NOMBILANGMO 15:31 - KITAB NU TUMPU ALLA LELE MA'IMAI'

³¹ kalana ia madi'mo nohongo-hongo Tumpu, ka' nontotonggolakonmo nolanggai palentah nu Tumpu. Mian aijo' sinilaka kalana posi kasala'annyo.

NOMBILANGMO 15:31 ပူးပေါင်းရင်းမြစ်များ

2 SAMUEL 12:9

Kadaka' beleyum madi'mo nompajuli anu pinalentahkon-Kumo? Kadaka' beleyum nombaumo kalakuan anu ma'idek susumo aijo'? I Uria pinoki patean nu beleyum i uno nu pahampatean; pinobakasmo nu beleyum na ia da pinatean nu aha mian Amon, ka' mule' ingosoanmo nu beleyum na bengkele'nyo.

MAZMUR 107:11

kalana aha notomuhukmo hi Tumpu ka' madi'mo nompajuli palentah nu Anu Matangkas na Kuasanyo

MAZMUR 119:126

O, Tumpu, tinokamo na tempo'nyo Belento mohukumo, kalana to mia-mian nolanggaimo atulan nu Belento.

MAZMUR 38:4

Tahahumo ahi' na sakitku kalana tambuha' nu Belento; madi'mo daagi' ko anu mahoson i uno nu butongku kalana dosa'ku.

NOSABATMO 30:33

Mian anu mombau lanya' susumo aijo' kabai anu mompake misa' imam, madi'mo timbali minsoop mian anu pinalesayamo hi beleng-Ku.”

AMSAL 13:13

Mian anu montee pangajalan nu Tumpu monsilakai buntongnyo; panyo mian anu tulu-tulutan hi atulan nu Tumpu Allah saidi mae mohumpakmo tamboonyo.

YESAYA 30:12

Kalana aijo' Tumpu nu Israel anu susi' nompoto'imo sumo uuka, “Belemiu madi'mo nontalima potataeng-Ku ka' montakabunakonmo lewa monsakisa ka' mongakali.

YESAYA 53:6

Kita iwi-iwi' tinalasmo susumo domba, toto samian mosi lio-liomo jalannyo. Pinotudunmo nu Tumpu hi ia na palabuatanto iwi-iwi' anu ma'idek.

YEHEZKIEL 18:20

Mian anu mombau dosa' ia ahi' na silaka. Anak na madi' ahi' tionyo montanggung hukuman anu binaumo nu tuumanyo na kasala'an, ka' suele tuuma madi' ahi montanggung hukuman kalana dosa' iwi-iwi' anu binaumo nu anaknyo. Mian anu manonong na mohumpak ahi' hukuman anu ma'ma' kalana palabuatannyo ma'ima'. Ka' mian anu palabuatannyo ma'idek na monta'up ahi' hukuman kalana palabuatannyo anu ma'i-ma'idek.

IMAMAT 26:15

de belemiu molanggaimo anu jinanji'-Kumo ka' anu binaung-Kumo hi belemiu ka' madi' mongka'oho' montuluti katantuan ka' to atu-atulan-Ku,

IMAMAT 26:43

Panyo tano' aijo' tionyo ahi' o alini pe'e na miannyo da totu-totu'u milawe pe'e. Ka' mian anu pinalesayamo hi beleng-Ku tionyo ahi' montalima iwi-iwi' na hukuman anu Ku nabu'akon hi aha kalana madi' mongka'oho' montuluti atulan ka' palentang-Ku haha aiya.

IMAMAT 5:1

Koloban bau pongampuni dosa' palalu hondo osombahkon: De daagi' ko mian anu opoita mombee'i katalangan salatan mian kopian momputusimo palakala, lantas madi' mombee'i katalangan mongkona apaa na anu tinoanyomo kabai anu i hongonyomo sahingga ia tionyo ahi' montanggungmo kasala'annyo.

NOMBILANGMO 9:13

Panyo mule' anu madi' mahumimi' ka' anu madi' i uno nu lumambanan padahan madi'mo molame'akon Paskah, madi'mo Ku posoop mian anu pinalesayamo hi beleng-Ku kalana ia madi'mo nonsombahkon koloban hi beleng-Ku i tempo' anu tinantukanmo. Mian aijo' tionyo ahi' montanggungmo dosa'nyo.

PO'ULE' INGULIT 17:12

Mau mule' ihe na baani' monggagakon mian kopian kabai imam anu montoongi kalaja, tionyo ahi' o hukum mate; sumo aijo' na belemiu montewa' da bolimo saja' mombau anu ma'idek aijo' hi aha Israel.

1 TESALONIKA 4:8

Mian anu madi' montalima pangajalan aiya misa' madi' montalima mian, panyo madi' montalima Tumpu anu nombee'imo Roh-Nyo anu susi' hi komiu.

1 PETRUS 2:24

Posi i Kristus na nonsimbu to dosa-dosa'to i butong-Nyo aita' i kau' salib da kita opobebas i kuasa nu dosa', ka' tumuu' mombatuki pongka'oho' nu Tumpu. Iwi-iwi' bela i Kristus na anu mompa'alin belemiu.

2 PETRUS 2:21

Lebe ma'ima' mian anu susumo aijo' madi' toho' nonsumbu' jalan anu totu'u lengkat mae hi Tumpu, da boli ola aha monsumbu' padahan lapas mae madi'mo mongka'oho' montuluti to pale-palentah anu binee'mo nu Tumpu hi aha.

1 SAMUEL 3:14

Kalana aijo' Ku sumpa'akonmo na aha salaigan i Eli, saba' dosa' nu aha anu talalomo hondo manjoo' aijo' madi'mo opoko ala o'ampuni nu koloban kabai pa' apaa na anu osombahkon sampe toka sidu-sidutu'.”