NOMBILANGMO 16:45 - KITAB NU TUMPU ALLA LELE MA'IMAI'

⁴⁵ “Lako' pala'i na mian haha atina'. Ku silakaimo na aha i tampat atina'!” Ua-ua'aha aijo' tinolodadupumo ka' nonsombah

NOMBILANGMO 16:45 ပူးပေါင်းရင်းမြစ်များ

KAJADIAN 19:14

Lantas i Lot nambamo nompahakabot ua'aha na dohoi nu anaknyo, anu ua'aha aijo', ka' nompoto'i, “Sampamo posabatpala'imo na tampat aiya, kalana nuhopu'imo nu Tumpu.” Panyo aha nonsangka i Lot ola basedu'.

1 TAWARIKH 21:16

I Daud nontoa mule malaikat ata i kalangan olot nu langit tiba katano'an totoong na bajak i limanyo nu malaikat mongkahanda'i mohopu'i Yerusalem. Nontoa aitu na i Daud tiba o tana tanasnyo anu lewa mompimpin mian laayat anu temponyo aitu hau-haunyo pake-pake na hude kalung bau tanda nompele pele'o singkap tindolo da dupu no kayong i tano.

NOMBILANGMO 16:24

“Sai na mian haha aijo' da mompala'i kemah i Korah, i Datan, ka' i Abiram.”

NOMBILANGMO 16:26

I Musa notataemo hi aha mian nu Israel, “Pala'i na kemah nu mian anu toto ide-idek haha aiya ka' boli mongkanyang mau mule' pa' apaa na anu nu aha. De belemiu madi' mohongo-hongo, belemiu saidi' mae opatei hingga-hinggat tiba aha kalana dosa-dosa' nu aha.”

NOMBILANGMO 16:44

Lantas notataemo na Tumpu hi Musa,

NOMBILANGMO 20:6

I Musa ka' i Harun nambamo natikojo'on hi mian haha aijo' lantas tinuminjomo koko sabatan nu Kemah nu Tumpu. Aha tinolodadupumo lantas jingka tandanyo Tumpu tinokamo mae ka' nonjingkaimo aha.

MATIUS 26:39

Lapas aitu, i Yesus namba gagana' majo'on, lantas Ia tinolodadupumo i tano' ka' binalado'a. “Kita Tuuma”, Ia notatae, “de timbali pojo'onakon mae hi beleng-Ku na kasansala'an-Ku anu tionyo Ku oa'i aijo'. Panyo boli mombatuki pongka'oho'-Ku, panyo batukimo na pongka'oho' nu Kita Tuuma.”