NOMBILANGMO 23:19 - KITAB NU TUMPU ALLA LELE MA'IMAI'

¹⁹ Tumpu Allah madi' sumo manusia anu sampa mompele-pele' ka' mongka'ima'i baleko'. De Tumpu Allah balajanji' sabole-bole Nu ganapi! De Ia motataemo tantu tionyo ahi' jadi!

NOMBILANGMO 23:19 ပူးပေါင်းရင်းမြစ်များ

KAJADIAN 26:3

Ku jagaije na beleyum ka' ku balakati. Songko-songko na da'erah aiya Ku bee'mo hi beleyum ka' hi lee' nu beleyum. Ku ganapije na janji' anu binee'-Kumo hi Abraham tuuma nu beleyum.

KAJADIAN 28:15

O inau' Ku tulungi ka' Ku jagai na beleyum, mau mule' pa' moya na beleyum ka' po'ule' Ku boa mae na beleyum i lipu' aiya. Madi' Ku pala'i na beleyum, sampe toka i tempo'nyo de apaa na anu jinanji'-Kumo hi beleyum, Ku baumo iwi-iwi'.”

1 TOMU-TOMUNDO' 14:11

Belemiu sa'anakan ihe na anu silaka i kota', dedeng na mongkaan, ka' anu silaka isambiha' nu kota' tomonsi' na montoluki. Ingat Aku Tumpu na notatae!’ ”

2 TOMU-TOMUNDO' 7:2

Suludadu anu saja' monsangalui i tomundo' nontaami, “Iya na jadi, aijo' madi' minsoop i akan, maumo uukamo aiya na Tumpu montudunakon mae ujan daka' lengkat mae i langit!” “Nu toaje na han aijo' jadi saidi' mae, panyo beleyum madi'mo monyamit anu o kaan aijo' maumo ola sangkiding,” na tinaaman i Elisa.

1 TAWARIKH 17:17

Aitu pe'e manjoo'mo na anu lebe ma'ima' binau nu Belento; belento nonjanji'mo mosia saidi' mae na katimbaliannyo na lee'ku. Ka' mule' belento mompotimbalimo salaku mian daka' na pangkatnyo.

MAZMUR 110:4

Tumpu binajanji' sinumpa'akon, Ia madi'mo timbali mompojalo janji'-Nyo. “Belentomo na imam sampe toka sidu-sidutu', sumomo i Melkisedek.”

MAZMUR 132:11

Tumpu binasumpa'mo hi Daud; Ia madi'mo mompojalo anu jinanji'-Nyomo. Ia notatae, “Samian na anak nu beleyum Ku potimbalimo tomundo', da mompalentah mombolosakon beleyum.

MAZMUR 77:9

Pa' Ia madi'mo mongkalibosi kami? Pa' madi'mo daagi' Ia mongganapi palajanjian-Nyo?

MAZMUR 89:34

Panyo aku sabole-boleh mongkalibosi i Daud, ka' madi'mo mongabali' na kanonongan-Ku.

MAZMUR 89:35

Anu jinanji'-Kumo hi ia madi'mo Ku kolilimi, sa'angu' pe'e na anu jinanji'-Kumo madi'mo daagi' ku potundei.

YESAYA 21:17

Anu toto pande-pande na mompana' hi aha mian nu Kedar aijo'mo na mian anu toto babaani hondo. Panyo anu salamat na mian aijo' hi aha ola sangkiding. Aku, Tumpu Allah nu aha Israel notataemo.”

YESAYA 31:2

Tumpu pande hondo ka' Nu sumbu' apaa na anu kahanda' Nu bau. Pinotoka-Nyomo mae na balaa' ka' pinokona-Nyomo na hukuman hi mian anu ma'idek na kinyonyoanyo ka' mule' hi mian anu nontulungimo aha.

YESAYA 40:8

Hemput manggasmo ka' bunga-bunga magayoumo, panyo potatae nu Tumpunto tataap sampe toka sidu-sidutu'.”

YESAYA 46:11

Ku lagamo me na samian anu balakuasa lengkat mae isasu kabete'an ia toka mae pokakanamo susumo sa'angu' na tomonsi' anu baani hondo na mombaumo apaa na anu pinutusan-Kumo. Apaa na anu tinaloakon-Kumo tionyo ahi' Ku baumo, apaa na anu tinanga'an-Kumo tionyo ahi' kalajamo.

YESAYA 55:11

sumo atina'mo suele na potatae anu tinaeakon-Kumo mai' mobalik mae hi beleng-Ku ola palasuma panyo ko hasinnyo mombau apaa na anu Ku kahanda'i, ka' montokai iwi-iwi' na anu Ku kahanda'i.

YEREMIA 4:28

Tano' humangmo, langit pikatmo hondo. Tumpu notataemo, ka' madi'mo mongabali na anu tinanga'an-Nyomo. Ia nontantukanmo kaputusan ka' madi'mo daagi' tolosule' mau ola sumo pala nu tengke.

