NOMBILANGMO 22:36 - KITAB NU TUMPU ALLA LELE MA'IMAI'

³⁶ Salatan i Balak nohongomo taalu' i Bileam tinokamo mae, ia nambamo nolabot i Bileam i kota Moab.

NOMBILANGMO 22:36 ပူးပေါင်းရင်းမြစ်များ

KAJADIAN 14:17

Noko patundu' i Tomundo Kedorlaomer tiba to tomu-tomundo anu nosa'angu'mo tiba ia, i Abram ninsusule'mo mae. Lantas tomundo nu Sodom nambamo nonsingkaboti ia kiijo' i Bangka'nyo nu Syawe anu biasa osanggohi Bangka'nyo nu Tomundo.

KAJADIAN 18:2

Salatan ia tinolotinga tinoanyo aha totolu' na mian tinjo-tinjo i ahopnyo. I Abraham lia-lia' no padeka'mo namba nolabot aha. Ka' tinolodadupumo,

KAJADIAN 46:29

i Yusuf sinumake'mo i kaletanyo da mompaha pia tiba tuumanyo ikiijo' mae. Salatan aha nompaha piamo, tinanggogolanmo i Yusuf na tuumanyo ka' pinin hondo na i humang.

NOSABATMO 18:7

sahingga ia nosabat mae da molabot aha. Ia tinolodadupumo i ahop hi Yitro ka' ingookannyo. Aha nompaha poki-pokilawamo pa' aha toto samian mahoson ahi' lantas ninsoopmo nokiijo' i kemah i Musa.

YESAYA 16:2

Aha to mia-mian nu Moab nontanda'imo isonibi nu Kaunyo Arnon ka' lewa'mo nahalajangan kalana biningongmo sumomo tomonsi' anu sinieanmo aijo' i petaanyo.

YEREMIA 48:20

Nu taamije nu aha, ‘Moab pinatundu'mo ka' na ambangmo, kalana aijo' haangimo na ia. Bebakonmo itutuus Kaunyo nu Amon taalu' Moab ihansunmo.’ ”

NOMBILANGMO 22:35

Panyo malaekat nu Tumpu notatae, “Batukimo mae na aku tiba mian haha aijo'. Panyo beleyum ola timbali montaloakon apaa na anu Ku poki taloakon.” Sahingga i Bileam nolausakonmo lajangnyo tiba aha mian anu sinai mae i Balak aijo'.

NOMBILANGMO 22:37

Koonyo i Balak hi ia, “Kadaka' beleyum madi' tinoka mae salatan uuka mae i lagangku momona? Pa' kooyum aku madi' moko ala mombayan pontamboi beleyum?”

SISIKON NU TO RASUL-RASUL 28:15

To Utu-utus i Roma anu palesayamo hi Yesus nohongo lele mongkona kami, sahingga aha tinoka nokiijo' i Pasar Apius ka' i Laigan panginapan Totolu' anu lewa' kasonso'an nu mian male' kahanda' molabot kami. Salatan i Paulus nompahakabotmo tiba aha, ia nomoita talima kaseh hi Tumpu ka' kinyonyoanyo sinanangmo.

PO'ULE' INGULIT 2:24

“Salatan kita noliu-liumo da'erah nu aha Moab, Tumpu notataemo hi kita, ‘Lako'mo uuka aiya potaapmo i Kaunyo nu Arnon. Ku bee'mo hi belemiu na i Sihon, tomundo nu Amori anu mompalentah kiijo' i Hesybon, hingga-hinggat tiba lipu'nyo. Tumbuhimo na ia lantas jojoongimo na tano'nyo.

PO'ULE' INGULIT 3:8

Tempo'nyo aijo' ingalantomo ohua' na da'erah hi aha ohua' na tomundo Amori aijo' da'erah sasu kabete'an Kaunyo nu Yordan tiba Kaunyo nu Arnon toka-toka i Bungkutnyo nu Hermon. (

TO MIA-MIAN KOPIAN 11:18

Lapas aijo' aha po'ule'mo namba notulumo i padang bone' panyo madi' notulu i da'erah Edom tiba Moab, panyo nongalamo jalan anu mompolilit sahingga tinokamo i sasu kabete'an lipu' nu Moab, i santoa nu Kaunyo Arnon. Aha nombaumo kemah ikiijo' mae, panyo madi' notaap i kaunyo aijo' kalana da'erah aijo' ninsoopmo da'erah nu Moab.

1 SAMUEL 13:10

Panyo noko bau na ia aijo' ma'isa pinin tinokamo na i Samuel. I Saul nolabotmo ia kahanda'mo monsalando'ai,