NOMBILANGMO 16:15 - KITAB NU TUMPU ALLA LELE MA'IMAI'

¹⁵ I Musa notambuha'mo hondo ka' notataemo hi Tumpu, “Tumpu, boli mongala palasombahan nu aha. Madi' toho' aku mompolugi' mau pe'e samian anu aijo' hi aha; ka' sa'angu' pe'e na keledai ma'isa toho' ingalangku aijo' hi aha.”

NOMBILANGMO 16:15 ပူးပေါင်းရင်းမြစ်များ

2 SAMUEL 22:22

Aku nontulutimo palentah nu Tumpu ka' madi' ahi' pinanggaga hi Tumpu Allah-ngku.

NOSABATMO 32:19

Salatan i Musa ingohanimo kiijo' i pinombauan Kemah, tinoanyomo na sapi' mosoni' aijo' ka' to mia-mian hau-haunyo monsalelei sahingga ia notambuha'mo. Ikiijo'mo, i tengke nu bungkutnyo aijo', na i Musa nonsapahakon batu anu binoanyo mae aijo' sahingga nohimpunyumo toto sahintik.

AMSAL 21:27

Tumpu madi' sanang i palasombahan nu mian anu palaganta lebe-lebe mule, de monsombahkon aijo ko makisud ma'idek.

NOMBILANGMO 12:3

I Musa mian anu madi' kobubuun, nu lingkudui na mian iwi-iwi' anu tutuu' i dunia aiya.

NOMBILANGMO 16:16

Lantas notataemo na i Musa hi Korah, “Toka mae dodop i Kemah nu Tumpu hingga-hinggat tiba aha 250 na anu monsangaja'i beleyum. I Harun suele toka kiijo' mae. Belemiu tionyo ahi' momboa mae tampat nu apu toto samian. Isii mae nu kamangian i unonyo, lantas osombahkonmo hi Tumpu.”

MATIUS 5:22

Panyo uuka Aku motatae hi beleyum, ihe na pusa hi mian sangga'at, tionyo o putusi na palakalanyo; ka' ihehe na monguduli mian sangga'at, tionyo o putusi na palakalanyo i ahop nu Mian Kopian Daka' nu Agama. Ka' ihehe na montaloakon hi mian sangga'at, ‘Talalo ponga'’, patut o alin i uno nu apu nalaka.

MARKUS 3:5

Pinusa na i Yesus nontoa anu montikubi, panyo Ia ahi' molibos, kalana aha talalo panggaga. Lantas Ia notatae hi mian aijo', “Kawakon mae na limaum.” Mian aijo' nongkawakon limanyo, lantas limanyo tinimbali na'alin.

1 KORINTUS 9:15

Panyo ma'isa toho' aku nompake hak haha aijo' mau pe'e sangahan. Ka' aku nontulis sulat aiya misa' mule' ko kahanda' da anu haha aijo' obee'mo uuka hi belengku. Lebe ma'ima' aku silaka ka' de mule' ola talabakas na anu ku kabubuulakon aijo'.

2 KORINTUS 1:12

Kami sanang kalana kinyonyoa mami na mompohoson kami, saba' kantumuu'an mami i dunia aiya – anu talalo hondo pompahasumbu'an mami tiba kita Utus – pinojalanmo mami ma'i-ma'ima' ka' sahondo-hondonyo. Kami nombau aijo' misa' kalana kapandean nu mian, panyo kalana kahosonan anu binee' nu Tumpu Allah.

2 KORINTUS 7:2

Talima na kami i uno nu kinyonyoa miu. Kami madi' ko sala' hi samian pe'e, ka' madi' toho' ko mian anu pinolugi'mo mami. Kami madi' hondo-hondo nongala ka'untungan mau mule' pa' hi he.

EFESUS 4:26

De komiu pusa, boli mompobee' pusaum aijo' monsaduakon komiu baladosa'. Boli sansinaamo na pusa,

1 TESALONIKA 2:10

Kami tumuu' susi', totu'u ka' madi' ko kasala'an hi komiu anu pinalesayamo hi Kristus. Komiumo na to saki-sakisi mami, ka' suele mule' Tumpu.