NOMBILANGMO 16:41 - KITAB NU TUMPU ALLA LELE MA'IMAI'

⁴¹ Dodododopnyo iwi-iwi' na aha mian Israel lewa'mo pinusa hi Musa tiba hi Harun. Aha notatae, “Belemiu nompateimo mian anu pinalesayamo hi Tumpu.”

NOMBILANGMO 16:41 ပူးပေါင်းရင်းမြစ်များ

1 TOMU-TOMUNDO' 18:17

Salatan tinoamo i Ahab na i Elia, i Ahab notataemo daka-daka', “Aiyamo na ia anu saja' monsaduakon da saja' painggaga na mian nu Israel!”

MAZMUR 106:13

Panyo aha sampa hondo mongkolilimi apaa na anu binaumo nu Tumpu ka' nombau apa-apaa madi'mo pilenje momoita pokinde' anu lengkat mae hi Ia.

MAZMUR 106:23

Sahingga Tumpu kinoniatmo da opateimo na mian anu palesayamo hi Ia, panyo tinewa'mo i Musa mian anu pinile'an-Nyomo aijo'. I Musa na nombisalai aha poti-potimbiha', sahingga Tumpu madi'mo pinusa.

YESAYA 26:11

O, Tumpu, Belento sabole-boleh mohukum anu monsampobali' Belento, panyo madi' nu sumbu' nu aha. Bakas da aha ma'ambangje demontoamo kalibosan nu Belento hi mian anu palesayamo hi Belento. Bakas da aha mohopu'o nu hukuman anu Nu posadiamo hi aha.

YEREMIA 38:4

Sahingga nambamo na to mia-mian anu ko pangkatnyo haha aijo' hi tomundo' ka' nompoto'i, “Mian aiya tionyo ahi' opatei na hukumannyo. Kalana sababnyo ia nontaloakonmo susumo aijo' sahingga to sulu-suludadu ihentemo na kinyonyoa nu aha iwi-iwi' ka' mian sangga'at anu daagi' jinojoong ikota' aiya. Ia madi'mo nontulungi mian da'isan panyo ola mule' ahi' nonsilakaimo aha.”

YEREMIA 43:3

I Barukh anak i Neria aijo'mo ia na pagala nonsale'i beleyum da boli montuluti kami da mian nu Babel mongkuasaimo kami ka' mompateimo kabai momboamo kami i Babel.”

AMOS 7:10

I Amazia, imam nu Betel, nompakatumo lapulan aiya hi Yerobeam tomundo nu Israel, “I Amos nosa'angu'mo tiba mian da'isan da mongewamo belento Tomundo. Potataenyo anu monsale'i mian da'isan monsabapimo lipu' aiya da hansun.

NOMBILANGMO 14:2

Aha lewa'mo monsosoli' i Musa ka' i Harun, ka' montaloakon, “Lebe ma'ima' kita matemo mae i Mesir kabai i padang bola aiya! Pojohokmo da kita matemo!

MATIUS 5:11

Bila-bilahi na komiu de o alu, o sakisa, o pitana'i kalana Aku.

SISIKON NU TO RASUL-RASUL 21:28

ka' lewa' noloboo', “O, to mia-mian nu Israel, tulung! Aiyamo na miannyo anu mamba iyaya mae mongajan iwi-iwi' na mian nu to aja-ajalan anu mompisala'i bansa Israel, mompisala'i atulan i Musa ka' mompisala'i Laigan nu Tumpu aiya. Ka' uuka ia ola' o mule' momboa to mia-mian anu misa' Yahudi ninsoop i uno nu Laigan nu Tumpu ka' nombau anu moko pahenggas i tampat anu susi' aiya!” (

SISIKON NU TO RASUL-RASUL 5:28

Ia notatae, “Tinewa'mo mami na komiu, da bolimo hondo-hondo mongajan mongkona Mian aijo'. Panyo uuka soba toa pa' apaa na anu binaumo nu belemiu! Komiu nompolelemo pangajalan miu aijo' i songko-songko na Yerusalem, ka' komiu ola mule' monsangka saba' kamimo na anu nonsaduakon kinapatean nu Mian aijo'.”

1 KORINTUS 10:10

Kita madi' timbali mososon sumo anu binau nu sambagian aijo' hi aha naipuan mae, sahingga aha pinatean nu Malaikat Kapatean.

2 KORINTUS 6:8

Kami o adati, panyo mule' opopo'ambang; o puji' ka' mule' o'alu. Mau mule' kinyonyoa mami sahondo-hondonyo, kami opobau-bau baleko'.

YUDAS 1:16

Mian haha aijo' ola saja' motusa' ka' mompisala'i to mia-mian sangga'at. Aha tumuu' montuluti apaa na anu nukamilui nu aha anu moko baladosa'. Aha mombuulakon posi butong ka' mongakali mian da mohumpak ka'untungan.