NOMBILANGMO 16:26 - KITAB NU TUMPU ALLA LELE MA'IMAI'

²⁶ I Musa notataemo hi aha mian nu Israel, “Pala'i na kemah nu mian anu toto ide-idek haha aiya ka' boli mongkanyang mau mule' pa' apaa na anu nu aha. De belemiu madi' mohongo-hongo, belemiu saidi' mae opatei hingga-hinggat tiba aha kalana dosa-dosa' nu aha.”

NOMBILANGMO 16:26 ပူးပေါင်းရင်းမြစ်များ

KAJADIAN 19:17

Lapas aijo' samian na malaekat aijo' notataemo, “Popalaimo, posalamat na nyawa nu belemiu! Boli monsiloi hiku ka' boli tolotinjo i bangka'nyo. Popalaimo mokiita' i bungkutnyo, da belamiu boli silaka!”

YESAYA 52:11

Lako'mo! Pala'imo na kota' Babel, O, belemiu anu nomboamo pakakas nu Laigan nu Tumpu! Boli monsintung balang anu maheyu; posusi'mo pe'e na butong nu beleyum ma'isa pe'e mamba.

YEREMIA 51:6

Posalamatmo na belemiu! Popalaimo mae pala'i na Babel dumo belemiu suele opateimo kalana dosa' nu aha! Kalana aiyamo na tempo'nyo Aku mombalosimo palabuatan ma'idek anu binaumo nu aha Babel, ka' mohukumo ia sitimbang tiba palabuatan nu aha.

NOMBILANGMO 16:25

Lantas i Musa sinangaluanmo nu to pola-polaya' nu aha Israel, nambamo nokiijo' i tampat i Datan ka' i Abiram.

MATIUS 10:14

De ko laigan kabai kota' anu madi' mongka'oho' montalima komiu kabai madi' mongka'oho' mohongo komiu, pala'i na tampat aijo', ka' sapuakon na abu' nu pala nu tengkeum.

SISIKON NU TO RASUL-RASUL 13:51

Sahingga to rasul-rasul aijo' nonsapuimo abu' i tengke nu aha, i ahop nu to mia-mian aijo' bau tanda, lantas nambamo nokiijo' i Ikonium.

SISIKON NU TO RASUL-RASUL 8:20

Panyo tinaaman i Petrus, “Silakamo na beleyum ka' doium! Te kooyum anu obee' nu Tumpu timbali o oli nu doi?

2 KORINTUS 6:17

Mokonyo aijo', pala'i na to mia-mian anu madi' monsumbu' Tumpu aijo', ka' boli mogalum na butongum hi aha. Boli hondo-hondo monsasuhi anu mahenyu, da Ku talimaje na komiu.

PO'ULE' INGULIT 13:17

Pakakas haha aijo' anu kinutukanmo madi'mo timbali opo'una' da bau pakakas miu, panyo tionyo ahi' o ideimo hondo totu-totu'u. Da madi'mo Tumpu motambuha' ka' Ia mongkalibosimo belemiu. Ia mongkanonongimo belemiu ka' mompotimbalimo belemiu bansa anu daka' susumo anu jinanji'-Nyomo hi mompolee' nu belemiu,

1 TIMOTIUS 5:22

Boli talalo malia' mombalakati toto samian kahanda' mompotantumo ia da o hangkatmo baumo salaku posaihon nu Tumpu. De mian sangga'at baladosa', boli maninggalo' i dosa' aijo'. Ojagai na butong miu da tataap susi'.

ANU PINOTO'I HI YOHANES 18:4

Lantas aku nohongo potatae sangga'at lengkat mae i suluga' nontaloakon, “Posabatmo mae, na mian-Ku anu pinalesayamo hi Beleng-Ku! Posabatmo mae lengkat i unonyo! Bolimo belemiu mombatuki to dosa-dosa'nyo, ka' manintuangmo montanggung hukumannyo!