NOMBILANGMO 21:25 - KITAB NU TUMPU ALLA LELE MA'IMAI'

²⁵ Kalana aijo' mian nu Israel nongkuasaimo iwi-iwi' na kota nu mian Amori, tibamo Hesybon ka' iwi-iwi' na kota toto ise-ise' sangga'atannyo, lantas jinojoongmo na aha ikiijo'.

NOMBILANGMO 21:25 ပူးပေါင်းရင်းမြစ်များ

NYANYIAN ANU TALASANGGO 7:4

Gogohong nu beleyum sumomo manara gading, mata nu beleyum mimbalu-balu' kolam anu kiijo' i Hesybon, koko sabatan daka' Batrabim. Sung nu beleyum sumomo menara anu kiijo' i Bungkutnyo nu Libanon, anu mongahopi kota' Damsyik.

YESAYA 15:4

Aha mian nu Hesybon tiba Eleale sola'mo molokuk sahingga kahongoanmo toka-toka i Yahas. Ka' mule' to sulu-suludadu ilakatnyomo; kalana aha madi'mo binaani.

YEREMIA 48:2

Moab madi'mo tinalasanggo. Sampobali' nompatundu'mo Hesybon ka' ikiijo' mae aha binala tanga'mo da ohopu'imo ingko-ingkot na bansa Moab. Ingko-ingkot na potatae ikota' Madmen otewa'mo, kalana kota' aijo' nu tumbuhimo nu suludadu.

YEREMIA 48:34

Mian anu kiijo' i Hesybon tiba anu i Eleale ihumangmo ka' haangnyo kinahongoanmo toka-toka i Yahas ka' kinahongoanmo suele hi aha mian nu Zoar toka-toka i Horonaim tiba Eglat-Selisia. Aha ihumangmo kalana uee i panga' nu Kaunyo Nimrim suele ahi' noti'imo.

YEREMIA 48:45

Aha mian anu nalaimo madi'mo noko ala nombau apa-apaa aha nambamo nolio paninsulukan kiijo' mae i Hesybon, panyo kota' aijo' suele ahi' pinapumo ka' laigan i Tomundo' Sihon kinaanmo nu apu. Apu nontanggotimo daerah potempasan tiba bungkutnyo nu Moab, lipu' nu to mia-mian anu mongka'ima'i mahampate.

YEHEZKIEL 16:46

Utus tu'a nu beleyum atina'mo Samaria isasu utara tibamo kampungnyo anu toto ise-ise'. Ka' utus ise nu beleyum atina'mo Sodom isasu salatan tibamo kampungnyo anu toto ise-ise'.

YEHEZKIEL 16:49

Sodom tibamo kampungnyo anu toto ise-ise' buulon kalana palasadia'an anu okaan nanjoo'mo ka' mule' sinanangmo na kantumuu'an nu aha. Panyo aha madi' mongkalinga mian anu tumuu' kasiasi tiba mian anu susa'.

YEHEZKIEL 16:53

Tumpu notataemo hi Yerusalem, “Sodom tiba Samaria ka' mule' kampung nu aha anu toto ise-ise' po ule'mo Ku pojadi sanang na kantumuu'an nu aha. Lapas aijo' atina'je ka' beleyum suele Ku pojadi sanang na kantumuu'an.

AMOS 2:10

Belemiu binoang-Kumo mae nosabat lengkat mae i Mesir ka' i laya'-Ku mae nontulu padang bone' anu ewa patompulu' na taun na Kinopinnyo. Tano' nu mian Amori binee'-Kumo hi belemiu da baumo lipu' nu belemiu.

NOMBILANGMO 21:26

Hesybon puso nu kota i Tomundo Sihon. Ia toho'mo nahampate nongewa i Tomundo nu aha Moab ka' nompalentah da'erahnyo kojo'onnyo tinoka-toka i Kaunyo nu Arnon.

NOMBILANGMO 21:31

Salatan sumo aijo' bansa Israel jinojoongmo i da'erah Amori.

NOMBILANGMO 32:3

“Tano' nu kota-kota Atarot, Dibon, Yaezer, Nimra, Hesybon, Eleale, Sebam, Nebo ka' Beon anu kinuasaanmo nu Israel, kalana tinulunganmo nu Tumpu, ma'ima' hondo na pompotuu'an binatang. Jadi kalana potuu'on mami manjoo' hondo,

PO'ULE' INGULIT 2:12

Naipuan mae mian nu aha Hori jojoong i Edom, panyo i laa'mo ka' pinateanmo nu lee' i Esau, anu lapas aijo' nonjojoongi tano' nu aha; sumo aitumo suele na bansa Israel i mihinyo mae nolaa'mo sampobali'nyo i tano' anu binee'mo nu Tumpu hi aha.)

YOSUA 24:8

Lantas binoang-Kumo na belemiu i lipu' nu aha mian Amori anu jojoong i sasu kabete'an Kaunyo nu Yordan. Aha nompahampateakonmo belemiu panyo pino'untung-Kumo na belemiu nahampate nongewa aha. Belemiu nompatundu'mo lipu' nu aha, ka' i hopu'an-Kumo na aha.

TO MIA-MIAN KOPIAN 11:26

Tinolu'atu na taun na kinopinnyo na Israel nompalentah Hesybon tiba Aroer ka' mule' kampu-kampung sangga'atnyo ka' iwi-iwi' na kota-kota i sonibi nu Kaunyo Arnon. Ka' kadaka' tempo'nyo aijo' belemiu madi' po'ule nongala?