NOMBILANGMO 18:5 - KITAB NU TUMPU ALLA LELE MA'IMAI'

⁵ Ola beleyum, i Harun, tiba to ana-anak nu beleyum na tionyo ahi' mombau pakalaja'an i Salipi' anu Susi' ka' i mezbah, da madi' Ku tambuha'i na bansa Israel.

NOMBILANGMO 18:5 ပူးပေါင်းရင်းမြစ်များ

1 TAWARIKH 23:24

Aijo'mo na sanggo nu lee' mae iwi-iwi' i Lewi anu tinulismo, ingala i sanggo nu kapala nu aha mae sa'anakan ka' auwan nu aha toto samian. Umun nu aha uampulu'mo na taun mokiita' ka' binee'anmo kalaja i Laigan nu Tumpu.

1 TAWARIKH 23:32

Aha mule' binee'anmo kalaja saja' montoa ka' mompokopiani Kemah nu Tumpu ka' laigan nu Tumpu ka' montulungi to utu-utus nu aha aijo'mo to ima-imam lee' mae i Harun, de mongantanmo anu monsombah Tumpu i tampat aijo'.

1 TAWARIKH 24:5

Kalana maumo lee' mae i Eleazar kabai lee' mae i Itamar daagi' ko anu ko pangkatnyo mokalaja i Laigan nu Tumpu ka' to pola-polaya' nu agama sahingga nombagi apaa na anu okalaja binuangakon onde.

1 TAWARIKH 9:19

Anu binee'an kalaja monjagai sabatan pinsoopan mokiijo' i Kemah nu Tumpu aijo'mo i Salum tiba to mia-mian anu sa'anakan tiba ia, aijo'mo sa'anakan i Korah. (I Salum anak i Kore makumpu i Ebyasaf). Naipuan mae mompolee' nu aha suele nokalaja susumo aijo' tempo'nyo aha nokalaja i Kemah nu Tumpu.

1 TAWARIKH 9:23

Salatanmo pe'e aitu aha tiba lee' nu aha sabole-bolemo tinimbali penjaga sabatan daka' Laigan nu Tumpu.

1 TAWARIKH 9:33

Sambagian na mian nu aha Lewi sangga'at mongala bahagian manyanyi i Laigan nu Tumpu. To tu'a-tu'anyo nu auwan nuaha jojoong i Laigan daka' anu pa' sangkuka na konjoo'nyo kiijo' i Laigan nu Tumpu. Aha madi'mo binee'an kalaja sangga'at, kalana aha binee'anmo kalaja sinaa ka' malom.

NOSABATMO 27:21

I Harun ka' to ana-anaknyo na tionyo saja' mompokopiani sulu' haha aijo' salatan mamalomo toka-toka daagi' subu i tampat kajojoongan-Ku, i sambiha'nyo nu hude anu pinokalayo' sasu ahopnyo nu Peti' Palajanjian. Palentah aijo' tionyo ahi' obau sampetoka sidu-sidutu' nu aha mian Israel ka' iwi-iwi' lee'nyo nu aha.”

YEREMIA 23:15

Tumpu Anu Mahakuasa notatae, “Saidi' mae Ku bee'mo hi to nabi-nabi anu jojoong i Yerusalem aijo' sosu'anon anu mapakat da okaan tiba lasung anu o inum kalana aha nonsaduakonmo to mia-mian isongko-songko na lipu' madi'mo noholomati mae Aku.”

YEHEZKIEL 44:15

Tumpu Anu Matangkas na Kuasanyo notatae, “Tempo'nyo bansang Israel nohikumo mae Aku, aha to ima-imam Lewi anu lee' mae i Zadok na tinataap ahi' nontuluti apaa na anu pinalentahkon-Ku okalaja i Laigan-Ku. Kalana aijo' aha ahi' na tionyo mombau anu Ku palentahkon ka' toka mae i ahop-Ku monsombahkon lompo'nyo tiba baso' nu sinin na koloban.

YEHEZKIEL 44:16

Ola aha na timbali minsoop i uno nu Laigan-Ku mombau anu Ku palentahkon okalaja kiijo' i mezbah-Ku ka' mompimpin anu monsombah mae i Laigan-Ku.

IMAMAT 10:6

Lantas i Musa notataemo hi Harun ka' hi to ana-anaknyo sangga'at, aijo'mo i Eleazar ka' i Itamar, “Boli opojohok na ubak nu belemiu tapuhakak ka' boli obeak na baju' nu belemiu salaku tanda taalu' belemiu sinusa'mo ka' nohangimo. De belemiu mombau sumo aijo' belemiu silakamo, ka' iwi-iwi' na aha mian Israel nutambuha'imo nu Tumpu. Panyo iwi-iwi' na aha mian Israel sangga'at timbali mohangi ua-ua'aha aijo' anu pinateanmo nu apu lengkat mae hi Tumpu.

