NOMBILANGMO 25:13 - KITAB NU TUMPU ALLA LELE MA'IMAI'

¹³ Ia ka' lee'nyo Ku potataapmo salaku imam sampe toka sidu-sidutu', kalana ia jinunjuhi'mo na nontinjohakon Aku, Tumpu Allah-Nyo, ka' nombaumo paladamean da madi'mo baladosa' na aha mian nu Israel.”

NOMBILANGMO 25:13 ပူးပေါင်းရင်းမြစ်များ

IBRANI 2:17

Aiyamo na alati'nyo sahingga Ia tionyo timbali pokakana sumo to utu-utus-Nyo i uno nu iwi-iwi na han. Ka' tiba jalan anu sumo aijo' Ia noko alamo tinimbali Imam Daka' anu mohongo-hongo ka' anu ko kalibosan-Nyo. Kalana Ia nombaumo anu sumo aijo', sahingga dosa' nu mian ingampunanmo.

1 PETRUS 2:5

Belemiu sumomo to batu-batu anu tumuu'. Kalana aijo' tionyo ahi' da belemiu opake bau pompotinjo Laigan nu Tumpu, aijo'mo posa'angu'an nu mian anu pinalesayamo. Desumo aitu yo belemiu timbalimo to ima-imam, anu tumuu' matungka' bau kapentingan nu Tumpu Allah, ka' kalana i Yesus Kristus nonsombahkonmo butongnyo binau koloban rohani anu nuka'ima'i nu kinyonyoa nu Tumpu.

YEREMIA 33:22

Ku pakatuangimo na lee' i Daud posaihon-Ku tiba aha to ima-imam tulunan nu bansa Lewi, sahingga kojoo'nyo saidi' mae sumomo ahi' bone' isonibi nu ambai ka' sumomo mandala' anu aita' ilangit anu madi'mo opoko ala olekeng.”

YEREMIA 33:18

saja'mo daagi' ko to ima-imam anu lengkat mae hi tulunan nu bansa Lewi anu mombau apaa na Ku palentahkon hi aha ka' monsombahkon koloban binatang, gandum tiba palasombahan anu opotunu.”

MAZMUR 106:31

Han anu binaunyomo aijo' inganggapmo salaku kalaja anu daka' na alati'nyo i butongnyo, ka' sabole-boleh o'inau' sampe toka sidu-sidutu'.

NOSABATMO 40:15

Lantas opipi'i nu lanya' na aha susumo beleyum mompipi'imo nu lanya' tuuma nu aha, da aha suele mokalajamo hi beleng-Ku salaku imam. Tiba jalan mompipi'i nu lanya' aijo' tulunan nu bansa nu aha molundu-lundu na lee' nu aha saja' montoongi pangkat imam.”

ANU PINOTO'I HI YOHANES 1:6

Ka' nompotimbalimo kita sa'angu' na bansa to ima-imam anu mompojalan palentah nu Tumpu, Tuuma-Nyo. I Yesus Kristus aijo'mo na anu talasanggo ka' anu mongkuasai sampe toka sidu-sidutu'. Amin!

1 YOHANES 2:2

I Yesus Kristus na mombolosakon da iwi-iwi' na dosa'to o ampuni. Ka' misa' ola dosa'to panyo suele tiba dosa' nu iwi-iwi' mian.

1 PETRUS 2:9

Panyo belemiu bansa anu pinile'anmo, to ima-imam anu mohongo ka' mombau palentah nu tomundo, bansa anu susi' matungka' bau kapentingan nu Tumpu, mian anu nu Tumpu. Tumpu Allah nompile'imo belemiu ka' nolagamo belemiu nosabat mompala'i mae kapintungan da minsoop i uno nu jingka-Nyo anu lonyingkaban, kahanda'nyo da belemiu mombebakon lele mongkona apa-apaa na anu binau-Nyomo anu madi' opoko lingkudui.

IBRANI 7:11

Tempo'nyo to ima-imam Lewi nompalentah, atulan nu agama Yahudi binee'mo hi mian Israel anu palesayamo. Kalana to ima-imam Lewi naipuan mae aijo' madi' moko ala mombau apaa na anu tionyo nubau nu aha ma'i-ma'ima', jadi tionyo ko imam sangga'at, aijo'mo anu sumo i Imam Melkisedek, ka' misa'mo anu lengkat mae i gombuan nu Imam Harun!

YOHANES 2:17

Sahingga anu saja' mombatuki Ia tinonginau'mo i ayat nu Kitab nu Tumpu sumo uuka, “Mongka'ima'i Laigan-To, o Tumpu, talalo saja' Ku inau' i kinyonyoang-Ku.”

YESAYA 61:6

Belemiu osanggohije posaihon nu Tumpu ka' osanggohimo imam nu Tumpunto. Belemiu mongoa'ije kakaya'an nu to bansa-bansa ka' bilahimo kalana halata' nu aha.

MAZMUR 69:9

Aku sumomo mian anu isalipu'anmo, misa'mo sumo utus nu to utu-utusku, sumomo mian anu isambiha'nyomo, misa'mo sumo to utu-utusku anu tu'a, tiba utusku anu ise'nyo.

