NOMBILANGMO 15:30 - KITAB NU TUMPU ALLA LELE MA'IMAI'

³⁰ Panyo de aha mian Israel kabai mian anu lengkat mae i salipu'an ototonggolakonmo na mombau dosa' ia monteemo Tumpu. Mian aijo' tionyo ahi' o hukumo mate,

NOMBILANGMO 15:30 ပူးပေါင်းရင်းမြစ်များ

KAJADIAN 17:14

Batu-batu mo'ane anu madi' o sunat, madi'mo oposoop mian anu pinalesayamo hi beleng-Ku, kalana ia madi' montoongi palajanjian aijo'.”

AYUB 38:15

Jingka nu sinaa talalomo najingka hi mian anu madi' palesaya Tumpu, ka' montewa' aha da bolimo panggaga.

MAZMUR 19:13

Madi' ko anu monsumbu' kasala'annyo; O, Tumpu, pobebasakon mae na aku i kasala'an anu sulu-suluk.

MAZMUR 69:9

Aku sumomo mian anu isalipu'anmo, misa'mo sumo utus nu to utu-utusku, sumomo mian anu isambiha'nyomo, misa'mo sumo to utu-utusku anu tu'a, tiba utusku anu ise'nyo.

MAZMUR 74:18

Inau'akon mae mosia na anu monsampobali' mae kami nongalumo Belento, o, Tumpu, bansa anu madi' monsumbu' Belento nompisala'imo sanggo nu Belento.

MAZMUR 74:22

Pobungkutmo mae o, Tumpu, tinjohi mae na palakala nu Belento! Kalana sansina-sinaa saja' o'alu na Belento nu to mia-mian anu madi' palesayamo hi Belento.

MAZMUR 79:12

O, Tumpu, balosakonmo na to bansa-bansa haha aijo' pimpitun lipat, kalana iwi-iwi' na alu anu mompopo'ise' Belento binaumo nu aha.

MAZMUR 89:51

Inau'akon mae o, Tumpu, mosiamo ahi' na posaihon nu Belento aiya lewa'mo o'alu, aku saja'mo pinopo'ambang nu to bansa-bansa.

NOSABATMO 21:14

Panyo de ihe-he na talalomo puuson ka' montotonggolakonmo mompatei mian sangga'at, lapas aijo' malai mamba i mezbah-ngKu da boli opatei, mian aijo' tionyo mamba o ala ikiijo' i mezbah ka' obee'i hukuman opatei.

NOSABATMO 30:33

Mian anu mombau lanya' susumo aijo' kabai anu mompake misa' imam, madi'mo timbali minsoop mian anu pinalesayamo hi beleng-Ku.”

AMSAL 14:31

Ihe na manonong hi mian anu kasiasi, moholomatimo Tumpu Allah-nyo; panyo ihe na mongkabisa'i mian anu lupe sumomo mongalu anu Nompotimbali ia.

YEHEZKIEL 20:27

Jadi o, manusia anu madi' tumuu' batu, poto'i hi aha mian nu Israel apaa na anu pinoto'ing-Kumo hi aha, Aku, Tumpu Anu Matangkas na Kuasanyo; Aiya na sonto' sangga'at anu momponyata' mosia na mompolee' nu belemiu sola'mo mae nongalu Aku ka' madi'mo nontuluti Aku.

IMAMAT 20:10

De samian na aha Israel masala' tiba bengkele' nu mian anu bubuu' bansa nu aha, ia ka' boune aijo' tionyo ahi' o hukum mate.

IMAMAT 20:3

Mian anu mongkolobanakon anaknyo hi Molokh, mohumimi'imo Kemah-Ku ka' mongambangimo sanggong-Ku anu susi'. Ia Ku hukumo ka' madi'mo daagi' Ku posoop mian anu pinalesayamo hi beleng-Ku.

IMAMAT 20:6

Mian anu mamba momoita pikilan hi sando anu mompaha sumbu' tiba to santu-santuu' nu mian anu sinilakamo Ku hukumo ka' madi'mo Ku posoop mian anu pinalesayamo hi beleng-Ku.

