NOMBILANGMO 25:12 - KITAB NU TUMPU ALLA LELE MA'IMAI'

¹² Jadi poto'i hi Pinehas taalu' Aku mombaumo palajanjian tiba ia.

NOMBILANGMO 25:12 ပူးပေါင်းရင်းမြစ်များ

MALEAKHI 3:1

Tinaaman nu Tumpu Anu Daka' na Kuasanyo, “Ku saimo na anu Ku utus da momposadia jalan anu bau kajalanan-Ku. Sahingga monti-montiik Aku, Tumpu anu olio-lio nu belemiu tokamo i uno nu Laigan-Ku. Anu Ku utus o'i-o'indi nu belemiu aijo' tokamo mae lantas mombebakonmo palajanjian-Ku.”

YEHEZKIEL 34:25

Aku mombaumo palajanjian tiba aha anu timbali otaha'imani monjagai aha. Ku laa'mo na binatang iwi-iwi' anu mahangas isongko-songko na lipu', sahingga to domba-dombang-Ku jojoongmo sanang i iwi-iwi na padang ka' lumukutmo i iwi-iwi na alas.

YESAYA 54:10

Maumo to ahi' bungku-bungkutnyo ka' puge'nyo iwi-iwi' gayu'anmo, Aku madi' belenti na mongkalibosi beleyum. Paladamean anu jinanji'-Kumo saja' Ku toongi,” na koonyo nu Tumpu anu mongkalibosi beleyum.

NOMBILANGMO 13:29

Mian nu Amalek jojoong sasu selatan i lipu' aijo'; mian nu Het, mian nu Yebus ka' Amori jojoong i da'erah puge'nyo; panyo mian nu Kana'an monjojoongi da'erah anu montuus ambai ka' montuusakon Kaunyo nu Yordan.”

MAZMUR 106:30

Panyo i Pinehas nombee'imo hukuman hi aha anu nombaumo kasala'an, sahingga madi'mo nolele na panyakit aijo'.

MAZMUR 106:31

Han anu binaunyomo aijo' inganggapmo salaku kalaja anu daka' na alati'nyo i butongnyo, ka' sabole-boleh o'inau' sampe toka sidu-sidutu'.

YEHEZKIEL 37:26

Aku mombaumo sa'angu' na palajanjian tiba aha anu mompo amanmo aha sampe toka sidu-sidutu'. Itano' nu aha aijo' Ku baumo na Laigan-Ku anu tataapmo kiijo' mae sampe toka sidu-sidutu'.

MALEAKHI 2:8

Panyo uuka aiya belemiu to ima-imam noselemo madi' nontulu jalan anu sahondo-hondonyo. Iwi-iwi na pangajalan nu belemiu nonsaduakonmo da'isan na mian sahingga nombaumo kasala'an. Belemiu nongideimo palajanjian anu binaung-Kumo tiba belemiu.