NOMBILANGMO 20:20 - KITAB NU TUMPU ALLA LELE MA'IMAI'

²⁰ Aha mian nu Edom po'ule' mule' notatae, “Madi' timbali!” Lantas aha nambamo nontumbuhi bansa Israel nu suludadu nu aha anu sukup hondo na kabaaniannyo.

NOMBILANGMO 20:20 ပူးပေါင်းရင်းမြစ်များ

KAJADIAN 27:41

Sahingga i Esau nongka'idekimo i Yakub, kalana Tuumanyo nombee'mo balakat hi utusnyo ise' aijo'. Ia binapikin, “Madi'mo daagi' pin tuumanyo silakamo, ka' lapas na kami moliwangi, i Yakub ku pateimo!”

KAJADIAN 32:6

Salatan to posa-posaihon ninsusule'mo mae hi Yakub pinoto'imo nu aha, “Kami nambamo hi Esau, utus tu'a nu belento Tuan ka' uuka aiya ia uutumo mae laja-lajang mamba mae singkabot hi belento Tuan. Ia toka mae tiba aha pato atu' na mian.”

MAZMUR 120:7

De aku mombisalakon dame aha mongka'ima'i da mahampate.

AMOS 1:11

Tumpu notatae, “Mian anu jojoong i Edom saja'mo nombau dosa' pa' pimpianmo, kalana aijo', Aku tionyo mohukumo aha. Madi'mo ko liibosnyo na aha nahampatemo tiba mian nu Israel, to utu-utus nu aha. Aha me saja' motambuha', ka' tataap mongka'ideki.

NOMBILANGMO 20:18

Panyo aha mian nu Edom nontaami, “Belemiu madi' opobee' mami na motulu i da'erah mami. De belemiu mompagala mae motulu, otumbuhimo mami na belemiu!”

NOMBILANGMO 20:21

Sahingga aha mian nu Israel ninsusule'mo ka' noliomo jalan sangga'at kalana madi' pinobee' nu aha mian nu Edom motulu i da'erah nu aha.

TO MIA-MIAN KOPIAN 11:17

Lapas aijo' aha nonsaimo mian namba hi tomundo Edom da momoita de timbali opobee' na motulu i lipu' nu aha. Panyo ia madi' nompobee' aha. Lapas aijo' nompoitamo mule' na aha susumo aijo' hi tomundo nu Moab, panyo ia suele madi' nompobee' aha motulu i da'erahnyo. Kalana aijo' mian nu Israel jinojoongmo i Kades.

TO MIA-MIAN KOPIAN 11:20

Panyo i Sihon madi' nompobee' aha kalana ia madi' palesaya na aha aijo' ola kahanda' motulu, Ia ola ahi' nompalentahmo iwi-iwi' na suludadunyo lantas nonjagamo kiijo' i Yahas, lapas aijo' nontumbuhimo Israel.