NOMBILANGMO 18:20 - KITAB NU TUMPU ALLA LELE MA'IMAI'

²⁰ Tumpu po'ule mule notatae hi Harun, “Belemiu madi' mohumpak pombahagian apa-apaa. I lipu' anu jinanji'-Kumo aijo' madi' ko tano' anu timbali bau bagi nu belemiu. Aku, Tumpu, na baumo bagi nu belemiu.”

NOMBILANGMO 18:20 ပူးပေါင်းရင်းမြစ်များ

KAJADIAN 15:1

Lapas aijo', i Abram nontoamo ka' nohongomo Tumpu notatae hi ia, “Boli mabuhuk, Abram, Ku jagai na beleyum da boli ko balaa montokai mae ka' mombee'imo tambo anu daka' hi beleyum.”

MAZMUR 142:5

Salatan aku nosiloi i sohipi'ku, madi' aku nontoa anu montulungi mae aku. Madi' ko anu monjagai mae aku, kabai anu mompalahatikan mae butongku.

MAZMUR 16:5

O Tumpu, olamo Belento na anu daagi' aiya hi belengku; Belento na mombee' mae iwi-iwi' anu ku palalui, kantumuu'anku pa' mosia itina' kongko-kongkom i lima nu Belento.

MAZMUR 73:26

Maumo ahi' santuu'ku ka' butongku madi'mo moko ala mombau apa-apaa, Belento na timbali bau kahosonanku, o, Tumpu; Belento na anu talalo ku taha'imani sampe toka sidu-sidutu' molingkudui iwi-iwi' apaa na anu daagi' hi belengku.

MOHAANGI 3:24

Tumpu aijo'mo na halatangku. Kalana aijo', aku taha iman hondo hi ia.

YEHEZKIEL 44:28

To ima-imam montalima pakalaja'an aijo' salakumo bagian nu aha i uno nu pombagian apaa na anu Ku bee'mo hi aha Israel molundu-lundu na tulunan. Aha madi' timbali mohumpak apa-apaa itano' nu Israel: Akumo na halata' nu aha.

NOMBILANGMO 18:7

Panyo ola beleyum tiba to ana-anak nu beleyum na timbali mombau pakalaja'an salaku imam, i pakalaja'an iwi-iwi' anu ko tuusanannyo tiba mezbah ka' apaa na anu kiijo' i Salipi' anu Susi' hondo. Aijo' na anu tionyo ahi' nu bau, kalana Aku nombee'imo belemiu pangkat salaku imam. Batu-batu mian anu madi' ko hak aijo' o hukum mate de mongohanimo balang haha aijo' anu susi' hondo aijo'.”

NOMBILANGMO 26:62

To momo'ane anu aha sa'anakan mae i Lewi anu umunnyo molabimo sambitu'on mokiita' konjoo'nyo 23.000 na mian. Aha dinaputanakon madi' pinogalum hi aha to mia-mian anu bubu' bansanyo, kalana aha madi' nohumpak tano' pusaka' i Israel.

PO'ULE' INGULIT 10:9

Kalana aijo' tulunan nu bansa Lewi madi'mo mohumpak tano' da bau pusaka' nu aha, susumo anu pinoto'imo nu Tumpu Allah nu belemiu hi aha.)

PO'ULE' INGULIT 12:12

Okalame'i i ahop nu Tumpu Allah nu belemiu, hingga-hinggat tiba to ana-anak nu belemiu, to posa-posaihon nu belemiu ka' to mia-mian nu aha Lewi anu jojoong i iwi-iwi' na kota nu belemiu, kalana mian nu aha Lewi madi' binagian tano' i lipu' nu belemiu.

PO'ULE' INGULIT 14:27

Boli ola opojohok na mian nu aha Lewi anu jojoong i iwi-iwi' na kota; o inau' ahi' na aha aijo' madi' ko posi tano'.

PO'ULE' INGULIT 14:29

Anu okaan aijo' bagi nu aha mian nu Lewi kalana aha madi' ko tano', ka' bagi nu mian anu lengkat mae i salipu'an, anak anu madi' ko tuuma ka' tinanyo ka' to balu-balu anu jojoong i kota-kota nu belemiu. Aha timbali toka mae ka' mongala apa-apaa na anu opalalui nu aha. De belemiu mombaumo sumo aijo' saba' Tumpu Allah nu belemiu mombalakatije iwi-iwi' na anu obau nu belemiu.”

YOSUA 13:14

Tulunan nu bansa Lewi madi' nohumpak tano' anu binagi i Musa, kalana pinoto'imo nu Tumpu hi Musa tukoo-Nyo bagi nu aha tulunan i Lewi aijo'mo iwi-iwi' na koloban anu opotunu i Mezbah anu salaku bau ponsombah Tumpu Allah nu aha Israel.

YOSUA 13:33

Panyo tulunan nu bansa Lewi madi' nohumpak tano' mau ola sangkiding hi Musa. Pinoto'i i Musa hi aha tukoonyo bagi anu obee' hi aha aijo'mo iwi-iwi' na koloban anu osombahkon hi Tumpu Allah nu aha Israel.

YOSUA 14:3

Tano' i sasu kabete'an Kaunyo nu Yordan binee'mo i Musa hi aha ohua' ka' mintonga' na tulunan nu bansa sangga'at. (Palalu osumbu' na aiya saba' lee' i Yusuf binagi ohua' na tulunan nu bansa. Tulunan nu bansa Manasye tiba tulunan nu bansa Efraim.) Mongkona tulunan nu bansa Lewi, madi' ko tano' anu binee' i Musa hi aha. Aha ola binee'an to kota-kota' bau tampat kajojoongan, ka' anu ko padangnyo da nukaan nu sapi anu opotuu' tiba domba nu aha.

YOSUA 18:7

Ola tulunan nu bansa Lewi na madi' mohumpak bahagian tano' susumo belemiu, kalana bahagian nu aha aijo'mo timbali to ima-imam mombau apaa na anu nu palentahkon nu Tumpu. Ka' aha tulunan nu bansa Gad, Ruben ka' sambagian tulunan nu bansa Manasye memang aha nohumpakmo bahagiannyo i sasu kabete'an Kaunyo nu Yordan. I Musa posaihon nu Tumpu nombee'mo tano' aijo' hi aha.”

ANU PINOTO'I HI YOHANES 21:3

Lantas aku nohongomo potatae lengkat mae i kasuhangan aijo' notatae mae daka-daka', “Tempo' uuka tampat kajojoongan nu Tumpu tibamo mian! Ia tumuu'mo tiba aha, ka' aha timbalimo mian anu palesayamo hi Ia. Tumpu jojoongmo tiba aha, ka' timbalimo Tumpu nu aha.