NOMBILANGMO 18:23 - KITAB NU TUMPU ALLA LELE MA'IMAI'

²³ Otampu'uni uuka aiya ola aha mian nu Lewi na timbali mongkalesang Kemah-Ku ka' anu montanggungi hondo pakalaja'an aijo'. Atulan aijo' opake suele hi lee' nu belemiu sampe toka sidu-sidutu'. Aha mian nu Lewi madi' ko pombagian apa-apaa i Israel,

NOMBILANGMO 18:23 ပူးပေါင်းရင်းမြစ်များ

NOSABATMO 27:21

I Harun ka' to ana-anaknyo na tionyo saja' mompokopiani sulu' haha aijo' salatan mamalomo toka-toka daagi' subu i tampat kajojoongan-Ku, i sambiha'nyo nu hude anu pinokalayo' sasu ahopnyo nu Peti' Palajanjian. Palentah aijo' tionyo ahi' obau sampetoka sidu-sidutu' nu aha mian Israel ka' iwi-iwi' lee'nyo nu aha.”

YEHEZKIEL 44:10

Tumpu notataemo mae hi belengku, “Ku hukumo na aha mian nu Lewi anu nosangaja'mo aha mian nu Israel sangga'at, aha nohikumo Aku ka' nonsombahmo pilogot.

NOMBILANGMO 18:1

Tumpu notataemo hi Harun, “Beleyum, to ana-anak nu beleyum tiba aha mian nu Lewi tionyo ahi montanggungi kasala'an apaa na anu timbali i Kemah-Ku, panyo ola beleyum tiba to ana-anak nu beleyum na tionyo ahi' montanggungi de sala' na pakalaja'an nu to ima-imam.

NOMBILANGMO 18:20

Tumpu po'ule mule notatae hi Harun, “Belemiu madi' mohumpak pombahagian apa-apaa. I lipu' anu jinanji'-Kumo aijo' madi' ko tano' anu timbali bau bagi nu belemiu. Aku, Tumpu, na baumo bagi nu belemiu.”

NOMBILANGMO 19:21

Atulan aijo' opake sampe toka sidu-sidutu'. Mian anu mompipi'akon uee anu opake i atulan aijo' tionyo ahi' mombaso'i baju'nyo, ka' to mia-mian anu nukonamo nu uee aijo' mahumimi'mo suele sangkutnyo sinaa makakinsapmo.

NOMBILANGMO 26:62

To momo'ane anu aha sa'anakan mae i Lewi anu umunnyo molabimo sambitu'on mokiita' konjoo'nyo 23.000 na mian. Aha dinaputanakon madi' pinogalum hi aha to mia-mian anu bubu' bansanyo, kalana aha madi' nohumpak tano' pusaka' i Israel.

NOMBILANGMO 3:7

Aha mokalaja i Kemah-Ku ka' tionyo ahi' mokalaja apaa na anu nu palentahkon nu imam tiba iwi-iwi' na mian mokalaja i Kemah-Ku aijo'.

NOMBILANGMO 35:29

Atulan haha aijo' opojalan kona hi belemiu ka' hi to le-lee' nu belemiu maumo pa' iyaya mae na kajojoongan nu belemiu.

PO'ULE' INGULIT 10:9

Kalana aijo' tulunan nu bansa Lewi madi'mo mohumpak tano' da bau pusaka' nu aha, susumo anu pinoto'imo nu Tumpu Allah nu belemiu hi aha.)

YOSUA 13:14

Tulunan nu bansa Lewi madi' nohumpak tano' anu binagi i Musa, kalana pinoto'imo nu Tumpu hi Musa tukoo-Nyo bagi nu aha tulunan i Lewi aijo'mo iwi-iwi' na koloban anu opotunu i Mezbah anu salaku bau ponsombah Tumpu Allah nu aha Israel.