NOMBILANGMO 27:18 - KITAB NU TUMPU ALLA LELE MA'IMAI'

¹⁸ Notataemo na Tumpu hi Musa, “Laga mae na i Yosua, anak i Nun. Ia mian anu pande, potiik na lima nu beleyum aita' i buan nu ubaknyo.

NOMBILANGMO 27:18 ပူးပေါင်းရင်းမြစ်များ

KAJADIAN 41:38

Lantas i tomundo notataemo hi aha, “Susa' na kita mohumpak mian sangga'at anu lebe sosok molingkudui i Yusuf, kalana ia nubaya'i nu rok nu Tumpu Allah.”

1 TAWARIKH 7:27

i Nun, i Yosua.

NOSABATMO 17:9

Notataemo na i Musa hi Yosua, “Pile'i to pia-piangkuka na mian anu timbali mahampate tiba mian nu Amelek. Dodop aku tuminjoje aita' i puge'nyo montoongi tokon anu pinokau nu Tumpu Allah oboa.”

DANIEL 5:14

I hongongkumo na beleyum kinuasanmo nu roh nu to pilo-pilogot anu suci' ka' mule' beleyum ko kapandean, ka' mangalati' ka' mule' ko kapandean bapikin anu talalo hondo okahebati.

NOMBILANGMO 11:17

Aku mintatau'je mae ka' motatae hi beleyum i tampat atina' ka' sambagian na kuasa anu binee'-Kumo hi beleyum, Ku bee'mo hi aha. Sahingga timbalimo na aha montulungi beleyum mongkalesang hingga-hinggat bansa aiya, ka' bolimo ola posi beleyum na mongkalesang.

NOMBILANGMO 13:16

Aijo'mo na aha anu mamba mondoyoni, anu pinile'anmo i Musa da lewa' mondoyoni lipu' aijo'. I Hosea anak i Nun binali'anmo i Musa na sanggonyo i Yosua.

NOMBILANGMO 27:23

Lantas pinotiiknyomo na limanyo aita' i buan nu ubak i Yosua ka' nompoto'imo tukoonyo i Yosuamo na bau pombolosi ia, susumo anu pinalentahkonmo nu Tumpu hi ia.

YOHANES 3:34

Kalana mian anu sinai nu Tumpu mompotokakon potatae nu Tumpu, kalana Roh nu Tumpu binee'mo hi Ia iwi-iwi'.

SISIKON NU TO RASUL-RASUL 13:3

Ilapas binapuasa' ka' binalado'a aha nompotiik lima i buan nu ubak hi Barnabas ka' hi Saulus lantas nonsai aha ohu-ohua'.

SISIKON NU TO RASUL-RASUL 19:6

Ka' tempo'nyo i Paulus nompotiik limanyo i buan nu ubak nu aha, Roh nu Tumpu nongkuasaimo aha, lantas aha mulaimo notatae i uno nu basa-basa' anu moko bangang ka' nompotoka lele lengkat mae hi Tumpu.

SISIKON NU TO RASUL-RASUL 6:3

Jadi, sahanyo kita to Utu-utus mompile'i anu atina' hi komiu aha popitu' na anu kinyonyoanyo ma'ima' ka' nu kuasai nu Roh nu Tumpu tiba pande, anu timbali opokalaja mami mongulus hahan aiya;

SISIKON NU TO RASUL-RASUL 6:6

Aha popi-popitu' na mian aijo' opoita hi to rasul-rasul, da to rasul-rasul aijo' mondo'akon mompoita balakat hi Tumpu toka hi aha.

PO'ULE' INGULIT 1:37

Komiu suele no sabapimo. Tumpu pinusa hi belengku ka' no tatae, Musa beleyum suele madi' mopinsopi lipu' aijo.

PO'ULE' INGULIT 3:21

Lantas aku notataemo hi Yosua: Beleyum nontoamo iwi-iwi' apaa na anu binaumo nu Tumpu Allah miu hi Sihon ka' hi Og, ohu-ohu'a na tomundo aijo'. Sumo aijo'mo na Ia mombau toto samian na tomundo anu kahanda'mo nu ala nu beleyum na tano'nyo.

