NOMBILANGMO 23:21 - KITAB NU TUMPU ALLA LELE MA'IMAI'

²¹ Hi Yakub madi' tinoa na hahan anu ma'idek; hi Israel madi' tinoa na kasusa'an. Tumpu, Tumpu Allah nu aha, monsangalui aha. Aha lewa'mo noloboo'akon; Iamo na Tomundo!

NOMBILANGMO 23:21 ပူးပေါင်းရင်းမြစ်များ

2 TAWARIKH 13:12

Kapala mami Tumpu Allah ka' to ima-imam-Nyo aiya hi kami. Ka' aha nosadiamo mompuhi tolompet bau pontanda'i, kami montumbuhimo belemiu. O belemiu mian nu Israel, boli panggaga hi Tumpu, Tumpu Allah nu mompolee' miu! Komiu madi' untung na mahampate!”

MAZMUR 103:12

Sumo kojo'onnyo nu kabete'an lengkat mae i kinsoban, sumo aijo'mo na Ia mompojoon dosa'to iwi-iwi'.

MAZMUR 118:15

Potombihing na taligala kiijo' i iwi-iwi na kemah nu mian anu palesayamo hi – Ia, kalana inguntungmo na nahampate. “Tumpu nombaumo palabuatan anu daka' hondo!

MAZMUR 135:21

O puji' na Tumpu kiijo' i Sion i Yerusalem tampat kajojoongan-Nyo. O puji' na Tumpu!

MAZMUR 23:4

Maumo aku nontulumo bangka'nyo anu pikat, aku madi' nabuhuk i apa-apaa na anu nonsilakai, kalana Belentomo na nonsangaluimo aku. Belentomo na nonjagai aku sumomo samian na polaya' anu nonjagaimo dombanyo nu tokonnyo ka' amangkunnyo.

MAZMUR 32:2

Mohumpak ka'ima'an na kantumuu'an nu mian anu palabuatannyo ma'i-ma'idek madi'mo nu palahatikan nu Tumpu ka' suele anu madi' ka'oho' mongakali.

MAZMUR 32:5

Lantas ingakuankumo na dosa'ku hi Belento, kasala'anku madi'mo ko anu pinohowiningku. Tinantukankumo na aku mongakuimo hi Belento, ka' Belento nongampunimo iwi-iwi' na dosa'ku.

MAZMUR 46:11

Ia notatae, “Belentimo na mahampate; da osumbu' saba, Akumo aiya na Tumpu, Aku talasanggo madi' pokakana bansa-bansa, talasanggo isongko-songko na dunia.”

MAZMUR 46:7

Tumpu notataemo mae susumo gohung na onyi'nyo, sahingga tano' nohintutumo; to bansa-bansa kinalangkabutmo, to kara-karaja'an nahungku'mo.

MAZMUR 97:1

Tumpu aijo'mo na Tomundo'! Dunia tionyo ahi' balame-lame'mo ka' iwi-iwi' na togong suele ahi' balame-lame'mo.

MAZMUR 99:2

Daka' hondo na kakuasa'an nu Tumpu i Sion; Ia talasanggo hondo molingkudui iwi-iwi' na bansa.

NOSABATMO 13:21

De sinaa Tumpu lumajang momona i ahop nu aha nu hohungi nu kundom, ka' de pihimo Ia na mamba momona aijo' hi aha i jingka apu mompotiju' jalan. Sahingga aha timbali lumajang sinaa ka' pihi.

NOSABATMO 3:12

Tinaaman nu Tumpu Allah, “Ku tulungije na beleyum. Ka' de bansa aijo' nu boamo mosabat lengkat i Mesir, belemiu monsombahmo hi beleng-Ku i bungkutnyo aiya. Aijo'mo na pontoan taalu' aku nonsaimo beleyum.”

NOSABATMO 34:9

Ia notatae, “O Tumpu, de Belento totu-totu'u mongkanonongi aku, ku poita da sana-sanang pe'e mae na belento Tumpu monsangalui kami. Bansa aijo' memang panggaga hondo, panyo ampuniakon mae na ka'idekan ka' dosa' mami ka' alapakon na kami salaku mian anu pinalesayamo hi Belento.”

YESAYA 1:18

Tumpu notatae, “Imbo' da oputusi na palakala aiya. Mau mule' belemiu imea'anmo tala-talalu nu dosa' nu belemiu, panyo belemiu Ku baso'imo sahingga timbalimo mopute' susumo kapas. Mau mule dosa' nu belemiu talalo manjoo' ka' maboat, belemiu totu-totu'u Ku ampunimo.

