NOMBILANGMO 16:14 - KITAB NU TUMPU ALLA LELE MA'IMAI'

¹⁴ Sabenannyo beleyum madi' nomboa mae kami i tano' anu ma'omuk kabai mombee'i kami bau pongale'an, ka' ale' nu anggur da timbalimo pusaka' mami! Uuka aiya beleyum mongakalimo kami! Madi', kami madi' mongka'oho' toka moitina'.”

NOMBILANGMO 16:14 ပူးပေါင်းရင်းမြစ်များ

NOSABATMO 22:5

Ihe na anu nompolapas potuu'onnyo mongotot i ale'nyo kabai i ale' nu anggurnyo, lantas binatang mamba mongkaan hasin nu ale' nu mian sangga'at, saba' tumpunyo nu binatang aijo' tionyo ahi' mombayan pombolosi kalugi'an nu hasin anu ma'ima' i ale' kabai i ale' nu posi anggurnyo.

NOSABATMO 23:10

“Anom na taun na kopinnyo belemiu timbali momula i ale' nu belemiu ka' mongala isinyo nu ale'.

NOSABATMO 23:11

Panyo i taun ko popitu'nyo tano' aijo' bolimo daagi' osu'ani. Sataun aijo' na kopinnyo belemiu madi' timbali mongala apa-apaa, anu mosi tumuu' i ale' nu belemiu aijo'. Bakasmo na aijo' da baumo bagi nu mian anu kasiasi, ka' tuha'nyo baumo bagi nu binatang anu ma'ela'. Baumo suele sumo aijo' na ale' nu anggur, ka' to kau-kau' zaitun anu nu belemiu.

NOSABATMO 3:17

Ka' tinantukan-Kumo da momboamo aha mosabat mompala'i Mesir, tampat nu aha sinansala, ka' momboamo aha i sa'angu' na lipu' anu kaya ka' molumba', lipu' nu bansa Kana'an, bansa Het, Amori, Feris, Hewi ka' Yebus.

NOSABATMO 3:8

Kalana aijo' mambamo na Aku mompobebas aha i lima nu mian Mesir ka' momboamo aha mosabat lengkat i lipu' aijo' mamba mokiijo' i sa'angu' na lipu' anu ewa. Tano'nyo kaya ka' molumba', ka' uuka aiya kajojoongan nu aha bansa Kana'an, bansa Het, Amori, Feris, Hewi ka' Yebus.

IMAMAT 20:24

Tano' anu kaya ka' ma'omuk aijo' jinanji'-Kumo hi belemiu, jadi Ku bee'mo hi belemiu da timbalimo anu nu belemiu. Akumo na Tumpu Allah nu belemiu anu madi'mo nompogalum tiba to bansa-bansa sangga'at.

NOMBILANGMO 13:27

Aha nompoto'imo hi Musa, “Kami nondoyonimo ima-ima' lipu' aijo' ka' nontoamo tano'nyo aijo' iwi-iwi' kaya ka' ma'omuk, ka' aiya sangkiding na bua' nu sosu'anon anu lengkat mae ikiijo'.

NOMBILANGMO 14:8

De Tumpu monsitujuimo kita. Ia momboamo kita mokiijo' ka' mombee'mo tano'nyo iwi-iwi' anu kaya ka' ma'omuk.

NOMBILANGMO 20:5

Apaa na kahanda' nu belemiu nomboamo mae kami nosabat lengkat mae i Mesir no uuka mae i tampat anu sansala aiya anu madi' timbali osu'ani apa-apaa? I aiya madi' ko gandumnyo, madi' ko kau' ara, anggur ka' dalima. Ka' mule' uee anu o inum i madi'an!”

TO MIA-MIAN KOPIAN 16:21

Sahingga ia i hakopmo nu to mia-mian Filistin ka' kinubatakonmo nu aha na matanyo. Binoamo nu aha na ia i Gaza, ka' pinungumo na ia nu lante' tambaga ohua', ka' pinosoopmo i talungku'. Ikiijo' mae i binee'anmo kalaja monggiling.

1 SAMUEL 11:2

Tinaaman i Nahas, “Sumo uuka na ku bau de aku mojanji'mo, 'Mata nu belemiu i koanan toto samian ku kubetakon salaku bau pongambangi bansa nu aha mian Israel iwi-iwi'!’ ”