NOMBILANGMO 22:28 - KITAB NU TUMPU ALLA LELE MA'IMAI'

²⁸ Lantas kinuasanmo nu Tumpu na keledai aijo sahingga noko alamo notatae. Koonyo nu binatang aijo' hi Bileam, “Apaa na anu binaungkumo hi belento Tuan, sahingga belento Tuan nondokemo aku pinintolun?”

NOMBILANGMO 22:28 ပူးပေါင်းရင်းမြစ်များ

NOSABATMO 4:11

Tumpu notataemo hi ia, “Ihe na nombee'i nganga' hi manusia? Ihe na nompotimbali ia momo' kabai mabongon? Ihe na nompotimbali ia moko ala montoa kabai mapisok? Te misa' Aku, Tumpu?

NOMBILANGMO 22:29

Tinaaman i Bileam, “Oko mombia-biangakonmo aku! De aku ko bajak, memang oko ku pateimo!”

LUKAS 1:37

Kalana hi Tumpu madi' ko sa'angu' na madi' tontimbali.”

ROMA 8:22

Osumbu'to sampe toka tempo' uuka aiya songko-songko na dunia notusa'mo kalana nongoa'imo sansala, sumo samian na totina mongoa'i sansala de mompohampemo anak.

1 KORINTUS 1:19

Kalana i uno nu Kitab nu Tumpu, Tumpu notataemo, “Kapandean nu mian pande Ku potambuntala'mo ka' anu nusumbu' nu to mia-mian anu ko ilimu' Ku ideimo.”

2 PETRUS 2:16

Panyo ia nohumpakmo pokinde' anu mapohos hondo mongkona palabuatannyo anu ma'idek aijo', salatan keledainyo aijo' notataemo susumo potatae nu mian. Sahingga nabi aijo' pinakisamo da bolimo mombau palabuatan anu ulawon aijo'.