aijo' obau opat na ohi'nyo kau' akasia anu olapisi nu mosoni' tiba kaitnyo mosoni' ka' opokona aita' i opat na anu ko katinjoannyo salaka.

NOSABATMO 39:33

Aha nomboamo Kemah hi Musa tiba iwi-iwi' na posadiaonnyo, to kai-kaitnyo, to kau-kau' balatannyo, to ohi-ohi'nyo ka' paningkokoannyo,

NOMBILANGMO 3:35

I Zuriel anak i Abihail na polaya' nu tulunan haha aijo'. Pinombauan nu aha kemah nu tulunan aijo' nongala tampat i sasu utara i Kemah nu Tumpu.

NOMBILANGMO 3:37

Ka' suele tutupnyo nu to ohi-ohi'nyo, ka' bau paningkokoannyo, bau sapa ka' to kaho-kahohon anu opake i sambiha'nyo nu natan.

NOMBILANGMO 7:8

opat na kaleta ka' ualu' na sapi' binee'nyomo hi aha mian nu Merari, kalana aijo'mo na pakalaja'an nu aha anu nu atun i Itamar, anak i Imam Harun.