IMAMAT 24:3

I Harun tionyo ahi' mongkalesang lampu haha aijo' lengkat pe'e mamalom sangkutnyo toka subu i tampat katokaan nu Tumpu i sambiha' nu lalanse' anu mongkukubi Peti' Palajanjian i Salipi' anu Susi' hondo. Palentah aijo' tionyo ahi' obau sampe toka sidu-sidutu'.

ZAKHARIA 10:3

Tumpu notatae, “Aku pinusamo hondo hi mian anu balakuasa tiba hi aha anu mompalentah mian anu palesayamo hi beleng-Ku ka' aha Ku hukumo. Panyo mian anu jojoong i Yehuda Aku na tumpunyo ka' Akumo na Tumpu Anu Daka' na Kuasanyo na mompotuu'mo aha. Aha Ku pojadimo ajahan-Ku anu baani hondo na bau pahampate.

NOMBILANGMO 1:50

Pokau na aha mongkalesang Kemah-Ku, tiba posadiaonnyo iwi-iwi'. Kalaja nu aha aijo'mo molemban Kemah-Ku tiba posadiaonnyo ka' mongkalesang. Aha tionyo ahi' mompotinjo kemah kajojoongan nu aha montikubi Kemah-Ku.

NOMBILANGMO 1:53

Panyo to mia-mian nu Lewi tionyo ahi' mombau kemah kajojoongan nu aha montikubi Kemah-Ku. Aha tionyo ahi' monjagai da boli ko mian anu mongohani, sahingga monsaduakonmo Aku pusa ka' mohukumo aha mian Israel.”

NOMBILANGMO 16:46

lantas i Musa notataemo hi Harun, “Ala na tampat nu apu nu beleyum ka' isimo nu oba nu apu anu o ala aijo' i mezbah ka' opo'una'i kamangian. Boa lia-lia' aijo' hi aha mian ka' baumo na atulannyo da bau pongampuni dosa' nu aha. Lia-lia'! Tumpu talalomo hondo pinusa, ka' panyakit anu molele nontampu'unimo.”

NOMBILANGMO 18:4

Aha tionyo ahi' mokalaja hingga-hinggat tiba belemiu ka' mombau pakalaja'an anu ko tuusanannyo tiba iwi-iwi' na pakalaja'an i Kemah-Ku, panyo anu madi' opalentahkon na okalaja, aijo' o tewa' na mokalaja hingga-hinggat tiba belemiu.

NOMBILANGMO 8:19

ka' mian nu Lewi haha aijo' Ku bee'mo hi Harun ka' hi to ana-anaknyo da timbali mokalaja hi aha mian nu Israel i Kemah-Ku. Ka' suele da aha momoita da Ku ampuni na bansa Israel da bansa aijo' madi' nukona nu balaa' de aha toka mae talalo ohani i tampat anu susi' aijo'.”

NOMBILANGMO 8:2

“Poto'i hi Harun de ia montutungimo popitu' na sulu' i tengkenyo nu sulu' aijo', ia tionyo ahi' montutungi ma'i-ma'ima' sahingga timbali monjingkai sasu ahop nu tengkenyo aijo'.”

1 TIMOTIUS 1:18

Timotius, anakku! Kalaja aiya kupalesayakonmo hi beleyum, monginau' daagi' ko potuunon nu Tumpu anu pinotokakonmo nu to nabi-nabi i uno nu jama'at mongkona butong nu beleyum. Tionyo ahi' potuunon aijo' timbali bau mantu nu beleyum i uno nu usaha anu ma'ima'.

1 TIMOTIUS 3:15

da de aku ma'isa malia' toka nusumbu'mo nu beleyum mosia na kita tionyo ahi' tumuu' salaku sampoto utusan nu Tumpu, aijo'mo jama'at nu Tumpu anu tumuu'. Aiyamo na jama'at anu sumo salaku ahi' montinjohakon ka' ponsoko pangajalan anu totu'u lengkat mae hi Tumpu.

1 TIMOTIUS 5:21

I ahop nu Tumpu, Kristus Yesus ka' to mala-malaikat anu pinile'anmo kupoita sabole-bole beleyum mombatuki pokinde' haha aiya madi' pilenje mompisala'i maumo pa' ihe ka' boli mosi tinjo-tinjo, paimpisa-pisala'ian.

1 TIMOTIUS 6:20

Apaa na anu pinalesayakonmo hi beleyum, ojagai na aijo' ma'i-ma'ima', Timotius! Opatikojo'oni na to sisi-sisik anu madi' mingkaliangan ka' painggagan mongkona hahan anu madi' totu'u, osanggohimo “Sa'angu' na Ilimu'.”