YESAYA 12:6

Pontaligalaimo o, belemiu anu jojoong i Sion, opolame' ahi na manyanyi. Tumpu nu aha Israel anu susi' memang talasanggo hondo, Ia jojoongmo atina' hi belemiu.”

YESAYA 33:21

Tumpu mompotoamo katalasanggoan-Nyo hi kita. Kita tumuu'mo isonibi nu kaunyo anu bola, kapan nu anu monsampobali' madi' moko ala talabut kiijo'.

YESAYA 33:22

Iwi-iwi' na palasadia'an nu aha kiijo' ikapan madi' kogunanyo; sinin na kadutnyo madi' opoko ala obokakon! Iwi-iwi' na kakaya'an nu suludadu anu monsampobali' kita opahuhuakontomo ka' manjoo' hondo na anu ohumpakto, sahingga mau mian anu kapi' mohumpak ahi' bagian. Tumpumo na timbali tomundo'to; Iamo na mompalentah, montoongi atulan hondo-hondo ka' momposalamatmo kita da madi' nu poposia nu anu monsampobali'mae kita.

YESAYA 38:17

Untuk kuku oa'i mongabali'mo susumo madi' ko apa-apaanyo, Belento nomposalamatmo aku da madi'mo kinokasilaka'an; iwi-iwi na dosa'ku ingampunanmo nu Belento.

YESAYA 41:10

Boli mabuhuk kalana Aku na monsangalui beleyum, boli baat-bata, kalana Aku na Tumpu nu beleyum. Beleyum Ku pokododomo ka' Ku tulungimo, Ku taka'mo nu limang-Ku anu timbali otaha'imani.

YESAYA 8:10

Pombau tanga'an panyo iwi-iwi' aijo' madi' mingkaliangan. Pongala kaputusan panyo madi' kogunanyo, kalana Tumpu monsangalui kami.

YEREMIA 50:20

Toka itempo'nyo aijo' Israel tiba Yehuda belesi'mo madi'mo baladosa', kalana Ku ampunimo na to mia-mian anu pinosalamat-Kumo. Aku, Tumpu, notataemo.”

YEHEZKIEL 48:35

Songko-songko na pagan mesen aijo' komantannyo osio' na kilometen. Ka' lengkat itempo' aiya mian nonsanggohimo kota' aijo': “DAAGI' KO TUMPU IKIIJO'!”

YOËL 2:27

Sahingga osumbu'je nu belemiu, Israel, saba' Aku saja ahi' aiya hi belemiu, ka' Aku Tumpu, aijo'mo na Tumpu nu belemiu. Madi'mo ko Tumpu sangga'at, ola-olanyomo ahi' Aku aiya. Mian-Ku anu palesayamo madi'mo daagi lewa' opopo ambang!”

IMAMAT 9:24

Monti-montik Tumpu montau'akonmo mae apu anu montoyo'i sampe mingkot na koloban anu opotunu ka' baha-bahagiannyo anu ko lompo'nyo i mezbah. Salatan aha mian Israel nontoamo, aha lewa'mo nontaligalai lantas tinolodadupumo nonsombahmo.

NOMBILANGMO 14:18

‘Aku, Tumpu, madi' malia' pusa. Ku potoamo na kalibosan-Ku ka' kanonongan-Ku molabi-labi. Aku mongampuni mian anu baladosa' ka' anu panggaga hi beleng-Ku. Mau mule' sumo aijo', kasala'an nu tu'anyo saidi' mae Ku balosakonje hi to ana-anaknyo ka' hi to maku-makumpunyo, sampe toka i lee'nyo anu ko totolu'nyo ka' ko opatnyo.’

NOMBILANGMO 14:19

Uuka aiya Tumpu, kalana daka' na kalibosan nu Belento ka' Belento sabole-bole montoongi janji' nu Belento, ku kakase ampuniakon mae na dosa' nu mian haha aiya susumo Belento nongampunimo aha salatanmo pe'e aha nompala'i mae tano' nu Mesir.”

NOMBILANGMO 16:3

Aha hingga-hinggat nambamo nangadap hi Musa ka' hi Harun ka notatae, “Sukupmo aijo', Musa! Iwi-iwi' na aha mian Israel samata-mata baumo kapalaluan nu Tumpu, ka' Tumpu daagi'mo aiya hi kita iwi-iwi'. Panyo kadaka' beleyum monsangkamo butong nu beleyum lebe ko angga'nyo molingkudui mian anu pinalesayamo hi Tumpu?”