PO'ULE' INGULIT 3:28

Pokinde'i ima-ima' na i Yosua, posanang na kinyonyoa, kalana iamo na molaya' bansa aijo' mokiijo' i santoanyo da monjojoongi lipu' anu tinoamo nu beleyum aijo'.’

PO'ULE' INGULIT 31:14

Lapas aijo' Tumpu notataemo hi Musa, “Beleyum tumuu' madi'mo daagi' pin. Jadi lagamo mae na i Yosua ka' boa mae na ia i Kemah-Ku, da Ku bee'i pokinde' na ia.” Sahingga nambamo na i Musa ka' i Yosua nokiijo' i Kemah nu Tumpu,

PO'ULE' INGULIT 31:23

Lapas aijo' Tumpu notataemo hi Yosua anak i Nun, Ia notatae, “Tionyo ahi' beleyum mompohoson kinyonyoa ka' baani, Yosua! Beleyummo na molaya' bansa Israel mompinsoopi lipu' anu jinanji'-Kumo hi aha ka' Ku tulungije na aha.”

PO'ULE' INGULIT 31:3

Posi Tumpu Allah-mo nu belemiu na lumajang mamba i momona ka' mompatei to bansa-bansa anu jojoong ikiijo' mae, sahingga belemiu timbalimo jojoong i tano' nu aha. I Yosuamo na timbali bau polaya' nu belemiu susumo anu tinaloakonmo nu Tumpu.

PO'ULE' INGULIT 34:9

Tumpu nombee'imo kapandean hi Yosua anak i Nun, kalana ia i hangkatmo i Musa mombolosi ia. Bansa Israel tulu-tulutan hondo hi Yosua ka' nombaumo iwi-iwi' na anu pinalentahkonnyomo, anu binee'mo nu Tumpu hi Musa lantas pinotokakonnyomo hi aha.

1 TIMOTIUS 4:14

Boli beleyum batuk moluluk na mompake balakat lengkat hi Roh nu Tumpu anu binee'mo hi beleyum tempo'nyo to pola-polaya' nu jama'at nompotudumo lima nu aha atina' i ubakum, ka' to nabi-nabi nompokambotmo potuunon nu Tumpu mongkona butong nu beleyum.

1 TIMOTIUS 5:22

Boli talalo malia' mombalakati toto samian kahanda' mompotantumo ia da o hangkatmo baumo salaku posaihon nu Tumpu. De mian sangga'at baladosa', boli maninggalo' i dosa' aijo'. Ojagai na butong miu da tataap susi'.

IBRANI 6:2

kabai pu'unyo nu pangajalan mongkona palamandian kabai mongkona mompotudu lima i ubak nu mian, kabai mongkona mian anu silakamo, po'ule' mule' tumuu' kabai hukumannyo anu sampe toka sidu-sidutu'.

YOSUA 1:17

Kami tulu-tulutanmo hi belento, susumo kami suele tinulu-tulutanmo hi Musa. O amalakon da Tumpu Allah nu belemiu saja' monsangalui susumo Ia nonsangaluimo i Musa!

TO MIA-MIAN KOPIAN 11:29

Lapas aijo' Roh nu Tumpu nongkuasaumo i Yefta, sahingga nambamo na i Yefta nontoa da'erah Gilead tiba Manasye lapas aijo' ninsusule'mo i Mizpa i da'erah Gilead. Lengkat ikiijo' ia namba mule' i da'erah nu bansa Amon.

TO MIA-MIAN KOPIAN 3:10

Roh nu Tumpu nongkuasaimo i Otniel sahingga ia tinimbalimo polaya' nu aha mian Israel. Ia nambamo nahampate, lantas binee'anmo nu Tumpu ka'untungan nahampate nongewa tomundo nu aha Mesopotamia.

1 SAMUEL 16:18

Nohongo aijo' samian na posaihonnyo notataemo, “I Isai mian anu jojoong i kota' Betlehem ko anak mo'ane samian anu pande na mahaik musik. Ia mian anu baani hondo salaku suludadu anu timbali otaha'imani. Ka' mule' ia mahoson ka' pande na babisala, ka' Tumpu saja' montulungi ia.”