NOMBILANGMO 25:8 - KITAB NU TUMPU ALLA LELE MA'IMAI'

⁸ lantas tinumputnyomo na mo'ane ka' boune aijo' i uno nu kemah. Ua-ua'aha na mian aijo' binunu'nyomo nu talombo' aijo' sahingga madi'mo daagi' kino balaa' anu jinadi i Israel.

NOMBILANGMO 25:8 ပူးပေါင်းရင်းမြစ်များ

2 SAMUEL 21:14

Lapas aijo' buku i Saul tiba i Yonatan haha aijo' tiba bukunyo nu aha popi-popitu' haha aijo' ilamunmo i pinolamunan i Kish tuuma i Saul kiijo' i Zela i da'erah nu aha Benyamin. Salatan iwi-iwi' pinokobaumo susumo koonyo nu palentah i tomundo' Tumpu Allah nontalimamo do'a nu aha, nondo'akon lipu' aijo'.

2 SAMUEL 24:25

Lantas pinotinjomo i Daud na mezba i kiijo' ponsomban Tumpu lantas nonsombahkonmo koloban anu pinotunu ka' koloban anu bau pompodame. Tumpu nontalimamo do'a i Daud ka' panyakit anu momolele aijo' i Israel madi'mo nolele.

1 TAWARIKH 21:22

I Daud no tatae hi ia, “Aku mompotinjo mezbah i tampat ayah bau anu nu Tumpu. Da balaa aiyah belentimo. Mokonyo aitu pobaluko na tano ayah hiyau. La, potoi pa sangkuka na olinyo da ku bayan.”

MALEAKHI 2:5

I uno nu palajanjian aijo' jinanji'-Kumo hi aha na kantumuu'an anu madi'mo ko anu mompoposia ka' mule' mohumpakmo ka'ima'an i uno nu kantumuu'an ka' mule' aha Ku palentahmo mongadati Aku. Toka i tempo'nyo aijo' aha memang mongadatimo Aku ka' mule' mongkabuhukmo Aku.

NOMBILANGMO 17:13

Mian anu mongohanimo Kemah nu Tumpu lantas tionyo ahi' matemo, taalu' madi'mo ko anu otaha'imani mami.”

NOMBILANGMO 25:11

“I Pinehas, anak i Eleazar, makumpu i Imam Harun, jinunjuhi'mo na nontijohakon katalasanggoan-Ku hi aha mian nu Israel, sahingga Aku madi'mo pusa ka' Aku madi'mo sida na mompatei bansa aijo'.

NOMBILANGMO 25:5

Lapas aijo' i Musa notataemo hi to mia-mian kopian nu aha Israel, “Belemiu toto samian tionyo ahi' mompatei iwi-iwi' na mian anu i uno nu tompukan nu tulunan nu bansa nu belemiu ihe na anu nonsombahmo Baal kiijo' i Peor.”

YOSUA 7:26

Lapas aijo' tinabuhanmo nu aha nu batu jonjoo' na tampat aijo' sampe sinaa aiya daagi' ko anu ikiijo'. Mokonyo aijo' tampat kiijo' daagi' osanggohi Bangka'nyo nu Kasusa'an. Sahingga Tumpu madi'mo notambuha'.