NOMBILANGMO 23:24 - KITAB NU TUMPU ALLA LELE MA'IMAI'

²⁴ Bansa aijo' tinuminjomo sumomo singa behenyo, ka' tinuminjomo sumomo singa lakinyo. Ia madi' lumukut de ma'isa pe'e mongkaan kaanonnyo ka' monginum baso' nu anu sina'unyomo.”

NOMBILANGMO 23:24 ပူးပေါင်းရင်းမြစ်များ

KAJADIAN 49:27

I Benyamin aijo'mo serigala anu mahangas hondo. Daagi' subu ia monsa'umo sangko binatangnyo bau kaanonnyo. De pihimo ia mombagi-bagiakonmo.”

KAJADIAN 49:9

I Yehuda sumo singa anu daagi' bata'nyo; ia mompatei gampanyo binatang da nu kaan, lantas po'ule' minsusule' jojoong i liangnyo; ia uminyohatmo lantas lumukutmo, ka' madi' ko samian pe'e na baani mohenggo ia.

1 TOMU-TOMUNDO' 10:20

Pusnyo nu langku-langku'nyo kowi koanan toto sa'angu' ko patong singa – iwi-iwi'mo sampulu' ka' ohua' na konjoo'nyo. Madi' ko kadela nu tomundo' anu sumo aijo', maumo pa'iyayame na lipu' anu ko tomundo'nyo.

2 TAWARIKH 9:18

Kadela aijo' ko limanyo ka' poti-potimbiha' ko patongnyo singa. Kadela aijo' pinokonan ojannyo ka' langku-langku'nyo anom, ka' sa'angu' na panintumpuan nu tengke anu i lapisan nu mosoni'. Panintumpuan nu tengke aijo' sinaimbau-baumo tiba kadelanyo aijo'.

MAZMUR 17:12

Aha sumomo singa anu kahanda'mo monsa'u kaanonnyo, singa bata'nyo na anu labot monsa'u i tampat pinatisulukannyo nontampungi.

AMSAL 30:30

Singa binatang anu talalo hondo mahoson hi iwi-iwi' na binatang ka' madi mabuhuk maumo pa' apaa na itina',

YESAYA 31:4

Tumpu notataemo hi belengku, “Susumo singa molohu'mo da madi' o, agoi na kaanonnyo ka' madi' opoko ala opopobuhuk nu to pola-polaya' binatang maumo ahi' aha sanggombu na monsia'i ka' sola' molokihis anu pinalentahmo mongewa ia, sumo aijo'mo na Aku mahampate da boli o, hungku'i na Puge'nyo nu Sion.

DANIEL 2:44

Tempo'nyo tomundo' haha aijo' mompalentah Tumpu i suluga' nompotinjomo sa'angu' na kalaja'an anu timbali totahan sampe toka sidu-sidutu' ka' anu madi' nu poko ala nu patundu' nu bansa maumo pa' iyamae. Kalaja'anmo ai-aijo' na mohansuni iwi-iwi' na kalaja'an sangga'at haha aijo'.

AMOS 3:8

De singa molohu', ihe na madi' mabuhuk? De Tumpu Anu Matangkas na kuasanyo notatae, ihe na ola momohokot madi' mombebaakon potuunon-Nyo?

NAHUM 2:11

Iyamo mae na kota' aijo' uuka aiya? Kota' anu sumomo liang tampat kalukutan nu singa? Tampat nu to ana-anak nu singa obee'i mongkaan, tampat anu lewa' kalambanan nu singa lakinyo tiba behenyo tampat anu madi' ko anu mompoposia to ana-anaknyo?

NAHUM 2:12

U'utu mae kiijo' mae ponsa'uan nu singa kaanonnyo, ka' nu bini-binit nu bee' hi tinanyo ka' mule' hi anaknyo. Ia mompobuke liangnyo nu antok anu binini-binitnyomo anu mamba sina'unyo.

ZAKHARIA 12:6

I sinaa aijo' to utu-utus nu aha Yehuda Ku pojadimo susumo apu i uno nu tambulan nu kau' anu pinosunmo kabai susumo potong anu noakmo pinosuhapmo i timpa'an nu gandum; nu silakaimo nu aha na to bansa-bansa anu aitu mae mompaha ohani aha. Panyo mian anu jojoong i Yerusalem na tataap ahi' jojoong madi' ko anu mompoposia i uno nu kota'.

NOMBILANGMO 23:25

Lantas i Balak notataemo hi Bileam, “Bakasmo, de beleyum madi' mongka'oho' mongkutuki bansa Israel; panyo boli hondo-hondo mombalakati aha!”

NOMBILANGMO 24:17

Tinoangkumo na ia panyo misa' uuka aiya; tinanggalakonkumo na ia panyo aku aiya mae majo'on. Samian na tomundo lengkat mae hi aha Israel, saidi' mae toka sumo mandala' anu manjingka hondo. To pola-polaya' nu Moab saidi' mae Nu pateimo bansa Set saidi' mae Nu hopu'imo.

PO'ULE' INGULIT 33:20

Mongkona tulunan i Gad ia notatae: “Opuji' na Tumpu Allah anu nompodaka'mo da'erah i Gad. I Gad nontanda'imo sumomo sa'angu' na singa kahanda'mo mombeak kilit nu botokon kabai kilit nu ubak.

ANU PINOTO'I HI YOHANES 5:5

Lantas sala' samian na to pola-polaya' haha aijo' notatae hi belengku, “Boli humaang! Toa! Singa anu nolengkat mae i bansa Yehuda, lee' i Daud anu talasanggo; nohungku'imo. Ia na noko ala nombeak popitu' na segen ka' nombuka' kitab aijo'.”