NOMBILANGMO 22:34 - KITAB NU TUMPU ALLA LELE MA'IMAI'

³⁴ Tinaaman i Bileam, “Aku binaladosa'mo. Madi' sinumbu'ku taalu' belento Tuan tinuminjomo itotonga' nu jalan kahanda' mongampang aku. Panyo uuka aiya, de o ala i pikilan nu belento Tuan, madi' ma'ima' de aku molausakon lajangku aiya, aku minsusule'mo.”

NOMBILANGMO 22:34 ပူးပေါင်းရင်းမြစ်များ

2 SAMUEL 12:13

Lantas notataemo na i Daud hi Natan, “Aku binaladosa'mo hi Tumpu.” Tinaaman i Natan, “Tumpu mongampunimo belento Tomundo'; jadi belento Tomundo' madi'ahi' silaka.

1 TAWARIKH 21:7

Tumpu Allah madi' sanang na mombilang aijo' sahingga Ia nohukumo aha mian nu Israel.

MAZMUR 78:34

De Tumpu nompateimo pa' aha sangkuka na aha, sangga'at mompele-pele'mo ka' po'ule'mo balatobat hi Ia.

NOSABATMO 9:27

Lantas i tomundo nolagamo i Musa ka' i Harun ka' notatae, “Aku binaladosa'mo. Tumpumo na anu totu'u, aku ka' layatku nombaumo sale'.

AMSAL 24:18

Kalana, Tumpu montoa mae kolalajang nu beleyum aijo, ka' Nu toa ma'idek, lantas madi' daagi' mohukum sampo bali' nu beleyum aijo'.

NOMBILANGMO 11:1

Daagi' kino sansinaan aha bansa Israel nontampu'unimo nososon hi Tumpu kalana nongoa'imo sagala kasusa'an nu aha. Nohongo aha nososonmo aijo' Tumpu pinusamo ka' nompotokamo mae apu hi aha. Apu nolelemo hi aha ka' nompapuimo sambagian na kemah nu aha.

NOMBILANGMO 14:40

Dodododopnyo subu-subu hondo mogogau'mo na aha kahanda'mo mindako i bungkutnyo. Aha notataemo, “Memang kami binaladosa'mo. Panyo uuka aiya kami mogogau'mo da mambamo i tampat anu pinotiju'mo nu Tumpu.”

NOMBILANGMO 22:12

Tumpu Allah notataemo hi Bileam, “Boli mamba tiba mian haha aijo' ka' boli mongkutuki bansa aijo', kalana aha binalakatan-Kumo.”

NOMBILANGMO 22:33

Salatan keledai nu beleyum nontoamo Aku, ia namba i sohipi' nu jalan pinintolun. De madi', tantu beleyum pinateankumo, panyo keledai aijo' Ku potumuu'.”

1 SAMUEL 15:24

Nohongo anu sumo aijo' i Saul nangakumohi Samuel, ia notatae, “Memang aku binaladosa'mo. Aku madi'mo nontuluti anu pinalentahkonmo nu Tumpu, ka' madi'mo nontuluti anu pinoto'imo nu belento Tuumangku, lantas ingii'kumo na poitaon nu aha.

1 SAMUEL 15:30

Tinaaman i Saul, “Binaladosa'mo na aku. Panyo tulungi mae kita Tuumangku, imbo' minsusule'mo hingga-hinggat tiba aku da aku monsombahmo Tumpu Allah nu belento Tuumangku. Tiba jalan anu sumo aijo' belento Tuumangku mongadatimo aku i ahop nu to pola-polaya' nu bansangku tiba mule' i ahop nu aha iwi-iwi' na mian nu Israel.”

1 SAMUEL 24:17

Noko taloakon na i Daud potataenyo aijo', notataemo na i Saul, “Tebeleyumo atina' na i Daud anakku?” Lantas i humangmo na ia.

1 SAMUEL 26:21

Tinaaman i Saul, “Aku nombaumo kasala'an pinsusule'mo Daud, Anaku! Aku madi'mo daagi mombau anu ma'idek hi beleyum kalana beleyum nohalala'akonmo aku sinampahu na utu. Kalakuanku memang pinonga'mo. Aku totu-totu'u sinala'mo!”