NOMBILANGMO 22:38 - KITAB NU TUMPU ALLA LELE MA'IMAI'

³⁸ Tinaaman i Bileam, “Jadi, uuka aiya aku tinokamo mae. Panyo aku madi' ko hak montaloakon apa-apaa, boli mompiakon apaa na anu nupokauhakon nu Tumpu Allah, aijo' na ku taloakon.”

NOMBILANGMO 22:38 ပူးပေါင်းရင်းမြစ်များ

1 TOMU-TOMUNDO' 22:14

Panyo tinaaman i Mikha, “I uno nu sanggo nu Tumpu anu tumuu', aku ola mompoto'i apaa na pinoto'imo nu Tumpu hi belengku!”

1 TOMU-TOMUNDO' 22:16

Tinaaman i Ahab, “De beleyum motatae hi belengku i uno sanggo nu Tumpu, yo poto'imo mae ahi' apaa na anu memang totu'u. Te pimpianje na aku mompokinde'i beleyum i han susumo aiya?”

2 TAWARIKH 18:13

Panyo tinaaman i Mikha, “I uno nu sanggo nu Tumpu anu tumuu', aku ola mompoto'i apaa na anu pinoto'imo nu Tumpu Allah hi belengku!”

MAZMUR 33:10

Tumpu madi'mo nompojadi tanga'an nu to bansa-bansa, Ia madi'mo nompobee' niat nu aha.

MAZMUR 76:10

Salatan Belento nobungkutmo, kahanda'mo momputusi da oposalamatmo na mian anu sinakisamo i dunia aiya.

AMSAL 19:21

Manusia talalo hondo manjoo' na tanga'an, panyo ola ahi' kaputusan nu Tumpu na jadi obau.

YESAYA 44:25

Akumo na anu madi' nompototu'u aha anu biasa sola' mongkila-kila apa na jadi saidi' mae, ka' sola'mo nombia-biangakon aha anu lewa' montahi'i. Potatae nu aha anu toto pande-pande ginagakon-Kumo, kapandean nu aha pinojading-Kumo kaponga'an.

YESAYA 46:10

Salatamo pe'e momonanyo mae pinoto'ing-Kumo na hahan anu imihinyo mae jadi, naipuan pe'e mae kinila-kilang-Kumo apaa na anu jadi aiya mae i ahop. Aku notataemo: Anu tinantukan-Kumo tinyo ahi' jadimo, anu kinahanda'an-Kumo tionyo ahi' Ku baumo!

YESAYA 47:12

Kinyonyoaimo ahi' totu-totu'u na do'a-do'a tiba ponsumbu'a nu beleyum iwi-iwi', anu saja'mo nomposibuk beleyum salatanmo pe'e beleyum daagi' ana-anak. Ihe na monsumbu' aijo'memang ahi' mingguna hi beleyum, da bau ponggala-gala sampobali' nu beleyum.

NOMBILANGMO 22:18

Panyo tinaaman i Bileam, “Maumo iwi-iwi' na salaka ka' mosoni anu kiijo' i laigan nu Tomundo Balak na pombayan aku, aku madi' timbali molanggai palentah nu Tumpu, Tumpu Allah anu ku sombah Maumo ola hahan anu ise' madi' timbali ku bau.

NOMBILANGMO 22:37

Koonyo i Balak hi ia, “Kadaka' beleyum madi' tinoka mae salatan uuka mae i lagangku momona? Pa' kooyum aku madi' moko ala mombayan pontamboi beleyum?”

NOMBILANGMO 22:39

Sahingga nambamo na i Bileam tiba i Balak nokiijo' i kota Huzot.

NOMBILANGMO 22:8

Koonyo i Bileam hi aha, “Male'mo pe'e i aiya. Dodop ku posumbu'je hi belemiu apaa na koonyo nu Tumpu hi belengku.” Jadi to pola-polaya' nu aha Moab aijo' jinojoongmo i tampat i Bileam.

NOMBILANGMO 23:16

Tumpu nonsingkabotimo i Bileam ka' nompoto'imo hi ia apaa na anu tionyo ahi' nutaloakon, lantas nonsaimo ia da po'ule'mo minsusule' hi Balak mompoto'i potuunon nu Tumpu aijo'.

NOMBILANGMO 23:26

Tinaaman i Bileam, “Te misa' pinoto'ingkumo hi belento Tuanku, tukoongku aku mombaumo iwi-iwi' apa na anu pinalentahkonmo nu Tumpu?”

NOMBILANGMO 24:13

mau mule' belento Tuanku mombee'i mae aku salaka iwi-iwi' ka' mosoni' anu daagi' i laigan nu belento Tuanku, aku madi' timbali molanggai palentah nu Tumpu ka' mombau apaa na anu nuka'ima'i nu kinyonyoangku? Aku ola timbali montaloakon apaa na anu nu pokauhakon nu Tumpu ku taloakon.”