NOMBILANGMO 18:32 - KITAB NU TUMPU ALLA LELE MA'IMAI'

³² Belemiu madi' mohumpak kasala'an de mongkaan, asan bahagiannyo anu ma'ima' hondo sinombahkonmo nu belemiu hi Tumpu. Boli mohumimi'i palasombahan anu susi' nu aha mian Israel kalana nusaduakon nu mongkaanmo palasombahan aijo' padahan ma'isa mombee' palasombahan anu ma'ima' hondo anu samata-mata obee' hi Tumpu. De olanggaimo nu belemiu na palentah aijo', belemiu matemo.

NOMBILANGMO 18:32 ပူးပေါင်းရင်းမြစ်များ

NOSABATMO 28:43

Saluan aijo' tionyo ahi' saja' opusok nu aha de aha minsoopmo i Kemah-Ku kabai mongohanimo mezbah monsombahmo mae salaku imam i Salipi' Susi', da aha madi' silaka kalana kantoanmo na butong nu aha anu madi' pantas otoa. Atulan aijo' saja' nupake i Harun ka' hi to lelee'nyo.”

IMAMAT 19:8

De ihe na mongkaan antoknyo aijo' mohumpak kasala'an kalana madi' mongadati anu samata-mata binee'mo mae hi belengku. Mian aijo' madi'mo Ku posoop mian anu pinalesayamo hi beleng-Ku.

IMAMAT 22:2

da mompotokakon palentah aiya hi Harun ka' hi to ana-anaknyo, “Obau ahi' susumo anu sapantasnyo apaa na anu nu sombahkon nu aha bansa Israel anu obee' samata-mata hi beleng-Ku, da boli mombusiki sanggong-Ku anu susi'. Akumo na Tumpu.

MALEAKHI 1:7

Tiba jalan nongkolobanakonmo anu okaan anu madi' pantas okolobanakon i mezbah-Ku. Lantas pinokilawamo nu belemiu, ‘Tiba jalan mosia na kami madi'mo nompajuli Belento?’ Tiba jalan nohenyuimo mezbah-Ku.

NOMBILANGMO 18:22

Aha mian nu Israel sangga'at madi'mo daagi' timbali mongohani Kemah-Ku aijo' da aha boli baladosa' ka' mohumpak hukuman opatei na butong nu aha.

NOMBILANGMO 18:31

Labinyo aijo' timbalimo okaan nu belemiu iyaya mae hingga-hinggat tiba belemiu sa'anakan, salaku tambonyo belemiu mokalaja i Kemah nu Tumpu.

NOMBILANGMO 19:1

Tumpu nompalentahmo i Musa ka' i Harun

1 KORINTUS 11:27

Mokonyo aitu, mian anu mongkaan roti nu Tumpu kabai monginum anggur nu Tumpu tiba jalan anu madi' patut, mian aijo' baladosa' hi Tumpu anu nongkolobanakonmo butong-Nyo tiba baso'-Nyo.

1 KORINTUS 11:29

Kalana de mian mongkaan roti ka' monginum anggur, panyo madi' mongangga'i palajamuan aijo' mongkona butong nu Tumpu, mian aijo' mongkaan ka' monginum da mohumpak hukuman nu Tumpu i posi butongnyo.