NOMBILANGMO 23:23 - KITAB NU TUMPU ALLA LELE MA'IMAI'

²³ Madi' ko ajimat anu mongkona i Yakub madi' ko to boli-bolian anu moko ala mombau apa-apaa hi Israel. Mongkona bansa aijo' mian notatae, ‘Toa na hahan anu okabangangi anu binaumo nu Tumpu Allah!’

NOMBILANGMO 23:23 ပူးပေါင်းရင်းမြစ်များ

KAJADIAN 3:15

Oko ka' boune aijo' saja' mompaha ka'i-ka'ideki, lee'nyo ka' lee'um saja' mompahabali'. Lee'nyo mohansuni ubakum ka' oko monsa'u pantigan nu aha.”

MAZMUR 31:19

Paha onsongi na nganga' nu mian anu toto bale-baleko' kalana katabuulan nu aha sola'mo mongalu mian anu madi' tageo' na kinyonyoanyo.

MAZMUR 64:9

Aha silakamo kalana potatae nu aha na monsaduakon; iwi-iwi' na anu montoa kino bilok-bilokmo.

YESAYA 41:4

Ihe na nombaumo iwi-iwi' aijo'? Ihe na nontantukanmo da kinosisikonnyo? Aku, Tumpu, Akumo na anu momona, ka' tataap sabole-boleh daagi' sampe imihinyo mae.

YESAYA 44:25

Akumo na anu madi' nompototu'u aha anu biasa sola' mongkila-kila apa na jadi saidi' mae, ka' sola'mo nombia-biangakon aha anu lewa' montahi'i. Potatae nu aha anu toto pande-pande ginagakon-Kumo, kapandean nu aha pinojading-Kumo kaponga'an.

YEHEZKIEL 21:21

Tomundo' nu Babel tinuminjomo koko dopi' anu bau pompotiju jalan aijo'. Da osumbu' pa' iya na jalan anu nu tului ia nomoitamo hi to pilo-pilogotnyo da opotiju' mae na jalan, ia nolengku-lengkutmo pana'nyo ka' nompalesamo ate nu binatang anu salaje kinolobanakon.

DANIEL 9:15

O, Tumpu, Tumpu mami, Belento nompotoamo mae kuasa nu Belento nonomboamo aha mian anu palesayamo hi Belento nosabat lengkat mae i Mesir, ka' kuasa nu Belento aijo' daagi' saja' tataap o, inau'. Kami nombaumo dosa' ka' mule' nombaumo kasala'an.

MIKHA 7:15

Pombau mae anu okabangangi hi kami, o, Tumpu susumo anu lewa'mo binau nu Belento naipuan mae tempo'nyo Belento nomboamo kami nosabat lengkat mae i Mesir.

NOMBILANGMO 24:1

Uuka aiya sinumbu'mo i Bileam taalu' pongka'oho' nu Tumpu Allah da ia mombalakati bansa Israel. Kalana aijo' ia madi'mo lewa' mamba molio tanda susumo anu binaumo u'uka mae momona. I Bileam nontanggalakonmo sasu nokiijo' i padang bolaa,

MATIUS 12:25

I Yesus monsumbu' pikilan nu to mia-mian Farisi aijo'. Jadi Ia notatae hi aha, “De sa'angu' na negara mobagi-bagi, ka' bagi-bagian aijo' mompaha idek, negara aijo' madi' pin na tuminjo. Ka' sa'angu' na kota kabai moto utus mobagi-bagi ka' mompaha ka'ika'ideki samian ka' sangga'at, saba' timbali hansun.

MATIUS 12:27

Komiu notatae tukoo miu Aku molaa' roh ma'idek kalana kuasa i Beelzebul. Desumo aitu, tiba kuasa ihe na anu saja' mombatuki belemiu molaa' roh anu ma'idek. Posi anu saja' mombatuki belemiu aijo' na mompobukuti', saba' komiu sala'!

MATIUS 16:18

Kalana aijo' osumbu'mo, beleyum atina' i Petrus, batu anu mahoson. Ka' aita' i batu, aiya na Aku mompotinjo Grejang-Ku, anu madi' opoko hungku'i; mau mule' anu monsilakai!

YOHANES 11:47

Kalana aijo' to mia-mian nu Farisi tiba to Kapala-kapala nu imam nombau sale' tiba Mian Kopian Daka' nu Agama. Aha notatae, “Apaa na tionyo obaunto? Mian aijo' mombau manjoo' na anu okabangangi!

SISIKON NU TO RASUL-RASUL 10:38

Komiu nonsumbu'mo saba' Tumpu nompile'imo i Yesus mian nu Nazaret aijo' ka' nombee' hi Ia Roh nu Tumpu ka' kuasa. Komiu mule' nonsumbu'mo saba' i Yesus namba iyaya mae da mombau anu ma'ima'; Ia nompa'alin iwi-iwi' mian anu kinuasanmo nu Ibilis, sabab Tumpu mongkalibosi Ia.

SISIKON NU TO RASUL-RASUL 15:12

Sahingga nomohokot na iwi-iwi' mian anu balagombu i kiijo'. Lapas aitu aha nompotombihingmo i Barnabas ka' i Paulus po'ule' nonsisik iwi-iwi' anu okabangangi ka' anu ma'isa toho' tinimbali anu binaumo nu Tumpu i uno nu kalaja nu aha kiijo' hi to mia-mian bansa sangga'at anu misa' Yahudi.

SISIKON NU TO RASUL-RASUL 4:16

Aha notatae, “Apaa na anu tionyo obaunto hi to mia-mian aiya? Iwi-iwi' anu jojoong i Yerusalem nonsumbu'mo, saba' anu talalo hondo okabangangi aijo', binau nu aha ohua'. Kita madi' moko ala mombahakon aijo'.

SISIKON NU TO RASUL-RASUL 5:12

Kalana pakalaja'an nu to rasul-rasul ka' hahan anu ma'isa toho' tinimbali i totonga' nu mian da'isan. Iwi-iwi' na mian anu pinalesayamo sinihuk i Lambing i Salomo i Laigan nu Tumpu.

SISIKON NU TO RASUL-RASUL 5:14

Ka' lebe pin lebe mintuang da'isan na to mia-mian palesaya hi Tumpu – to momo'ane sumo aitu mule' to bouboune.

ROMA 16:20

Tumpu anu mombee'i ka'ima'an hi mian, malia'mo mompotundu' Ibilis i aluk nu kakuasa'anum, ka' mohopu'imo ia. O amalakon da to Utu-utus saja' Nubalakati Yesus Kristus Tumpunto!

PO'ULE' INGULIT 3:24

O Tumpu Anu Matangkas na kuasanto, ku sumbu na anu pinotoamo nu belento hi belengku aiya sala'je tampu'unannyo nu palabuatan anu daka' ka' anu okabangangi apaa na anu saidi' mae obau nu Belento. Madi' ko pilogot sangga'at aita' i langit kabai aiya i dunia anu sumo Belento timbali moko ala mombau hahan anu daka'.

YOSUA 13:22

Aha mian anu pinateanmo nu aha bansa Israel aijo'mo i Bileam anak i Beor, anu saja' montahi'i.

ANU PINOTO'I HI YOHANES 12:9

Ulo anu talalo hondo daka' aijo' ingalin i sambiha'nyo! Iamo na ulo anu ilangkai'mo anu o sanggohi Ibilis kabai Roh Ma'idek, anu mongakalimo songko-songko na dunia. Ia ingalinmo nokaiyong i dunia tiba iwi-iwi' na malaikatnyo.