DANIEL 4:28

Iwi-iwi' aijo' jadimo i butongku Tomundo' Nebukadnezar.

HOSEA 11:9

Maumo ahi' Aku motambuha' panyo beleyum madi' Ku hukum, beleyum madi'mo daagi Ku hansuni. Saba' Aku Tumpu Allah misa' manusia. Aku Anu Susi' saja' monsangalui beleyum ka' madi'mo daagi montambuha'i beleyum.”

HABAKUK 2:3

Tulis na aijo' kalana uuka aiya misa' pe'e tempo'nyo. Panyo tempo'nyo aijo' malia'mo mae toka ka' apaa na anu pinoto'ing-Kumo hi beleyum aijo' totu-totu'u tionyo jadi. Maumo aijo' o oa'i daagi pin, panyo tanda'imo! Tempo'nyo aijo' memang ahi' tokamo ka' madi'mo daagi opo edok.

MALEAKHI 3:6

“Akumo na Tumpu, ka' Aku madi' mongabali'. Kalana aijo' belemiu lee' mae i Yakub, madi' ahi' opatei.

NOMBILANGMO 14:35

Aku basumpa', saba' Aku mombaumo han aijo' hi belemiu ka' hi mian haha aijo' anu nosangaja'mo, mongka'ideki mae Aku. I padang bola aiya belemiu iwi-iwi' silakamo. Aku, Tumpu, notataemo.’ ”

NOMBILANGMO 23:18

Lantas i Bileam nompoto'imo apaa na anu jadi, sumo uuka, “O, Balak, anak i Zipor, imbo' toka mae aiya potombihing apaa na anu kahanda' ku taloakon.

LUKAS 21:33

Langit ka' tano' mingkot, panyo potataeng-Ku tataap sidu-sidutu'.”

ROMA 11:29

Kalana de Tumpu nompile'imo mian ka' mombalakatimo mian aijo', Tumpu madi'mo toho' po'ule' momadi'akon apaa na anu binau-Nyomo.

ROMA 9:6

Aku madi' ko kahanda' montaloakon janji' nu Tumpu madi'mo ko kaliangannyo; panyo misa' iwi-iwi' na mian nu Israel mian anu pinile'anmo nu Tumpu.

2 TIMOTIUS 2:13

De kita madi'mo tulu-tulutan, Ia tataap mongkanonongi, kalana tanga'an-Nyo madi' timbali madi' pokakana tiba tanga'an nu butong-Nyo.”

TITUS 1:2

Pangajalan aijo' nimpu'u i anu otaha'imani, aijo'mo kita montalimaje kantumuu'an kopian ka' sampe toka sidu-sidutu'. Tumpu Allah nonjanji'mo kantumuu'an aijo' ma'isa pe'e dunia aiya tinimbali – ka' Tumpu madi' toho' baleko'.

IBRANI 6:18

Ohua' na han aijo' madi'mo daagi' mongabali': Tumpu madi' toho' baleko' i janji'-Nyo ka' sumpa'-Nyo. Kalana aijo', kita anu ningkongmo hi Tumpu, kinakeha'mo da mahoson na mintoong hi anu otaha'imani anu naningkoyamo i ahopto.

IBRANI 7:21

Panyo i Yesus i hangkat binau imam sinumpa', tempo'nyo Tumpu notataemo hi Ia, “Tumpu binasumpa'mo, ka' Ia madi' mongabali' na kahanda'-Nyo, ‘Beleyum atina'mo na imam sampe toka sidu-sidutu'.’ ”

YAKOBUS 1:17

Batu-batu taju anu ma'ima' ka' palasen anu ma'ima' pinolengkatannyo mae i suluga', tinau'akon nu Tumpu, anu Nompotimbali iwi-iwi na anu ma jingka i langit. Iamo na Tumpu anu madi' mongabali' ka' madi' mule' monsaduakon kapintungan mau mule' pa' mosiamo.

YAKOBUS 4:5

Boli monsangka Kitab nu Tumpu notatae madi' ko sababnyo, “I uno nu butongto Tumpu nompojoongmo roh anu madi' opoko gagakon na pongka'oho'nyo.”

YOSUA 21:45

Tumpu saja' mongganapi apaa na anu jinanji'-Nyomo hi aha mian nu Israel; madi' ko sa'angu' pe'e na anu madi' Nu ganapi.

1 SAMUEL 15:29

Anu Talasanggo hondo Tumpu Allah nu aha Israel madi' baleko' ka' madi' mule' mombabali'i apa na anu tinaloakon-Nyomo, kalana Ia misa' manusia.”

1 SAMUEL 3:12

Isinaa aijo' Ku baumo iwi-iwi' apaa na anu toho' mo pinoto'ing-Ku da okabuhuk nu aha salaigan i Eli lengkat pe'e i momonanyo sampe uuka aiya imihinyo.