NOMBILANGMO 9:22

De kundom aijo' daagi' mohohungi Kemah nu Tumpu, pa' uansinaa, sambitu'on, sataun kabai molabi, tempo'nyo aijo' aha tionyo ahi' jojoong i tampat aijo'. De kundom aijo' moliba'mo, atina'je ka' aha mambamo.

MATIUS 1:23

“Samian na boune anu ma'isa toho' nonganak ia na poboa ka' mohampeakon samian na anak mo'ane. Anak aijo' osanggohi Imanuel.” (Imanuel te basa' nu Ibrani alati'nyo, “Tumpu monsangalui kita”.)

ROMA 6:14

Dosa' madi'mo timbali mongkuasai komiu, kalana komiu madi'mo tumuu' i 'aluk nu atulan nu agama Yahudi, panyo i balakatmo nu Tumpu.

ROMA 8:1

Uuka aiya madi'mo ko pohukuman hi aha anu tumuu' mosa'angu' tiba i Kristus Yesus.

2 KORINTUS 2:14

Panyo talima kase hi Tumpu! Ia saja' nolaya' kami nombatuki balondaan i kamenangan i Kristus kalana kami tumuu' nosa'angu'mo tiba Ia. Tumpu nompake kami da lele mongkona i Kristus tolele sumo nohong anu monohongi iyaya mae.

2 KORINTUS 5:19

Kami nompolele Tumpu nompotimbalimo mian nompo'ule'mo na'ima' tiba butong-Nyo, kalana pinalesayamo hi Kristus. Tumpu nompotimbali aijo' madi'mo nongkikilai kasala'an anu binaumo nu mian hi butongnyo. Ka' kami pinalentahmo nu Tumpu da mompolele lele aijo'.

2 KORINTUS 6:16

Apaa na tuusanannyo Laigan nu Tumpu tiba laigan nu pilogot? Kita aiya Laigan nu Tumpu, aijo'mo Tumpu anu tumuu'. Posi Tumpu na notatae, “Aku jojoongmo hi aha, ka' tumuu' hingga-hinggat tiba aha. Aku timbalimo Tumpu nu aha, ka' aha timbalimo mian anu palesayamo hi beleng-Ku.

PO'ULE' INGULIT 31:23

Lapas aijo' Tumpu notataemo hi Yosua anak i Nun, Ia notatae, “Tionyo ahi' beleyum mompohoson kinyonyoa ka' baani, Yosua! Beleyummo na molaya' bansa Israel mompinsoopi lipu' anu jinanji'-Kumo hi aha ka' Ku tulungije na aha.”

PO'ULE' INGULIT 32:5

Panyo belemiu bansa anu madi' mohongo-hongo, ka' madi'mo pantas timbali mian anu pinalesayamo hi Ia, bansa anu saja'mo gineguan ka' saja' mombau dosa'.

PO'ULE' INGULIT 33:5

Salatan Israel sinihukmo tiba to pola-polaya'nyo, Tumpu tinimbalimo Tomundo hi mian anu pinalesayamo hi Ia.”

PO'ULE' INGULIT 9:24

Salatan pe'e aku nonsumbu'mo belemiu, belemiu saja' madi' mohongo-hongo Tumpu.

TO MIA-MIAN KOPIAN 6:13

Tinaaman i Gideon, “Ampun, tuan! De totu'u belento Tumpu monsangaja'imo mae kami kadaka' iwi-iwi' na han aiya nongkonamo mae kami. Iyamo na han anu okabangangi iwi-iwi', anu toho'mo binau nu Tumpu naipuan mae anu sinisikmo nu mompolee' mami mosia na Tumpu nonsabatakonmo aha lengkat mae i Mesir? Uuka aiya Tumpu nompala'imo kami ka' nompojohokmo kami nukuasai nu aha mian Midian.”

1 SAMUEL 25:28

Ampuniakon mae na kasala'anku. Nu potimbalije nu Tumpu na belento Tuanku tiba lee' nu belento timbali tomundo' hi aha Israel, kalana belento Tuanku mahampate mo da bau katalasanggoan nu Tumpu; ka' belento Tuanku madi' mombau anu ma'idek sampe toka sidu-sidutu' i uno nu kantumuu'an.