NOMBILANGMO 24:6 - KITAB NU TUMPU ALLA LELE MA'IMAI'

⁶ Sumomo bangka'nyo anu ewa ka' bolaa, kabai ale' nu bunga-bunga i sohipi' nu kaunyo; sumomo kau' gaharu anu sinu'an nu Tumpu, kabai kau' aras i sohipi' nu kaunyo.

NOMBILANGMO 24:6 ပူးပေါင်းရင်းမြစ်များ

KAJADIAN 13:10

I Lot nontanggalakon songko-songko, ka' tinoanyo iwi-iwi' na Bangka'nyo nu Yordan toka-toka i kota Zoar manjoo' na ueenyo, sumomo Taman nu Tumpu kabai sumomo tano' nu Mesir. (Sumomo aijo' na balu-balu'nyo u'utu mae ma'isa pe'e Tumpu nongidei to kota-kota nu Sodom ka' Gomora.)

MAZMUR 1:3

Apaa na anu nukahanda'i nu bau nu mian aijo' iwi-iwi' nu humpak; ia sumo kau' tumuu' i sohipi' nu kau'nyo anu mimbua' de tokamo na lonunyo ka' saja' madi' toho' mangkaluale na honnyo.

MAZMUR 104:16

Kau' nu Tumpu iwi-iwi' mohumpakmo ujan anu molabi-labimo ka' lontio' kiijo' i Libanon anu pinosi su'annyo.

MAZMUR 45:8

Beleyum mongka'ima'i anu totu'u ka' mongka'ideki anu ma'idek; mokonyo aijo', Tumpu, Tumpu nu beleyum nompile'imo beleyum, ka' nompo ima'mo kantumuu'an nu beleyum ka' nolingkuduimo to tomu-tomundo' sangga'at.

NYANYIAN ANU TALASANGGO 6:11

Aku nambamo i ale' nu kanali', montoa bunga-bunga i bangka'nyo. Ugaat anggur daagimo ko buha'nyomo ka' mule' kau' dalima nimbungamo.

YESAYA 41:19

Padang tampat anu mateges Ku su'animo kau' cemara, kau' zaitun, kau' murad, tiba kau' akasia. Padang tampat anu ewa Ku potimbalimo alas, alas nu kau' eru, kau' berangan, tiba kau' cemara.

YESAYA 58:11

Aku saja' monjagai ka' nombee'i mongkaan belemiu i tano' anu nategesmo; Ku jagai na belemiu da tataap sehat ka' mahoson. Belemiu kakanannyo sumo ale' anu sukup na ueenyo, susumo mata nu uee anu madi' toho' mo'oti.

YEREMIA 17:18

O'amalakon da anu mololoi' mae ka' anu momposansala' mae aku, nu popo ambangmo nu Belento ka' nu popo buhukmo hondo nu Belento. Panyo boli ahi' mombau sumo aijo' hi belengku, o Tumpu. Potokamo mae na balaa' hi aha sampe aha hansunmo ahi' silaka iwi-iwi.

YEREMIA 31:12

Mamba i Puge'nyo nu Sion aha tokamo mae lame'na ohup nu aha otoa ka' manyanyi lame' hondo. Kalana iwi-iwi' apaa na anu binee'-Kumo hi aha, aijo'mo, gandum, lanya', anggur, sapi' tiba domba. Aha sumomo ahi' sa'angu' na taman anu sukup na ueenyo, ka' madi' ko anu kulang apa-apaa.

YEHEZKIEL 47:12

Tutus poti-potimbiha' na sonibi nu kaunyo aijo' tinumuu'mo na ngangahan nu kau' anu okaan nu bua'nyo. Honnyo nu kau' aijo' madi' toho' magayou ka' bua'nyo madi' kokamingkotannyo. Kau' haha aijo' saja' mimbua' bua'nyo anu salaje mule' sambitu'on toka sambitu'on, kalana uee anu monguei nolengkat mae i Laigan nu Tumpu. Bua'nyo haha aijo' timbali kaanon ka' honnyo mule' haha aijo' mingguna bau pakuli'.”

YOËL 3:18

Tempo'nyo aitu iwi-iwi na bungkutnyo mobuke'mo nu ale' nu anggur. Binatang anu opotuu' mongototmo hemput i iwi-iwi na puge'nyo anu ma'omuk. Iwi-iwi na kaunyo anu kiijo' i Yehuda, madi'mo toho' mo'oti na ueenyo. Sa'angu' na kaunyo mo ili lengkat mae Laigan nu Tumpu, ka' mongueeimo Bangka'nyo nu Akasia na ueenyo anu molino hondo.

NOMBILANGMO 24:5

Palias na ko ima'nyo na to kema-kemah nu belemiu o Yakub, ka' to tampa-tampat kajojoongan nu belemiu, o Israel!