NOMBILANGMO 18:4 - KITAB NU TUMPU ALLA LELE MA'IMAI'

⁴ Aha tionyo ahi' mokalaja hingga-hinggat tiba belemiu ka' mombau pakalaja'an anu ko tuusanannyo tiba iwi-iwi' na pakalaja'an i Kemah-Ku, panyo anu madi' opalentahkon na okalaja, aijo' o tewa' na mokalaja hingga-hinggat tiba belemiu.

NOMBILANGMO 18:4 ပူးပေါင်းရင်းမြစ်များ

YEHEZKIEL 44:14

Uuka aiya aha Ku bee'imo pakalaja'an da mombau pakalaja'an anu maboat anu palalu ahi' obau i Laigan-Ku.”

NOMBILANGMO 1:51

De belemiu molalinmo, mian nu Lewi haha aijo' na tionyo ahi' montataki Kemah-Ku lantas po'ule' mule' mompotinjo i tampat sangga'at anu pombauan mule' kemah kajojoongan nu belemiu. Ola aha Lewi na mongohani Kemah-Ku aijo' lantas ihe na mongohani Kemah-Ku aijo' o hukum mate.

NOMBILANGMO 1:53

Panyo to mia-mian nu Lewi tionyo ahi' mombau kemah kajojoongan nu aha montikubi Kemah-Ku. Aha tionyo ahi' monjagai da boli ko mian anu mongohani, sahingga monsaduakonmo Aku pusa ka' mohukumo aha mian Israel.”

NOMBILANGMO 18:3

Tulunan nu bansa Lewi tionyo ahi' mombau pakalaja'an nu aha apaa na anu opalentahkon nu belemiu ka' mombau pakalaja'an nu aha i Kemah-Ku, panyo aha madi' timbali mongohani mezbah kabai monsala' kanyang balang haha aijo' anu susi' i Salipi' anu Susi'. De aha molanggai atulan aijo', maumo aha kabai belemiu tionyo ahi' mate.

NOMBILANGMO 18:5

Ola beleyum, i Harun, tiba to ana-anak nu beleyum na tionyo ahi' mombau pakalaja'an i Salipi' anu Susi' ka' i mezbah, da madi' Ku tambuha'i na bansa Israel.

NOMBILANGMO 3:10

Panyo i Harun ka' to ana-anaknyo tionyo ahi' nu hangkat da mokalaja salaku imam; de misa' aha, maumo pa' ihe na anu monsoba mokalaja aijo' tionyo ahi' o hukumo mate.”

NOMBILANGMO 31:30

Aijo' bagian anu binee'mo hi aha mian Israel, tionyo ahi' nu ala de limampulu' sambagian na o ala, maumo to mia-mian anu i hakop ka' binoamo mae, mau mule' sapi', keledai, domba ka' mee'. Bee'mo na aijo' iwi-iwi' hi aha mian nu Lewi anu mongkalesang Kemah-Ku.”

NOMBILANGMO 8:26

Lapas aijo' ia daagi' timbali montulungi aha mian nu Lewi sangga'at anu daagi' ko pakalaja'an i Kemah-Ku, panyo ia madi'mo daagi' obee'i pakalaja'an anu tataap. Sumo aijo' na jalannyo mongatun pakalaja'an hi aha mian nu Lewi.”

1 SAMUEL 6:19

Panyo kalana aha mian nu Bet-Semes haha aijo' nontoamo apaa na anu i unonu Peti' Palajanjian nu Tumpu, aha pitumpulu' na mian pinateanmo nu Tumpu. Sahingga mian da'isan nohangimo ka' sinusa'mo kalana Tumpu nompotokamo hi aha balaa' anu daka' hondo aijo'.