NOMBILANGMO 16:40 - KITAB NU TUMPU ALLA LELE MA'IMAI'

⁴⁰ Aijo' baumo pompo'ingat bansa Israel saba' de misa' lee' i Harun madi' timbali ko samian pe'e toka i mezbah da mompapu kamangian ka' osombahkon hi Tumpu. Mian anu molanggai atulan aijo' opateimo susumo i Korah tiba anu monsangaja'imo ia. Iwi-iwi' aijo' binaumo susumo anu pinalentahkonmo nu Tumpu hi Musa ka' pinoto'inyomo hi Eleazar.

NOMBILANGMO 16:40 ပူးပေါင်းရင်းမြစ်များ

MAZMUR 115:10

O to ima-imam, Tumpu na sabole-boleh otaha'imani Iamo na nontulungi ka' nonjagai belemiu.

YEHEZKIEL 40:46

ka' mule' laigan anu mongahopi utara pinosadia da bau kajojoongan nu to ima-imam anu mokalaja imezbah. Iwi-iwi' na imam haha aijo' tionyo ahi' lee' i Zadok. Kalana hi tulunan mae nu bansa Lewi ola hi lee' i Zadok na timbali mangadap hi Tumpu mombau apaa na anu Nu palentahkon monsombah Ia.

YEHEZKIEL 43:19

Ola ahi' imam lee' mae i Zadok anu lee' mae nu tulunan nu bansa Lewi na timbali toka mae i ahop-Ku mongatun palasombahan osombahkon. Aku, Tumpu Anu Matangkas na Kuasanyo na nompalentahkonmo han aijo'. Bee'i na aha sa'angu' na sapi' mo'anenyo anu daagi' bata'nyo da bau koloban pongampuni dosa'.

IMAMAT 22:10

Palasombahan anu samata-mata obee' hi beleng-Ku ola aha sa'anakan i imam aijo' na timbali mongkaan; mian sangga'at madi' timbali mau mule' mian aijo' jojoong sa'a-sa'angu'mo na laigan tiba imam aijo' kabai mian anu mongala tambo hi ia.

NOMBILANGMO 1:51

De belemiu molalinmo, mian nu Lewi haha aijo' na tionyo ahi' montataki Kemah-Ku lantas po'ule' mule' mompotinjo i tampat sangga'at anu pombauan mule' kemah kajojoongan nu belemiu. Ola aha Lewi na mongohani Kemah-Ku aijo' lantas ihe na mongohani Kemah-Ku aijo' o hukum mate.

NOMBILANGMO 16:39

Sahingga i Imam Eleazar nongalamo tampat nu apu haha aijo', ka' noki tutukmo hi mian pinaha ponipis da bau polapisi mezbah sasu sambiha'nyo.

NOMBILANGMO 3:10

Panyo i Harun ka' to ana-anaknyo tionyo ahi' nu hangkat da mokalaja salaku imam; de misa' aha, maumo pa' ihe na anu monsoba mokalaja aijo' tionyo ahi' o hukumo mate.”

NOMBILANGMO 3:38

Pombauan kemah, i Musa ka' i Harun ka' to ana-anaknyo tionyo ahi' mongala tampat i ahop nu Kemah nu Tumpu sasu kabete'an. Aha na mongkalesang Salipi' anu Susi' ka' atulan nu aha bansa Israel de monsombahmo Tumpu. De misa' aha maumo pa' ihe na monsoba mombau pakalaja'an aijo' tionyo o hukum mate.

IBRANI 5:4

Madi' ko samian anu mosi hangkat posi butongnyo timbali Imam Daka'. Mian timbali Imam Daka' de Tumpu na molaga ia da mompojalan palentah aijo' – pokakana sumo i Harun.

YOSUA 4:7

tionyo ahi' opoto'i nu belemiu hi aha taalu' Kaunyo nu Yordan madi'mo no'ili tempo'nyo Peti' Palajanjian nu Tumpu tinaapakonmo i kaunyo aijo'. Batu haha aijo' bau tanda da saja' monginau' na bansa Israel apaa na anu jinadimo i aiya.”

YUDAS 1:11

Silaka na aha! Kalana aha nombatukimo jalan anu tinuluanmo i Kain. Da mohumpak doi, aha nontuamo butong nu aha i uno nu kasala'an, pokakana sumo i Bileam. Ka' aha mule' pinateanmo kalana notomuhukmo susumo i Korah.