NOMBILANGMO 21:14 - KITAB NU TUMPU ALLA LELE MA'IMAI'

¹⁴ Aijo' na sababnyo i Kitab anu nonsisikakon Pahampatean nu Tumpu tinulis: “… Kampung Waheb, i da'erah Sufa ka' i bangka'nyo haha aijo'; Kaunyo nu Arnon,

NOMBILANGMO 21:14 ပူးပေါင်းရင်းမြစ်များ

2 SAMUEL 1:18

ka' pinalentahkonnyomo da nyanyian aiya opotinganakon hi aha tulunan nu bansa Yehuda (Nyanyian aiya tinulis i Kitab Yasar).

YESAYA 16:2

Aha to mia-mian nu Moab nontanda'imo isonibi nu Kaunyo Arnon ka' lewa'mo nahalajangan kalana biningongmo sumomo tomonsi' anu sinieanmo aijo' i petaanyo.

NOMBILANGMO 21:13

Lengkat ikiijo' aha nompo'ule'mo namba ka' nombaumo kemah i santoa nu Kaunyo nu Arnon, i padang bola sasu mokiijo' i da'erah nu mian Amori. Kaunyo nu Arnon aijo' salakumo bau potempasan da'erah nu mian Moab tiba da'erah nu mian Amori.

NOMBILANGMO 21:15

ka' ampinyo, nu bangka'nyo haha aijo' anu sasu nokiijo' toka-toka i kampung Ar ka' mompatui potempasan nu aha da'erah mian nu Moab.”

LUKAS 24:27

Lapas aijo' i Yesus nontutuhakonmo hi aha apaa na anu tinulis i uno nu ingko-ingkot Kitab nu Tumpu mongkona butong-Nyo, lengkat pe'e i Kitab-kitab i Musa ka' kitab nu to nabi-nabi.

PO'ULE' INGULIT 2:24

“Salatan kita noliu-liumo da'erah nu aha Moab, Tumpu notataemo hi kita, ‘Lako'mo uuka aiya potaapmo i Kaunyo nu Arnon. Ku bee'mo hi belemiu na i Sihon, tomundo nu Amori anu mompalentah kiijo' i Hesybon, hingga-hinggat tiba lipu'nyo. Tumbuhimo na ia lantas jojoongimo na tano'nyo.

YOSUA 10:13

Sahingga batu nu sinaa madi'mo nodensu' ka' bitu'on madi'mo nolalin sampe aha mian nu Israel lapasmo na nompatundu' sampobali'nyo iwi-iwi'. Anu jinadimo aiya tinulis i Kitab Yasir. Sinansinaa hondo-hondo na batu nu sinaa madi' nodensu' itotonga' nu Langit ka' pinin hondo nakakinsapje.

1 SAMUEL 18:17

I Saul binatanga'mo da nu pateimo nu aha mian Filistin na i Daud i uno nu pahampatean da boli ia na mosi patei. Jadi daagi kino sansinaan pinoto'imo i Saul hi Daud, “I Merab anaku lalangkoyang anu tumpenyo ku po osoakonmo tiba beleyum, panyo ku poita da beleyum tionyo ahi' mompotoa kabaanian na mahampate salaku bau pompopo daka' sanggo nu Tumpu.”