NOMBILANGMO 26:65 - KITAB NU TUMPU ALLA LELE MA'IMAI'

⁶⁵ Pinoto'imo nu Tumpu tukoonyo aha iwi-iwi' tionyo ahi' silakamo i padang bola. Ka' memang aha sinilakamo iwi-iwi' me i Kaleb anak i Yefune tiba i Yosua anak i Nun, na anu daagi' tutuu'.

NOMBILANGMO 26:65 ပူးပေါင်းရင်းမြစ်များ

MAZMUR 37:9

Salana mian anu mombau palabuatan anu ma'idek saidi' mae ogalisimo, panyo mian anu montaha'imani Tumpu ia na mompusaka'i tano' aijo'.

NOSABATMO 12:37

Mian nu Israel nambamo ka' i lumajang tengke lengkat i kota Raamses nambamo i kota Sukot. Konjoo'nyo nu aha 600.000 na mian, madi' binilang na boune ka' to ana-anak.

NOMBILANGMO 14:26

Tumpu notataemo hi Musa ka' hi Harun.

NOMBILANGMO 14:32

Panyo belemiu matemo i padang bola aiya.

NOMBILANGMO 14:35

Aku basumpa', saba' Aku mombaumo han aijo' hi belemiu ka' hi mian haha aijo' anu nosangaja'mo, mongka'ideki mae Aku. I padang bola aiya belemiu iwi-iwi' silakamo. Aku, Tumpu, notataemo.’ ”

NOMBILANGMO 14:38

Aha sampulu' ka' ohua' na anu namba nondoyoni, ola i Yesua ka' i Kaleb na anu daagi' tutuu'.

NOMBILANGMO 27:3

“Tuuma mami sinilakamo i padang bola ka' ia madi' kino anak mo'ane. Ia misa' sangalu i Korah anu noto-noto idekmo hi Tumpu. Tuuma mami aijo' sinilaka kalana posi dosa'nyo.

NOMBILANGMO 34:19

Sanggo nu mian haha aijo' atina'mo: TULUNAN NU BANSA POLAYA'NYO Yuda i Kaleb anak i Yefune Simeon i Samuel anak i Amihud Benyamin i Elidad anak i Kislon Dan i Buki anak i Yogli Manasye i Haniel anak i Efod Efraim i Kemuel anak i Siftan Sebulon i Elisafan anak i Parnah Isakhar i Paltiel anak i Azan Asyer i Amihud anak i Selomi Naftali i Pedael anak i Amihud

ROMA 11:22

Jadi aiya otoantomo na kononongnyo hondo nu Tumpu tiba mule' na koboat nu palentah-Nyo. Palentahnyo maboat hondo hi mian baladosa', panyo ia manonong hi kita Utus – asan kita Utus tataap tumuu' i anu nu ka'ima'i. De madi', tantu kita mule' suele o'alin.

PO'ULE' INGULIT 1:36

Lahi Kaleb, anak Yefune na mompisopi, kalana ia tatap mohongo-hongo Aku. Toka hi Kaleb ka' tulunannyo ku bee'jena lipu anu i lambananmo aijo.

YOSUA 5:4

Tempo'nyo aha mian nu Israel haha aijo' nosabatmo mae lengkat i Mesir, to momo'ane iwi-iwi' polo'mo sinunat. Panyo salatan aha lewa'mo jinojoong ka' nonsongkohimo tampat anu ewa hondo na bone'nyo pinatompulu' na taun na kinopinnyo, to ana-anak mo'ane nu aha mau samian ma'isa ko anu sinunat. Ka' salatan pinatompulu'mo na taun aijo', to momo'ane anu tempo'nyo nosabatmo mae lengkat i Mesir umunnyo anu timbalimo minsoop suludadu iwi-iwi' sinilakamo, kalana madi' mombatuki palentah nu Tumpu. Sahingga susumo anu sinumpa'akonmo nu Tumpu aha madi'mo timbali opobee' montoa lipu' anu pohumpakan ka'ima'an ka' ma'omuk anu jinanji'-Nyomo hi Mompolee' nu aha.

YUDAS 1:5

Iwi-iwi' aijo' sinumbu'mo miu. Panyo aku kahanda' mompotuka' hi komiu mosia na Tumpu nomposalamatmo mian nu Israel lengkat mae i lipu' Mesir, panyo lapas mae nonsilakaimo to mia-mian anu madi' palesaya, anu aijo' hi bubuu' aha.