NOMBILANGMO 23:14 - KITAB NU TUMPU ALLA LELE MA'IMAI'

¹⁴ Sahingga i Balak nomboamo i Bileam namba i padang Zofim, i bawo nu Bungkutnyo Pisga. Ikiijo' mae suele ia nompotinjomo popitu' na mezbah ka' nonsombahkonmo sa'angu' na sapi' lakinyo ka' sa'angu' na domba lakinyo i mezbah aijo' toto sa'angu'.

NOMBILANGMO 23:14 ပူးပေါင်းရင်းမြစ်များ

YESAYA 46:6

Mian mombuka'mo dompetnyo ka' mombulokmo mosoni'nyo, lantas montimbangmo salakanyo nu timbangan. Ia montamboimo tukang mosoni' da obaui patong anu bau bapilogotan, lantas nu sombahmo na patong anu pinoki baunyomo.

HOSEA 12:11

Aku notataemo hi to nabi-nabi, ka' nompotoamo manjoo' hondo na anu tinoa hi aha. Aku nompakemo aha da mompoto'i iwi-iwi' na tanga'an-Ku kona hi belemiu mian-Ku anu palesayamo,

NOMBILANGMO 21:20

lapas aijo' nambamo i bangka'nyo i da'erah nu aha mian nu Moab, i aluknyo nu Bungkutnyo nu Pisga anu mongahopi padang bola.

NOMBILANGMO 23:13

Lantas i Balak notataemo hi Bileam, “Imbo' da kita mambamo hingga-hinggat i tampat sangga'at; ikiijo' mae nu toaje ola sambahagian na bansa Israel. Okutukije na aha ikiijo' mae.”

NOMBILANGMO 23:15

Notataemo na i Bileam hi Balak, “Jojoongmo i aiya, koko koloban anu pinotunumo nu belento Tuanku, hau-haunyo aku mamba monsingkaboti Tumpu aijo' mae.”

NOMBILANGMO 23:29

Notataemo na i Bileam hi Balak, “Bau na mezbah popitu' i tampat aiya ka' posadia i aiya popitu' na sapi' lakinyo ka' popitu' na domba lakinyo.”

PO'ULE' INGULIT 3:27

Pindakomo i bawo nu Bungkutnyo Pisga ka' tanggalakon mokiijo' i sasu utara ka' selatan, mokiijo' i sasu kabete'an ka' kinsoban. Toa ima-ima' apaa na anu nu toa aijo' mae kalana beleyum madi'mo motaap i Kaunyo nu Yordan.

PO'ULE' INGULIT 34:1

Lantas i Musa nompala'imo hatanyo nu Moab ka' nindakomo i Bungkutnyo nu Nebo, aita' i bawonyo nu Pisga sasu kabete'an lipu nu Yerikho. Ikiijo' mae Tumpu nompotoamo hi ia iwi-iwi' na lipu' aijo', aijo'mo: Da'erah Gilead sasu utara kojo'onnyo toka-toka i kota Dan;

PO'ULE' INGULIT 4:49

ka' songko-songko na da'erah i sasu kabete'an Kaunyo nu Yordan toka-toka i sasu selatan Ambai Mate i tengke nu Bungkutnyo Pisga.