NOMBILANGMO 15:29

Atulan aijo' opokona suele, maumo pa' hi he na anu nombaumo dosa' anu madi' tinotonggolakon, maumo hi aha mian Israel kabai mian anu lengkat mae i salipu'an anu tinataapmo na jinojoong hi aha.

NOMBILANGMO 9:13

Panyo mule' anu madi' mahumimi' ka' anu madi' i uno nu lumambanan padahan madi'mo molame'akon Paskah, madi'mo Ku posoop mian anu pinalesayamo hi beleng-Ku kalana ia madi'mo nonsombahkon koloban hi beleng-Ku i tempo' anu tinantukanmo. Mian aijo' tionyo ahi' montanggungmo dosa'nyo.

MATIUS 12:32

De mian montaloakon hahan anu mombahakon Anak nu Mian, ia timbali o ampuni, panyo de ia mongambangimo Roh nu Tumpu, ia madi'mo o ampuni, mau tempo' uuka, mau pe'e i sinaa anu imihinyo mae!”

PO'ULE' INGULIT 1:43

Belengku mompotoiakon hi komiu apa na anu tinaeakon nu Tumpu, panyo komiu madi mompajuli. Komiu monggagakon palentah nu Tumpu, ka mo junjuhi i mamba mokijo i bungkutnyo aijo.

PO'ULE' INGULIT 32:27

Panyo aku madi' mongka'oho' sampobali' nu aha Israel kobubuunmo; boli-boli aha sala' na monsangka ka' notatae tukoonyo nu aha, ahamo na nohungku'i mian anu pinalesayamo hi beleng-Ku,’ padahan Aku ahi' na nombaumo han aijo'.”

IBRANI 10:26

Kalana de lele anu totu'u lengkat mae hi Tumpu pinotokamo hi kita, panyo saja' kita mombau dosa' ototonggolakon, saba' madi'mo daagi' ko koloban anu bau pongalini dosa'to.

IBRANI 10:29

Palias na koboatnyo na hukuman anu opokona hi mian anu talalomo monguesani Anak nu Tumpu. Mian aijo' monsangka madi' ko angga'nyo na baso' nu palajanjian nu Tumpu, aijo'mo i Kristus sinilaka da mompobelesi' dosa'nyo. Ia madi' mongangga'i Roh anu momombee'i balakat.

2 PETRUS 2:10

utamanyo to mia-mian anu montuluti apaa na anu nu kamilui nu aha, aijo'mo napisu anu mahenyu ka' anu monjojoa kakuasa'an nu Tumpu. Baani ka' takabun hondo na to gulu-gulu' anu madi' totu'u haha aijo' sahingga aha madi' bata-bata na monjojoa Tumpu anu opopodaka' kiita' i suluga'!

1 YOHANES 5:16

De komiu montoa sala'samian sangko kita mian Kristen mombau dosa' anu madi' mongahenakon mian aijo' talakangkanan i kantumuu'an kopian ka' sampe toka sidu-sidutu', tionyo ahi' komiu mondo'akon hi Tumpu; ka' Tumpu mombee'je kantumuu'an aijo' hi ia. Aiya kona hi aha anu dosa'nyo madi' mongahenakon aha talakangkanan i kantumuu'an aijo'. Panyo daagi' ko dosa' anu mongahenakon mian talakangkanan i kantumuu'an aijo'. Mongkona han aijo' aku madi' notatae tukoongku komiu tionyo mondo'akon hi Tumpu.

1 SAMUEL 2:25

De mian mombau kasala'an hi sangko manusia Tumpu Allah na montimbangi kasala'annyo; panyo de mian baladosa'mo hi Tumpu, ihe na moko ala montulungi?” Panyo aha madi' mompajuli pokinde' nu tuuma nu aha i Eli, kalana tinantukanmo nu Tumpu na aha opateimo.

1 SAMUEL 3:14

Kalana aijo' Ku sumpa'akonmo na aha salaigan i Eli, saba' dosa' nu aha anu talalomo hondo manjoo' aijo' madi'mo opoko ala o'ampuni nu koloban kabai pa' apaa na anu osombahkon sampe toka sidu-sidutu'.”