NOMBILANGMO 18:24 - KITAB NU TUMPU ALLA LELE MA'IMAI'

²⁴ kalana pombagian nu aha binee'-Kumo iwi-iwi' na palasombahan, anu o ala sambahagian i sampulu' na bahagian anu sinombahkonmo samata-mata nu aha mian Israel hi beleng-Ku salaku anu binee'mo mae nu aha. Mokonyo aijo' mongkona aha mian nu Lewi, Aku notataemo tukoong-Ku aha madi'mo mohumpak bagi kiijo' i Israel.”

NOMBILANGMO 18:24 ပူးပေါင်းရင်းမြစ်များ

NEHEMIA 10:38

Panyo samian na imam lee' mae i Harun tionyo ahi' monsangalui mian nu Lewi haha aijo' de aha molimu'mo palasombahan haha aijo'. Ka' mule' iwi-iwi' na palasombahan haha aijo' obagi sampulu' na bagian lantas sambagian oboamo ka' oposopmo nu aha mian nu Lewi haha aijo' i salipi' anu lewa' pompo'una'an mantu posadiaon kiijo' i Laigan nu Tumpu.

NEHEMIA 13:12

Lapas aijo' songko-songko na mian da'isan nu aha Israel nompo'ule' mule' nombee' anu oba-obagi sampulu' na bahagian ka' sambagian na obee' aijo'mo gandum, anggur ka' lanya' nu zaitun lantas oboamo i salipi' lewa' pompo'una'an mantu posadiaon.

IMAMAT 27:30

Sampulu' na bagian na hasinnyo nu ale', sambagian na o ala pa' aijo' gandum kabai to bua-bua' nu kau', aijo' na obee' hi Tumpu.

NOMBILANGMO 18:25

Tumpu nonsaimo i Musa

NOMBILANGMO 18:26

da mompotokakon palentah aiya hi aha mian nu Lewi: De belemiu mongala hi mian nu Israel palasombahan sambagian anu o ala i sampulu' na bagian anu binee'mo nu Tumpu bau bagi nu belemiu, belemiu tionyo ahi' mombee' sambagian anu o ala i sampulu' na bagian aijo' ka' osombahkon nu belemiu samata-mata hi Tumpu.

NOMBILANGMO 26:62

To momo'ane anu aha sa'anakan mae i Lewi anu umunnyo molabimo sambitu'on mokiita' konjoo'nyo 23.000 na mian. Aha dinaputanakon madi' pinogalum hi aha to mia-mian anu bubu' bansanyo, kalana aha madi' nohumpak tano' pusaka' i Israel.

PO'ULE' INGULIT 10:9

Kalana aijo' tulunan nu bansa Lewi madi'mo mohumpak tano' da bau pusaka' nu aha, susumo anu pinoto'imo nu Tumpu Allah nu belemiu hi aha.)

PO'ULE' INGULIT 26:12

De tokamo na taun kototolu'nyo, belemiu tionyo ahi' mombee'mo palasombahan, aijo'mo sambagian anu o ala i sampulu' na bagian na isi nu ale' nu belemiu ka' obee' hi mian nu Lewi, mian anu lengkat mae i salipu'an, to ana-anak anu madi'mo ko tuuma ka' tinanyo tiba anu balu, sahingga i kota-kota nu belemiu mohumpak kaanon anu nupalalui nu aha. De lapasmo,

YOSUA 13:14

Tulunan nu bansa Lewi madi' nohumpak tano' anu binagi i Musa, kalana pinoto'imo nu Tumpu hi Musa tukoo-Nyo bagi nu aha tulunan i Lewi aijo'mo iwi-iwi' na koloban anu opotunu i Mezbah anu salaku bau ponsombah Tumpu Allah nu aha Israel.