NOMBILANGMO 23:30 - KITAB NU TUMPU ALLA LELE MA'IMAI'

³⁰ I Balak nombaumo apaa na anu pinoto'imo i Bileam. Ia nongkolobanakonmo sa'angu' na sapi' lakinyo ka' sa'angu' na domba lakinyo i mezbah aijo' toto sa'angu'.

NOMBILANGMO 23:30 ပူးပေါင်းရင်းမြစ်များ

2 SAMUEL 15:12

Lantas hau-haunyo i Absalom nonsombahkonmo koloban ia mule' ahi' nonsaimo mian namba i kota' Gilo da molaga mae i Ahitofel, sala'samian anu lewa' mompokinde'i Tomundo' Daud. Sumo aijo' na kasangaja'an anu ma'idek hi Tomundo' lebemo nompaka pahoson ka' nompaka panjoo'mo na anu mombatuki i Absalom.

IMAMAT 1:3

De anu osombahkon sa'angu' na sapi', binatang aijo' tionyo ahi' lakinyo ka' madi' ko panyakitnyo. Sapi' aijo' tionyo ahi' nu boa i sabatan nu Kemah nu Tumpu, da nutalima nu Tumpu na mian aijo'.

NOMBILANGMO 22:40

Kiijo' mae i Balak nongkolobanakonmo tino sangku-sangkuka na sapi' tiba domba. Sambahagian na antoknyo nu binatang aijo' binee'nyomo hi Bileam ka' hi to pola-polaya' anu namba mae hingga-hinggat tiba ia.

NOMBILANGMO 23:1

Notatae na i Bileam hi Balak, “Baui mae na aku i tampat aiya popitu' na mezbah, ka' posadia popitu' na sapi' lakinyo ka' popitu' na domba lakinyo i aiya.”

NOMBILANGMO 23:2

I Balak nombaumo susumo apaa na anu tinaloakonmo i Bileam hi ia. I toto sa'angu' na mezbah aijo' aha nonsombahkonmo toto sa'angu'an na sapi' lakinyo ka' sa'angu' na domba lakinyo.

NOMBILANGMO 23:29

Notataemo na i Bileam hi Balak, “Bau na mezbah popitu' i tampat aiya ka' posadia i aiya popitu' na sapi' lakinyo ka' popitu' na domba lakinyo.”

NOMBILANGMO 24:1

Uuka aiya sinumbu'mo i Bileam taalu' pongka'oho' nu Tumpu Allah da ia mombalakati bansa Israel. Kalana aijo' ia madi'mo lewa' mamba molio tanda susumo anu binaumo u'uka mae momona. I Bileam nontanggalakonmo sasu nokiijo' i padang bolaa,