1 TOMU-TOMUNDO' 19:14

Tinaaman i Elia, “O Tumpu, Tumpu Allah Anu Daka' na kuasa'nyo, aku saja'mo nokalaja ola samata-mata mombau anu o palentahkon nu Belento. Panyo' mian nu Israel anu pinalesayamo hi belento nolanggaimo palajanjian nu aha hi belento. Aha nohobo'akonmo mezbah nu belento ka' pinaha pateanmo nu aha na iwi-iwi' na nabi nu belento. Me aku aiya sausa' na daagi' tutuu', ka' uuka aiya aha kahanda'mo mompatei aku!”

1 TOMU-TOMUNDO' 19:10

Tinaaman i Elia, “O Tumpu, Tumpu Allah Anu Daka' na kuasanyo, aku saja'mo nokalaja ola samata-mata mombau anu nu palentahkon. Panyo mian nu Israel anu pinalesayamo nolanggaimo palajanjian nu aha hi belento Tumpu. Aha nohobo'akonmo mezbah nu Belento ka' nompateimo to nabi-nabi nu Belento. Me aku sausa' na daagi' aiya tinumuu', ka' uuka aiya aha kahanda'mo mompatei aku!”

2 SAMUEL 21:3

ka' pinokilawanyo hi aha, “Apaa na anu tionyo ahi' ku bau hi belemiu? Aku ko tanga'an kahanda' montokong kasala'an anu binaumo hi belemiu, da belemiu mombalakati mae mian anu pinalesayamo hi Tumpu.”

1 SAMUEL 2:30

Aku Tumpu Allah nu Israel, naipuan mae binalajanji'mo da belemiu salaigan ka' belemiu sa'angu' na tulunan mombau anu Ku palentahkon timbali imam sampe toka sidu-sidutu'. Panyo uuka aiya madi'mo Ku ka'ima'i na anu sumo aijo'! Kalana anu mongadati Aku suele Ku adati, panyo anu mongambangi Aku suele Ku ambangi.

YOSUA 7:12

Mokonyo aijo' aha madi' noko ala nongewa ka' nongahopi sampobali'. Aku madi'mo monsangalui belemiu, de balang haha aijo' anu madi' timbali o ala ma'isa pe'e ohopu'i.

NOMBILANGMO 16:46

lantas i Musa notataemo hi Harun, “Ala na tampat nu apu nu beleyum ka' isimo nu oba nu apu anu o ala aijo' i mezbah ka' opo'una'i kamangian. Boa lia-lia' aijo' hi aha mian ka' baumo na atulannyo da bau pongampuni dosa' nu aha. Lia-lia'! Tumpu talalomo hondo pinusa, ka' panyakit anu molele nontampu'unimo.”

NOSABATMO 32:30

Dodododopnyo i Musa notataemo hi bansa aijo', “Belemiu nombaumo dosa' anu daka' hondo. Panyo uuka aiya aku po'ule'mo mindako i bungkutnyo aijo' mangadap hi Tumpu; o'amalakon mae da aku mohumpak ka'ampunan nu dosa' nu belemiu.”

MAZMUR 119:139

Tambuha'ku ningobamo i uno nu butongku kalana anu monsampobali' mae aku, nongkolilimimo pangajalan nu Belento.

1 TOMU-TOMUNDO' 2:27

Lantas pinobelentimo i Salomo na i Abyatar, madi'mo binau Imam. Apaa na binau i Salomo aijo' tinimbalimo sa'angu' na bukuti' susumo anu tinaloakonmo nu Tumpu kiijo' i Silo mongkona lee' mae i Imam Eli.

NOSABATMO 29:9

lantas posongko'mo na suluban hi ubak nu aha. Sumo aijo' na bau-baunyo mombalakati i Harun ka' to ana-anaknyo. Aha ka' lee' nu aha tionyo ahi' mombau apaa na anu Ku palentahkon hi aha salaku imam sampe toka sidu-sidutu'.

NOMBILANGMO 16:47

I Harun nombaumo apaa na anu pinoto'imo i Musa. Ia nopadeka'mo nokiijo' hi aha mian anu sinihukmo ka' nontampu'unimo kinona nu panyakit anu molele. Sahingga i Harun nonguna'imo kamangian aijo' i oba nu apu ka' nombaumo atulannyo da bau pongampuni dosa' nu aha mian.

NOMBILANGMO 25:14

Aha mian Israel anu pinateanmo tiba boune nu aha Midian aijo' sanggonyo i Zimri, anak i Salu, tu'anyo nu sa'angu' na auwan lengkat mae i tulunan nu aha bansa Simeon.

NEHEMIA 13:29

Aku binalado'amo, “O Tumpu Allah-ngku, tutugiakon mae mosia na mian haha aijo' nohenyuimo pangkat imam ka' apa-apaa na anu jinanji'mo nu Belento tiba to ima-imam ka' to mia-mian nu Lewi!”

MALEAKHI 2:8

Panyo uuka aiya belemiu to ima-imam noselemo madi' nontulu jalan anu sahondo-hondonyo. Iwi-iwi na pangajalan nu belemiu nonsaduakonmo da'isan na mian sahingga nombaumo kasala'an. Belemiu nongideimo palajanjian anu binaung-Kumo tiba belemiu.

IMAMAT 15:15

Imam tionyo ahi' monsombahkonmo sa'angu' na tomonsi' bau koloban pongampuni dosa' ka' sa'angu' mule' bau koloban anu opotunu. Sumo aijo'mo na imam mombau anu pomposusi' mian aijo' hi ahop nu Tumpu.

NOMBILANGMO 17:12

Lantas aha mian nu Israel notataemo hi Musa “Desumo aijo', silakamo na kami! Kami matemo!