NOMBILANGMO 24:24 - KITAB NU TUMPU ALLA LELE MA'IMAI'

²⁴ Panyo lengkat mae i Siprus tokaje mae na sa'angu' na kapan anu mompahampateakon, aha mompatundu'mo Asyur ka' Heber, lapas aijo' suele kapan anu mompahampateakon aijo' tompumo ka' mohopu'mo na miannyo.”

NOMBILANGMO 24:24 ပူးပေါင်းရင်းမြစ်များ

KAJADIAN 10:4

Lee' i Yawan aijo' mo anu jojoong i Elisa, Spanyol, Siprus ka' Rodes.

KAJADIAN 14:13

Panyo samian na anu noko ala nalai anu madi' binoa nu sampobali' nu aha nonsisikmo iwi-iwi' apaa na anu jinadimo aijo' hi Abram, mian nu Ibrani aijo'. I Abram jojoong koko kau' anu ko balakatnyo tampat ponsomban anu i Mamre, mian nu Amori. I Mamre ka' to utu-utusnyo aijo'mo, i Eskol ka' i Aner atina'mo na to sanga-sangalu anu nosa'angu'mo tiba i Abram.

YESAYA 10:12

Panyo pinoto'imo nu Tumpu, “De anu kahanda' Ku bau i Puge'nyo nu Sion ka' i Yerusalem aijo' ilapasmo, Aku mohukumo tomundo' nu aha Asyur kalana ia buulon ka' talalo saja badaka.”

YESAYA 10:5

Tumpu notataemo, “Silakamo na Asyur! Asyur Ku pakemo salaku pondoke ka' salaku amangkun bau pompan aha to mia-mian anu nukonamo nu tambuha'-Ku.

YESAYA 23:1

Sumo uuka na potuunon mongkona Tirus. O, to mia-mian nu Spanyol anu lewa' balayan motaap indalangon toto daka-daka' haangmo! Tempo'nyo ninsusule'mo mae lengkat i Siprus pinoto'imo hi belemiu na kota' Tirus ihansunmo. Labuan nu kapan nu belemiu tiba laigan nu belemiu iwi-iwi' kahomo na'idek.

YEHEZKIEL 27:6

Binau bose nu beleyum haha atina', te kau anu toto daka-daka nu Basan na binala'. Binau saloo nu beleyum kau' cemara na binala', itogong Siprus na pinongalapan mae, palahiasannyo te sae nu gaja anu mahan na olinyo na pinaha pokona.

DANIEL 10:20

Lantas tinaamannyomo mae, “Pa' nu sumbu' nu beleyum kadaka' aku tinokamo mae hi beleyum? Makisudnyo da mompoto'i hi beleyum apaa na anu tinulismo i uno nu Kitab anu Madi' baleko'. Uuka aiya aku tionyo ahi' minsusule'mo da mambamo mahampate mongewa malaekat anu monjagai Persia. Lapas aijo' malaekat anu monjagai Yunani tokamo mae. Madi' ko sangga'atannyo na anu nontulungi mae aku, ola-olanyomo ahi' i Mikhael malaekat anu monjagai Israel, negara nu beleyum.

DANIEL 11:30

Kalana aha mian nu Roma tiba to kapa-kapan nu aha tokamo mae lengkat i Siprus ka' mompahampateakonmo ia sahingga ia nabuhukmo. Lantas ia minsusule'mo ka' pusamo hondo ka' bala usahamo da mohansunimo agama nu mian anu palesayamo hi Tumpu Allah. Ia montulutimo pokinde' pokinde' nu aha anu madi' palesaya i agama aijo'.

DANIEL 11:45

Ka' mule' ia mombaumo kemah nu kalaja'annyo i olot nu ambai tiba bungkutnyo tampat nu Laigan nu Tumpu. Panyo lapas aijo' silakamo ka' madi' ko anu salasamian pe'e na nontulungi ia.”

DANIEL 2:35

Tempo'nyomo aitu na patong aijo' i hansun ka' tinimbalimo tambulan nu besak, tano' kun, tambaga, salaka ka' mosoni' anu i hansunmo susumo abu' i tampat pongututan gandum de masingitmo. Tambulan aijo' lewa'mo nu lahabakon nu mombun sahingga madi'mo daagi' ko anu tinontuha'. Panyo batu anu nontuda'mae patong aijo' tinimbalimo dinaka' susumo bungkutnyo ka' nompobuke'imo songko-songko na dunia.

DANIEL 2:45

Temisa' tinoamo nu belento Tuanku madi' kino mian nohenggo sa'angu' na batu nolingginmo mae aita i keles lantas nontuda'mo ka' mule' nompohintutumo patong besak, ka' tambaga, tano' kun, salaka tiba mosoni' aijo'? Tumpu Anu daka' na Kuasanyo nompoto'imo hi belento Tuanku apaa na anu jadi saidi mae. Ipion aijo' timbali opalesaya ka' mule' katalanganku madi' sala'.”

DANIEL 8:21

Mee' lakinyo mongibalatakon kalaja'an nu Yunani ka' mule' tanduk anu tinumuu'mo mae i olot nu matanyo ohu-ohua' aijo', aijo'mo na tomundo'nyo anu u'utu mae momona.

NOMBILANGMO 24:20

Noko lapas na nontoa aijo' i Bileam nontoamo aha mian nu Amalek. Sahingga ia nontaloakonmo potatae sumo uuka, “Iwi-iwi' na bansa i dunia aiya, Amalekmo na anu talalo daka' na kuasanyo. Panyo bansa aijo' i mihinyo mae, mingkotmo sampe toka sidu-sidutu'.”

NOMBILANGMO 24:23

Lapas aijo' i Bileam nompoto'imo mule' potatae sumo uuka, “Silakamo! Ihe na anu daagi' tumuu', de nubaumo nu Tumpu Allah na han aijo'?

MATIUS 24:15

“Komiu montoaje ‘Ka'idekan anu monsilakai,’ sumo anu tinaloakonmo i Nabi Daniel, tinuminjo i tampat anu Susi'. (Tulisan toka hi topo anu mombasa': Palahatikan apaa na alati'nyo!)

LUKAS 20:24

“Soba potoamae hi beleng-Ku sambatu na doi salaka. Gamban ka' sanggo ihe na aiya?” “I Tomundo!” na pinontaami nu aha.

YOHANES 11:48

De kita ola mompopilaya saja' sumo aitu-Nyo, iwi-iwi' na mian palesayamo hi Ia. Ka' ahennyo anu mongkuasai Roma toka mongidei Laigan nu Tumpu ka' iwi-iwi' na bansanto!”