NOMBILANGMO 29:1 - KITAB NU TUMPU ALLA LELE MA'IMAI'

¹ Itanggan sa'angu' bitu'on kopopitu'nyo belemiu tionyo ahi' sihukmo da monsombahmo Aku, ka' madi'mo timbali mokalaja anu maboat. Isinaa aijo' tionyo ahi' tolompet iwi-iwi' opo'onyi'mo.

NOMBILANGMO 29:1 ပူးပေါင်းရင်းမြစ်များ

1 TAWARIKH 15:28

Iwi-iwi' na mian nu Israel namba nontuntuni Peti' Palajanjian aijo' tinoka-toka i Yerusalem ka' lewa' nontaligalai lame-lame', onyi' nu tolompet, napiri, simbal ka' kasapi'.

EZRA 3:6

Mau mule' Laigan nu Tumpu ma'isa tinampu'unan na po'ule' mombau, panyo i tanggan sa'angu' bitu'on anu ko popitu'nyomo mian da'isan nontampu'unimo nompotunu koloban anu osombahkon hi Tumpu.

NEHEMIA 7:73

To ima-imam, to mia-mian nu Lewi, to mia-mian anu monjagai sabatan daka' i Laigan nu Tumpu, to panya-panyanyi kanjoo'annyo na aha te mian da'isan biasa anu mokalaja i Laigan nu Tumpu, osainsanggo-sanggomo iwi-iwi' na mian da'isan nu aha Israel, jojoong i to kota-kota' ka' i kampung toto ise-ise' i da'erah Yehuda.

NEHEMIA 8:2

Lantas binoamo i Ezra na kitab aijo' i ahop nu mian anu sinilimu'mo, aijo'mo to momo'ane, to boboune ka' to ana-anak anu tu'amo ka' anu sinsumbu'mo.

MAZMUR 81:3

Hapa'i na gandang, ka' lewa'mo panyanyi, kuti' na gambuus ka' kasapi', po'ima' na onyi'nyo da molibos na mohongo.

MAZMUR 89:15

Ka'adilan ka' atulan aijo'mo na bau usoinyo nu kalaja'an nu Belento, kalibosan ka' kanonongan otoa i han iwi-iwi' apaa na anu, nubau nu Belento.

NOSABATMO 23:16

Lame'akon na Monsawe de Mompadakmo hasin nu ale' nu belemiu anu momona pinadak. Lame'akon na Lamean anu o'atopi nu Hon nu Kau' na Tahop i kapupusanmo nu taun salatan belemiu mompolimu'mo hasin nu ale' nu anggur ka' ale' nu sosu'anon anu okaan na bua'nyo.

NOSABATMO 34:22

Lame'akon na bau-bauon Pompadakan de belemiu montampu'unimo mongala bua'nyo momona nu gandum. Lame'akon suele na Bau-bauon nu Tahop anu o'atopi nu Hon nu kau' anu obau i pusnyomo nu taun, de belemiu montipumo bua'nyo nu kau' anu sinu'an.

YESAYA 27:13

Tempo'nyo aijo' opo onyi'mo na tolompet daka-daka' bau polaga mule' da minsusule'mo mae na aha mian nu Israel anu binoamo i Asyur tiba i Mesir. Aha tokamo mae i Yerusalem da monsombahmo Tumpu aita' i puge'-Nyo anu susi'.

IMAMAT 23:23

Tanggan sa'angu' bitu'on ko popitu'nyo tionyo ahi' olame'akon salaku sinaa anu samata-mata pilaweanmo. Sinaa aijo' mompo'onyi'mo tolompet salaku bau tanda da belemiu tionyo ahi' sihukmo da monsombahmo.

IMAMAT 23:7

Pitun sinaa na kopinnyo belemiu tionyo ahi' monsombahkon koloban kaanon hi Tumpu. I sinaa momonanyo ka' ko ipitunnyomo na molame'akon aijo' belemiu tionyo ahi' sihukmo da monsombahmo ka' madi'mo timbali mombau kalaja anu maboat.

ZAKHARIA 9:14

Tumpu mompotoamo butong-Nyo, hi aha mian anu palesayamo hi Ia, sumomo ahi' kilat na hihis nu pana'-Nyo pineletakon-Nyo. Tumpu Anu Matangkas na Kuasanyo saidi' mae mompuhimo tolompet salaku tanda montumbuhimo, lantas mambamo montumbuhi i uno nu tombusisi' anu lengkat mae i sasu salatan.

NOMBILANGMO 28:26

I sinaa momonanyo nu Lamean de moko Padakmo ka' moko lapasmo popitu' na duminggu na nolame'akon aijo', tempo'nyo aijo' belemiu nonsombahkonmo gandum bu'ou hi Tumpu, belemiu tionyo ahi' sihukmo pe'e da monsombah Aku ka' madi'mo timbali mokalaja anu maboat.

NOMBILANGMO 29:12

I tanggan sampulu' ka' olima' bitu'on kopopitu'nyo belemiu tionyo ahi' sihukmo da monsombahmo Aku, ka' madi'mo timbali mokalaja maboat. Pitunsinaa na kopinnyo belemiu tionyo ahi' mombau lamean bau pongadati Tumpu.

NOMBILANGMO 29:2

Sombahkonmo hi Tumpu koloban anu opotunu aijo'mo sa'angu' na sapi lakinyo anu daagi bata'nyo, sa'angu' na domba lakinyo, ka' popitu na anak nu domba lakinyo anu umunnyo sataunmo, bubuu' anu madi' ko panyakitnyo. Hongohisnyo nu koloban aijo' momposanangmo kinyonyoa nu Tumpu.

NOMBILANGMO 29:35

I sinaa ko ialunnyo belemiu tionyo ahi' sihukmo da monsombah Aku ka' madi'mo timbali mokalaja maboat.